ارشيف احداث عام 2009

[teto2007]

شكرا على الموضوع

[mr/medo]

المشاركة الأصلية كتبت بواسطة attef1 اولا انا سعيد بالحوار وزيكو حزين ان فى ناس ابرياء ماتو بس ومش بدافع عن الوزير فانا لا اعرفه من قريب ولا بعيد احب اوضح رايى الشخصى حضرتك بتقول مين اللى بيعين الموظفين و ده سؤال غريب جدا لانه اكيد مش الوزير هوا اللى بيعمل انترفيو مع السائقين واغلب الموظفين موجودين حتى من قبل الوزير بزمان ثم ان فى دوله الاميه فيها اكتر من 30 فى الميه وفيها الواسطه اهم حاجه (وده لحكومه ولاى حكومه فى العالم تقدر تغيرو الا لو الناس كلها سعت لكده ) ما افتكرش ان سوق الوظائف دى فيه كفاءات عاليه (يعنى على اد لحافك مد رجليك) دى مشكله عامه فى البلد مش فى القطاع ده بس ثم ليه مايكونش السائق التانى مثلا مش شارب مخدرات مثلا انا عن نفسى ليا تجربه قريبه جدا من دى سواق قطر كان شارب وعمل حادثه من اكتر من 5 سنين فاتو بس ماكانتش بالحجم ده تانى نقطه حضرتك بتتكلم عن التدريب هل عند حضرتك اى حاجه بتقول ان ده مبيتمش بالفعل بس اى تدريب اللى ممكن يمنع شئ زى اللى حصل؟؟؟ تالت حاجه بالنسبه لموضوع الجرارات هل عند حضرتك معلومات انها مش زى اللى فى امريكا مع الاختلاف الشاسع انا شايف ان عمر ماتنفع المقارنه بين بلد متحضر وبلد نامى لو عايز تقارن قارننا بالهند او الصين شوف الناس فى الهند بتبقى شكلها ايه فى القطر راكبين فوقه وعلى جنبه ولو فى تحته ماكانوش اتاخروا و بيحصل فى الهند زى عندنا و كل يومين تلاته تلاقى محجر فحم فى الصين انفجر ومات ناس كتير ده العادى فى الدول الناميه ولذلك فهى تسمى بالناميه انا بقى اللى عايز اسال حياة المصرى عند المصرى تساوى كام (انا بتكلم كده بيننا و بين بعضينا وانا فاكر انى قرات لك موضوع تقريبا عن الضمير او الصدق بينا و بين بعض و انك قلت ان النتييجه ان الضمير الى حد ما مش موجود) انا شايف ان المشكلة بتبتدى وتنتهى عند الشعب مش معنى كده ان الحكومه مش مسئولة بس نبقى فى منتهى القسوة لو مسكنا واحد او خمسين واحد حتى وشايلناهم الليله لاخطاء عامه يتحملها جيل بحاله اقصد الجيل اللى كان بيشتغل وده حقه على المجتمع حتى لو ماكانش مؤهل ارجع و اقول انى رائى قديكون خطا يحتمل الصواب و رايك صح يحتمل الخطا

المشاركة الأصلية كتبت بواسطة attef1 نفسى اسكت ومتكلمش بس مش قادر ايه كمية التخلف و الجهل اللى حاصلة فى البلد الاعلام عمال يناقش ان الوزير استقال ولا اقيل ومين ضرب مين والجرايد والاذاعه وخبراء من جميع انحاء الجمهوريه حتى هنا فى منتدانا وكأن هو ده المهم (عالم فاضيه و تافه ) وده فعلا يثبت بما لا يدع مجال للشك ان المصرى = صففففففففففففففففففففر عند المصرى اخوه لان مع مصيبه زى دى اول حاجه تتناقش هما الضحايا ازاى نحاول نخدمهم ازاى منظمات المجتمع المدنى توفر لهم اى مبالغ ماديه و بشكل سريع وازاى احنا نشارك فى المصيبه دى العجيب ان الناس راميه كل حاجه على الحكومه هيا اللى لازم تتدفع تعويضات وده صحيح و هيا بتحاول العجيب بقى ان كل واحد يتكلم يقول دم الغلابه دم الغلابه طب و احنا بقى كشعب فين جهودنا فين تبرعتنا فين تحملنا للمسؤليه محصلة كل ده = صفر معمناش اى حاجه غير ان كل واحد طالع يتاجر بدم الناس عشان يقولو البطل اهوه ( حاجه تقرف) فى اى بلد تانى الناس فى الاول بتدور ازاى نساعد المنكوب بعد كده نحاسب المسئول لو طلع واحد تافه دلوقت يقول عايزين جنيه عشان المنتخب يخش كاس العالم الناس هتتسابق فى لم الفلوس ولو وزير النقل ده كان عنده ماتش فى المنتخب كانت الناس هاتنساله كل حاجه همنا الاعظم ( كاس العالم) يا امه ضحكت من جهلها الامم ساخط على جهل وتخلف الشعب المصرى حتى اشعار اخر

لا يفندم انا مقلتش ان الوزير بيعمل انترفيو مع الموظفين اللى بيتعينوا ، لان اصلا مفيش اى موظف بيتعين فى الحكومة بيتعمل له انترفيو من اساسة ، بس اعتقد ان الوزير ومستشاريه هما اللى بيحطوا الشروط اللى على اساسها بيتعين الموظفين ، بس ياترى هو فى شروط لشغل الوظائف غير الواسطة . وكمان احب اقولك الوزير اللى انت بتتكلم عنه مضى على كام امر مباشر بتعيين موظفين جايبين وسطات من معارفه ومن اعضاء مجلس الشعب وغيره وغيره .

ولو فوتنا النقطه دى وافترضنا ان الوزير اتعين والناس دى موجودة ، ياترى فى الخمس سنين اللى فاتوا معرفش ان الناس اللى شغاله فى الهيئة غير مؤهلين للعمل فى السكك الحديد ، ياترى سيادته مأنشأ ليه قسم متخصص فى المدارس الفنية لتعليم قيادة القطارات و صيانة القطارات ، وليه لم ينشىْ قسم متخصص فى كليات الهندسة متخصص فى ميكانيكا القطارات ، تقدر تقولى كام بعثة من مهندسى وعمال وسائقى السكك الحديد سافرت الى الدول المتقدمة علشان تتدرب على النظم الحديثة وتنقل خبرات العالم المتقدم .؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟

وبالنسبة للواسطه المسئول الاول والاخير عنها يافندم هو الحكومة وليس الشعب ، يافندم الفساد منبعة الرأس ، وعلاجة لن ياتى الا من الرأس .

وبالنسبة للجرارات فا معرفش هو حضرتك مكنتش موجود فى البلد والجرارات دى جاية ،هو حضرتك مشفتش الضجة اللى حصلت والوثائق والاتهامات اللى اتوجهت للوزير وكالعادة الحزب الوطنى واعضائه المبجلين نيموا الموضوع ؟

وبالنسبة للمقارنة فأحب اقولك اننا اصلا مينفعش نتقارن بالدول اللى انت ذكرتهم دول ، لان الهند والصين سبقونا بمراااااااااااحل ، سيادتك احنا اصلا مش موجودين على الخريطه من اساسة لا دول عالم تالت ولا رابع ولا عاشر حتى . وبالمناسبة لو حابب تناقش الموضوع من كل النواحى سواء اقتصادية او سياسية انا مستعد بس ياريت حضرتك تكون مستعد .

ونقطة ان سائق القطار يكون شارب مخدرات ، اعتقد ان دى نقطة تدين الوزير مش تعفيه من المسئوليه ، لان الوزير هو المسئول عن كل ما يخص الوزارة وهو الملزم بوضع جميع الآليات التى تضمن التشغيل الامثل للمرفق المسئول عنه بما فيها انه يتاكد ان السائقين والعاملين غير مدمنين ، واعتقد ان فى اختراع اسمه كشف مخدرات ؟؟؟؟

وبالنسبة للصورة اللى انت حاططها ، بذمتك انت مقتنع ان دى صورة عادية ، ياسيدى الفاضل حضرتك حاططلى صورة مهرجان او كرنفال وتقولى الناس بتركب تحت القطار ؟

وبالنسبة لحياة المصرى عند المصرى فاحب اقولك انها تساوى كتير اوى ، ياريت حضرتك تشوف الصور وتشوف مين كان بينقذ الناس ومين اللى كان بيطلع الناس من جوة القطار ومين اللى شال الجثث والمصابين ؟ اعتقد ان الصورة دى ممكن تجاوبك .

دا ردى على مشاركة حضرتك الاولى .

بالنسبة لمشاركة حضرتك الثانية .

اولا احب اشكر حضرتك على ذوقك وعلى ادبك وعلى وصفك الجميل للناس بالجهل والتخلف .

ثانية مين قال لحضرتك ان الناس سابت الناس المصابة والناس اللى ماتت ومحدش ساعدهم . يافندم الناس هنا فى مصر مفيش حد بيسيب حد ، اكيد كل واحد من الناس دى قرايبه وجيرانه واهل بلده ومنظمات مجتمع مدنى سعدوهم ووقفوا جنبهم . بس للاسف يافندم الناس دى لما بتساعد بعض بتساعد بعض فى سكات من غير ما تطلع فى التلفزيون او الجرايد وتتفشخر وتترسم على الناس وتتباهى زى مسئولين الحكومة .

وكمان يافندم فى كل دول العالم المحترم والمتحضر الدولة هيا اللى بتتحمل كل عواقف الحوادث ، من رفع اثار الحادث وعلاج المصابين ودفن الموتى وصرف تعويضات فورية وبمبالغ خيالية . انا هقولك حاجه بقى شوف انت حكومتك هتصرف ايه للناس اللى حصلهم الحادثة وهتصرفه امتى؟ وهتمرمط الناس اد ايه لحد ما تديهم فلوسهم ، دا اذا اخدوا فلوس اصلا ؟

والله انا عندى كلااااااااااااااااااااااا اااااااااااااااااام كتييييييييييييييييييييييي ييييييييييير اوى عايز اقوله بس لا عندى وقت ولا الموضوع يستحمل انى اقول فيه كل الكلام اللى عندى .

ومش هعلق على اخر سطرين انت كتبتهم علشان مقولش كلام محبش انى اقوله

[AbOnOrA]

المشاركة الأصلية كتبت بواسطة attef1 نفسى اسكت ومتكلمش بس مش قادر ايه كمية التخلف و الجهل اللى حاصلة فى البلد الاعلام عمال يناقش ان الوزير استقال ولا اقيل ومين ضرب مين والجرايد والاذاعه وخبراء من جميع انحاء الجمهوريه حتى هنا فى منتدانا وكأن هو ده المهم (عالم فاضيه و تافه ) وده فعلا يثبت بما لا يدع مجال للشك ان المصرى = صففففففففففففففففففففر عند المصرى اخوه لان مع مصيبه زى دى اول حاجه تتناقش هما الضحايا ازاى نحاول نخدمهم ازاى منظمات المجتمع المدنى توفر لهم اى مبالغ ماديه و بشكل سريع وازاى احنا نشارك فى المصيبه دى العجيب ان الناس راميه كل حاجه على الحكومه هيا اللى لازم تتدفع تعويضات وده صحيح و هيا بتحاول العجيب بقى ان كل واحد يتكلم يقول دم الغلابه دم الغلابه طب و احنا بقى كشعب فين جهودنا فين تبرعتنا فين تحملنا للمسؤليه محصلة كل ده = صفر معمناش اى حاجه غير ان كل واحد طالع يتاجر بدم الناس عشان يقولو البطل اهوه ( حاجه تقرف) فى اى بلد تانى الناس فى الاول بتدور ازاى نساعد المنكوب بعد كده نحاسب المسئول لو طلع واحد تافه دلوقت يقول عايزين جنيه عشان المنتخب يخش كاس العالم الناس هتتسابق فى لم الفلوس ولو وزير النقل ده كان عنده ماتش فى المنتخب كانت الناس هاتنساله كل حاجه همنا الاعظم ( كاس العالم) يا امه ضحكت من جهلها الامم ساخط على جهل وتخلف الشعب المصرى حتى اشعار اخر

اشكرك يا استاذ عاطف على رأيك والتنبيه على اهميه واولويه التحرك لصالح تخفيف المعناه عن المصابين واهالى الشهداء (نحسبهم عند الله كذلك ولا نزكى على الله احداً)

لكن وانت تتحدث عن الموضوعيه يجب ان تدرك ان الموضوعيه تعنى تناول الموضوع من جميع الجوانب
كما ان الموضوعيه تدعو على احترام جميع الاراء والاجاهات وللجميع حق التعبير بدون داعى لتحقير الاخر

واسمحلى اقول لحضرتك ازاى

تحديد المسؤليه فى حادث (كارثى) بهذه الشكل هو ايضاً امر عام يهم الجميع (قضيه راى عام)
اقاله وزير على خلفيه كوارث بهذه النوع ظاهره تستحق التوقف والدراسه والنقاش فعلا
تحرك الحكومه لمحاسبه وزير برتبه رجل اعمال بوزن منصور ايضاً شىء نتنمنى حدوثه (اقول تحقيق لا فقط اقاله ) ونتمنى ان يحدث كثيراً كما ذكرت مسبقاً

وكل ده مهم علشان ميحصلش ده تانى وعلشان نوصل صوت الناس الرافضه لممارسات حكومه البيزنس الفاشله فى اداره قطاعات الخدمات

انا ادعو حضرتك لسحب الاسائات التى لا داعى لها والتى تدور كلها فى اطار تحقير الذات واحترم رائيك فى اهميه تناول الموضوع من الناحيه الانسانيه ايضاً والتأكيد على دور المنظمات الاهليه بجانب الدور الحكومى

لكن ما اوردت من كلام عصبى ومرسل ومهين افسد المشاركه ككل وجعلها دعوه حق باسلوب منفر وخاطىء نفرضه جميعا ويرفضه اى انسان متحضر

فارجو ان تعتذر عنه سريعاً خاصه وان الكلام موجهه للجميع

ايه كمية التخلف و الجهل اللى حاصلة فى البلد المصرى = صففففففففففففففففففففر عند المصرى اخوه غير ان كل واحد طالع يتاجر بدم الناس ساخط على جهل وتخلف الشعب المصرى

[attef1]

احب اسجل احترامى الشخصى لحضرتك يا ابو نورا
كما انى كنت فعلا متضايق جدا من اللى شايفه بيحصل و بصراحه كنت منفعل جدا
بدل ما الاعلام يروح يصور الناس فى المستشفيات و يتاكد ان الرعايه تمام
ويستخدم بشكل ضاغط على المستشفيات عشان تقدم افضل ما عندها و كمان المسئولين اللى بيحبو يتصورو
يروحو المستشفيات بردو (يعنى يمكن يقدمو اى افاده )
شوفت امبارح نقاشات عبثية جدا اللى يقول انا هضربك بالجزمه والتانى يقول انا عندى جزمتين و ده كان فى برنامج
على الهوا (شئ محزن مستوى الحوار فى المجتمع ككل )
بالاضافه للتواكليه الشديدة عند الناس على الحكومه و الناس كلها بتتطلب باستقلات وكأن كل واحد ادى اللى عليه
والحكومه بس اللى مقصره وبعدين مقارنات عجيبه بين شعوب تعلم تمام العلم اهمية العمل بضمير و بيننا
و عموما اعتذر عن اخر سطرين و يا ريت لو حضرتك بصفتك مدير المنتدى تمسحهم عشان محدش يتضايق
و شكرا

[_amr.mostafa_]

السيارات في مصر تفتقر لمواصفات السلامة
كشف الدكتور هاني بركات رئيس الهيئة العامة للمواصفات والجودة عن أنه في الوقت الذي تشدد فيه حكومات الدول الأوروبية معايير الأمن و الجودة والحفاظ على البيئة في السيارات التي تجري في شوارعها، تفتقر السيارات في مصر إلى معايير السلامة والأمان والبيئة المطبقة عالمياً.

وقال بركات في تصريحات لصحيفة "المصري اليوم" يوم الأربعاء إن زجاج السيارات وتيل الفرامل والإطارات الموجودة في السوق المصرية من أردأ الأنواع وأقلها كفاءة عالمياً.

وأوضح أن السبب في ذلك يعود إلى رغبة الشركات في تقليل النفقات وتحقيق أكبر قدر من الأرباح.

وكشف رئيس الهيئة العامة للمواصفات والجودة عن عدم توافر معايير السلامة والأمان والبيئة المطبقة عالمياً على السيارات الموجودة في مصر، موضحاً أن الشركات العالمية الموردة تتعمد وضع قطع غيار أقل كفاءة من المستخدمة في الدول المتقدمة.

وتابع بالقول إن الإتحاد الأوروبي وضع عدة مستويات للأمان والسلامة والبيئة بدأت بما يسمى "يورو واحد" ووصلت هذا العام إلى "يورو ٥" وهي الأشد في تطبيق تلك المعايير.

واعترف بركات الذي تولى رئاسة الهيئة في شهر مارس الماضي أن غياب المواصفات المصرية القوية التي تطبق على المستورد قبل المحلي كان سبب دخول نوعية سيئة من السيارات للمستهلك المصري.

وشدد على أنها قد تكون غير فاسدة مثل الموجودة في المصانع العشوائية، ولكنها أيضاً لا تحمل قدراً كبيراً من الأمان للمستهلك.

وكشف رئيس الهيئة عن أنه يجري حالياً إعادة تقييم وتطوير لمواصفات قطع غيار السيارات، بما يتوافق مع معايير السلامة وأنه تم الإتفاق مع هيئة المواصفات البريطانية للإشراف على تطوير تلك المواصفات التي ستنتهي خلال ٦ أشهر، على أن تكون ملزمة لجميع المصانع المحلية والمستوردين.
أوروبا تشدد القيود على معايير الجودة

وأضاف أن هناك ما يقرب من ١٢٦ مكوناً بالسيارة، إلا أن الهيئة رأت أن تبدأ بـ٤ أصناف لها تأثير مباشر على الحياة وهي تيل الفرامل والزجاج والإطارات والشكمانات.

وقال إن الهيئة ستبدأ في تطبيق المعايير الموجودة في "يورو ٢" بشكل مبدئي، لافتاً إلى أنه سيتم وضع اشتراطات تمنع استيراد أي سيارة لا تحتوي على فلتر الشكمان، لتقليل الإنبعاثات الملوثة للهواء، أو لا تلتزم بالحد الأقصى للإنبعاثات المحددة في المواصفة الجديدة.

وأشار بركات إلى أنه سيتم إلزام الشركات بوضع علامة سلامة مصرية مثل "ce" الأوروبية على المنتجات سواء المحلية أو المستوردة تؤكد للمستهلك أنها آمنة ومطابقة للمعايير السابقة.

كما كشف رئيس الهيئة في تصريحاته عن وجود إتجاه لإعداد أول مواصفة قياسية مصرية لإختبارات القيادة توضح الخطوات المطبقة عالمياً في اختبارات الحصول على رخصة، معترفاً بأن غياب تلك القواعد أدى إلى عدم الإعتراف برخصة القيادة المصرية خارجياً.

وأشار إلى أن التطبيق الفعلي مسؤولية وزارة الداخلية، موضحاً أن مسؤوليته تقع على وضع تلك الأسس والقواعد، مؤكداً أنه سيتم لأول مرة أيضاً وضع مواصفة بالإشتراطات والقواعد الخاصة بالفحص الدوري للسيارات عند تجديد الرخصة.

ولفت إلى أنه يجري حالياً بالتعاون مع الجهات المعنية ووزارة الداخلية دراسة فتح باب تقديم خدمة شهادات الفحص لمراكز الصيانة الخاصة، بحيث يتم إعتمادها من المرور دون الحاجة لفحص آخر تيسيراً للمواطنين، وأنه من المقرر أن يتم الإنتهاء من المواصفتين منتصف العام القادم.

المصدر :
ContactCars