ارشيف الاستراحة 2009

[AHMEDCAR]

اولا الحمد لله على كل شيى

نيجى للقصه الغريبه دى

كان يومى امبارح يوم عادى جدا جدا و فجاءه لقيت تليفون من خالى اللى ساكن فى شبرا و بيسالنى انت فين

قولتله انا فى البيت و نازل كمان شويه قالى لا ماتنزلش و كلم اخوك خليه يستنانى هو كمان

قولت اهلا مصيبه اكيد ptmnlo123per111

نبذه مختصره عن خالى

هو راجل عادى زى اى واحد مصرى عايش و بيتعايش

المهم مافيش نصف ساعه و لقيته ناطط فوق دماغى فى مدينه نصر جيه ازاى و ساب الشغل بتاعه ازاى مش عارف و كان الكلام على الساعه 9.30 بليل

لقيته جايلى هو و اتنين اصحابه انا اعرفهم من المنطقه فى شبرا برضو

الحديث كالتالى

كار : خيرا ياخالى تعالى اطلع البيت

هو : لا انا مستعجل و عاوزك معايا صحيح فى اخوك

كار :نازل دلوقتى يعم قولى بس فى ايه

هو : بص يعم انهارده بعد صلاه العصر جالى ..... و ادانى فلوس و قالى انا معنديش حد فى البيت و البنك قفل و خايف يتسرقوا من البيت خليهم معاك لحد ما اجى بليل من الشغل و هاخدهم منك

المهم اخدت منه الفلوس و شلتها عندى فى البيت و خرجت انا كمان

الاقى على المغرب تليفون من كيمو بيقولى ان فى ظابط مباحث بسال عليا و بيقول انك معاك فلوس بتاعه .....و هو دلوقتى فى القسم و عاوزين يا خدوا منك الفلوس

كار : نعم يا خويا انت بتهزر و بتقول ايه انت متاكد لا استنى لما اكلم اخويا و المحامى كمان ( ملحوظه العبد لله محامى مع ايقاف التنفيذ )

اخويا نزل و سمع الموضوع و كلمنا ظابط المباحث اللى فى القسم طلع انه كان يوم فرحه و مش فاضى ptmnlo123per1106

طيب يعم من عندك فى القسم انهارده قاله لا و الله مافيش حد ده كله معايا هنا فى الفرح

يعنى لما احب اكلم شعب مصر اكلم مين ptmnlo123per122

المهم روحت انا بصفتى محامى تخيلوا محامى و الله

و فهمت الموضوع

اتاريه الاستاذ اللى جاب الفلوس لخالى

دى اصلا فلوس جوز اخته و بعتهاله من ليبيا علشان يترى بيهم حاجات فى مصر

و الباشا اخدت الفلوس و شالهم عندى خالى و طلع على القسم و عمل محضر انه اتسرق و هو ماشى و ناس طربته و قلبوه فى الفلوس

هو ماكنش يقصد انه يئذى خالى لكن هو عاوز يسرق جوز اخته و فى المحضر و هو بيعمله الظابط شك فيه لان منظره مايوحيش بمبلغ 50 الف دولار

و بعد الضغط عليه قر و اعترف بكل شيئ و انه شايل الفلوس امانه عندى خالى

طبعا علشان يصدقوا طلعوا بيه على البيت عندنا و سالوا على خالى و بالتالى المنظر كان مرعب لكل الناس هناك و بيقولى سرقه و كلام فاضى ptmnlo123per172

قومنا مستنين للصبح علشان نروح لمعاون المباحث اللى نعرفه هناك و نخلص الموضوع

و الحمد لله الواد اصلا كان ذاكر اسم خالى بكل خير و انه كان شايلهم عنده كامانه

يا جدعان الحمد لله على كل شيئ بس بجد احنا دلوقتى فى زمن ما يستاهلش كل الكلام ده

الواد عاوز يسرق زوج اخته اللى انيها فى بيته

اتقى شر من احسنت اليه

ارجو فى الاخر ان تكون القصه دى افادت حد قبل ما يقع فى بلاوى مع ناس معندها ضمير

و برضو عملت فى خالى زى ما عملت فى ابويا يوم الحدثه

قولتله يعنى انا اسيبك تنزل و تخرج شويه مع اصحابك تقوم جايلى البيت و معاك بلوه الاقيها منين ولا منين بس ياربى

[horas3000]

صدق اللي قال
اتقي شر من احسنت اليه.
انا شكلي كدة هستثمر القرشين اللي معايا و اجيب حد يخترع جهاز كشف الكدب المحمول و انا متاكد انة هيلاقي اقبال شديد خصوصا في بلدنا الجميلة.
ربنا يستر علينا جميعا

[AHMEDCAR]

انت بتقول فيها و الله انا دلوقتى بخاف اكلم اى حد خوفا ليكون حلاامى البلد خلاص داخله على ثوره الجياع

[bmkbmk]

هى بقت كدة خلاص ..... يا نهار ابيض
استرها على عبيدك يا رب

[AHMEDCAR]

ايون فى كده و فى كده وفى كده

ربنا يسترها علينا جميها و الله