#2161
|
|||
|
|||
أول عيد أضحى بعد الثورة محبط للغاية
الحكومة اجازة 5 ايام والقطاع الخاص يتشقلب بقي يولع - الوقفة واول وتانى يوم فقط هما اللى اجازة - وتالت ورابع يوم العيد شغل ....دا فى عرف مين الله اعلم لكن هو فى العموم فى مصلحة رجال الاعمال واصحاب شركات القطاع الخاص والمصري الموظف البسيط الغلبان اللى الحكومة مش لاقية حتة تتويه فيها وتشغله ورضي بالهم واشتغل فى القطاع الخاص للأسف الهم مش راضي بيه ........وياخسارتك يا مصر وياخسارتك يا ثورة وسمعونى احلى اغنية لعبد الحليم
منفوخ منفوخ يا مصري دا رابط الخبر وجريدة الاهرام http://gate.ahram.org.eg/NewsContent...%A7%D8%B5.aspx |
#2162
|
|||
|
|||
رد: أول عيد أضحى بعد الثورة محبط للغاية
حسبنا الله ونعم الوكيل ، والله ضيعوا فرحة الواحد بالاجازة ، وبدل ما يلزموا القطاع الخاص بصرف مبلغ مالى لعيد الاضحي زي الحكومة او حتى على الاقل يدونوا اجازتنا اللى طول عمرنا بناخدها بيركبوهم علينا ومخلينهم يدللوا رجليهم كمان ، واللهى الواحد كره الحكومة الفاشلة دى وكره القطاع الخاص وكره البلد وحياته كلها
|
#2163
|
|||
|
|||
رد: أول عيد أضحى بعد الثورة محبط للغاية
طيب وايه رايك في القطاع الخاص اللي فارض على الموظفين يشتغلوا يوم الوقفه ويرجعوا الشغل تاني يوم العيد والغياب اليوم يتحسب يومين ؟ والكلام ده مش سوبر ماركت قطاع خاص ولا محل خضار ده في شركات من اكبر الشركات في مصر
عموما القطاع الخاص في مصر ما هو الا استعباد للموظف بس بتلاقي فلوس تصرف انما الحكومه اه بتدي اجازات اكتر من ايام الشغل بس فلوس ما فيش انا رايي كل واحد يقول الحمد لله على اللي هوا فيه لان فيه ناس مش طايله التلات ايام دول ........... وكل سنه وانتوا طيبين |
#2164
|
||||
|
||||
رد: أول عيد أضحى بعد الثورة محبط للغاية
السلام عليكم يا جماعة
حسبى الله و نعم الوكيل قولوا يا جماعة افوض امرى الى الله ساعات بفكر ان دى السياسة دلوقتى علشان الناس تكره الثورة و تقول ايام مبارك كانت احسن (تضيق على الناس فى ارزاقهم و لقمة عيشهم و اجازتهم و كل شئ للاسوء ) بس ربنا قادر على كل شئ واصلاح البلد بإذنه تعالى (ويمكرون مكرا و الله خير الماكرين ) اللهم اصلح حال بلدنا يا رب و ابعد عمها كل سوء و لا تجعل بيننا شقيا و لا محروما و ارزقنا الرزق الحلال يا رب بارك فى الاجازة اليومين و اجعلها بقدرتك فى بركة اسبوع كامل يا رب اللهم اسعد كل المصريين الشقيانين و عوضهم خيرا عيد سعيد عليكم جميعا يا رب موظفين حكومه و قطاع خاص و اعمال حرة و كل المصريين الشرفاء يا رب ارزقهم الحلال و بارك فيه
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم |
#2165
|
|||
|
|||
رد: أول عيد أضحى بعد الثورة محبط للغاية
مين قالك بس يا استاذ تامر ان الواحد بيلاقي فلوس تتصرف انا بقالى 3 سنين ونص فى الشركة مرتبي ما تتحش من مكانه فى حين انى اتجوزت من سنتين وخلفت وقدمت بدل المرة كتيييييييييييير على زيادة المرتب وكل مرة تترفض ، وكمان المواعيد مافيش اى التزام بمواعيد عمل رسمية 8 ساعات و مافيش حاجة اسمها وقت اضافى ولو نزلت يوم الجمعه شغل بيتحسب يوم عادى مع ان القانون قايل اتنين وانا الشهر اللى فات اتأخرت عشر دقايق واسملك بالله عشر دقايق ان لم يكن اقل تم خصم يوم كامل ليا - مع العلم انى بكون فى الشغل كل يوم قبل مواعيد الشغل الرسمية بنص ساعة لانى بنزل بدرى قوى ومتعود اصحي بدري - يبقي كل دا وتقولى فلوس يا استاذ تامر والله انا بقول الحمد لله دايما وعلى كل حاجة لكن الظلم طعمه وحش قوى وربنا ما يحكم على حد بيه
|
الكلمات الدليلية |
25 يناير, مليونية, مقطع فيديو, مكتبة رقمية, الاسكندرية, الرئاسة, الشيخ, انفجار كنيسة, ثورة 25 يناير, صور سيارات, فجر |
|
|