ارشيف احداث عام 2009

[mr/medo]

المشاركة الأصلية كتبت بواسطة د0تامر محمد كارثة مبكية مفزعة ولن تكون الأخيرة! سأتكلم من زاوية مختلفة وبعيدة عن الكارثة بخصوص إستقالة الوزير00 الوزير لم يستقيل وإنما أقيل! نعم أقيل! لا يوجد فى مصر وزير يستطيع الاستقالة وإذا إستطاع ترفض ثم يقال ماحدث من وجهة نظرى أنه أمر بالاستقالة لعمل شو إعلامى للحزب الوطنى

تأكيدا لكلام حضرتك يا دكتور ، الاقالة فى العرف السياسى المصرى تتم بأن يوجة الرئيس امر للوزير او المسئول بتقديم الاستقالة ثم يقوم الرئيس بقبول الاستقالة ، هكذا تتم الاقالة فى النظام السياسى المصرى .

فساد الرعيه سببه فساد الراعى
والحمــد للـــــــــــــــــــه

[attef1]

المشاركة الأصلية كتبت بواسطة mr/medo وهو حضرتك مين اللى مسئول عن الموظفين اللى انت ذكرتهم. ومين المسئول عن تعيينهم ؟ ومين اللى مسئول عن تدريبهم ؟ ومين اللى مسئول عن تنظيم العمل فى الهيئة ؟ ومين اللى مسئول عن اضرابات واعتصامات واحتجاجات موظفى وسائقى هيئة السكك الحديد ؟ تقدر تقولى سائقى القطارات بيتعلموا سواقة القطار فين ؟ او ايه المؤهل اللى لازم يكون سائق القطار حاصل عليه علشان يشتغل سائق قطار ؟ تقدر تقولى مين اللى راح اشترى جرارات القطارات من الشركة الامريكية ( ....................... ) بتمن اغلى بكتير من كل العروض اللى قدمتها كل الشركات الاخرى ؟ تقدر تقولى هل الجرارات اللى اشتراها الوزير من امريكا بنفس مواصفات او جودت الجرارات التى تعمل فى امريكا ؟ تقدر تقولى مين المسئول عن دم الناس الغلابة اللى ماتت ؟ تقدر تقولى ازاى الريس قاعد النهارده بيحتفل وبيتفرج على رقص وغناء وحفلة متكلفة ملايين ولسه معداش على موت الناس الابرياء يومين ؟ تقدر تقولى حياة الانسان المصرى تساوى ايه عند حكومة مصر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

اولا انا سعيد بالحوار وزيكو حزين ان فى ناس ابرياء ماتو بس ومش بدافع عن الوزير فانا لا اعرفه من قريب ولا بعيد احب اوضح رايى الشخصى
حضرتك بتقول مين اللى بيعين الموظفين و ده سؤال غريب جدا لانه اكيد مش الوزير هوا اللى بيعمل انترفيو مع السائقين واغلب الموظفين موجودين حتى من قبل الوزير بزمان ثم ان فى دوله الاميه فيها اكتر من 30 فى الميه وفيها الواسطه اهم حاجه (وده لحكومه ولاى حكومه فى العالم تقدر تغيرو الا لو الناس كلها سعت لكده ) ما افتكرش ان سوق الوظائف دى فيه كفاءات عاليه (يعنى على اد لحافك مد رجليك) دى مشكله عامه فى البلد مش فى القطاع ده بس ثم ليه مايكونش السائق التانى مثلا مش شارب مخدرات مثلا انا عن نفسى ليا تجربه قريبه جدا من دى سواق قطر كان شارب
وعمل حادثه من اكتر من 5 سنين فاتو بس ماكانتش بالحجم ده

تانى نقطه حضرتك بتتكلم عن التدريب هل عند حضرتك اى حاجه بتقول ان ده مبيتمش بالفعل
بس اى تدريب اللى ممكن يمنع شئ زى اللى حصل؟؟؟

تالت حاجه بالنسبه لموضوع الجرارات هل عند حضرتك معلومات انها مش زى اللى فى امريكا
مع الاختلاف الشاسع انا شايف ان عمر ماتنفع المقارنه بين بلد متحضر وبلد نامى
لو عايز تقارن قارننا بالهند او الصين شوف الناس فى الهند بتبقى شكلها ايه فى القطر راكبين فوقه وعلى جنبه ولو فى تحته ماكانوش اتاخروا


و بيحصل فى الهند زى عندنا و كل يومين تلاته تلاقى محجر فحم فى الصين انفجر ومات ناس كتير
ده العادى فى الدول الناميه ولذلك فهى تسمى بالناميه

انا بقى اللى عايز اسال حياة المصرى عند المصرى تساوى كام (انا بتكلم كده بيننا و بين بعضينا وانا فاكر انى قرات لك موضوع تقريبا عن الضمير او الصدق بينا و بين بعض و انك قلت ان النتييجه ان الضمير الى حد ما مش موجود) انا شايف ان المشكلة بتبتدى وتنتهى
عند الشعب مش معنى كده ان الحكومه مش مسئولة بس نبقى فى منتهى القسوة لو مسكنا واحد او خمسين واحد حتى وشايلناهم الليله لاخطاء عامه يتحملها جيل بحاله اقصد الجيل اللى كان بيشتغل وده حقه على المجتمع حتى لو ماكانش مؤهل
ارجع و اقول انى رائى قديكون خطا يحتمل الصواب و رايك صح يحتمل الخطا

[a7lahamada]

بالذمة مش عيب جاموسة يعني مفيش نظام جاموسة بتعدي قضيب القطار يا سلام اية التطور الي احنا فية دة جاموسة تموت 18 واحد ويقولي ان القطارر كان ماشي علي سرعة 120 وداخل علي كوبري بين ترعتين فين النظام في مصر الي اسمها ام الدنيا للاسف بمعدل سنويا حادثة قطار ويروح ضحاياها عشرات ومئات الاشخاص وفي الاخر يدي تعويض 5000 بالذمة روح تروح ب 5000 اية دة اية الي احنا في دة

[maka]

المشاركة الأصلية كتبت بواسطة mr/medo اهو الوزير استقال النهارده والريس قبل استقالته ، ولا عزاء للغول .

مش حكاية استقالة , حكاية ان كل واحد عاوز اللى يخلص مصالحه وحبيبه يفضل موجود وتولع البلد