Chevrolet Lanos or Speranza A516

[خالداعزالناس]

الاسبيرانزا سياره متعبه واغلب اللى اشتروها اشتكوا منها ومن اعطالها المتكرره
وقطع الغيار المرتفعه الاسعار
اللانوس افضل طبعا بكتير
وفى سيارات تانيه فى نفس المستوى
شيفروليه لانوس
هيونداى فيرنا
هيونداى جيتز
هيونداى نيو اكسنت
كيا ريو
وسيارات اخرى كتير
لكن اللانوس سعرها مناسب جدا
تباع كامله مانيوال 70000
يعنى سعر مناسب وقطع غيار رخيصه ما شاء الله

[fayed79]

بصراحة يا جماعة ان السيارات الصيني شكل فقط لكن قطع الغيار غير متوفره وان وجدت تكون غالية وكذلك غير معمرة ( رأي شخصي ) بصراحة انا محتار بين لانوس وافيو وفيرنا علشان عايز انشاء الله اشتري عربية جديدة .

[خالداعزالناس]

طبعا لا وجه لمقارنه الكورى حتى لو تقفيل مصرى وبسياره ماشيه فى مصر من 15 سنه
بالصينى
اللانوس تكسب طبعا

[krim71]

فيات 128 احسن من اللانوس....
قطع غيار الايه خمسة هنا موجودة عند السوبر ماركت
كل حاجة في الايه خمسة بتتفوق عن اللانوس من اول الماتور لحد الاوبشانز و التقفيل كفاية اصلاً ان اللانوس اتوقف انتاجها من سنة 2001 و لسة بتتعمل في مصر والله بتكفرني باللادا اللي انتاجها اتوقف و عمالين يتريقوا علينا و يقولك البلد الوحيدة اللي لسة بتصنع لادا هما كام يوم بس و يقولك البلد الوحيدة اللي لسة بتصنع لانوس ليه نعيش في الماضي طيب؟؟؟ و فيه جديد؟؟؟ الايه خمسة اكفأ بمليون مرة و عن تجربة بقالها 3 سنين موجودة معانا زي ما جبناها زي ما هي و العربية الحمدلله مفهاش اي عيب تقفيل او ما شابه كل اللي غيرناه كان من قريب طقم بوجيهات بس
و علشان تريح بالك اللي تميل ليه اكتر هاته علشان متعودش تندم و تقول انا بس لو كنت جبت و الكلام اللي بيحرق ده يعني لو لاقيت نفسك مايل للانوس هاتها و ريح بالك و استخير ربك بس بصراحة انا صعبان عليا ان الناس يبقى معاها بتاع 70 الف و يروح يجيب بيها عربية قديمة و يقولك دي على الزيرو مهما كانت على الزيرو العربية تكنولوجيا قديمة فحت و افتكروا ايام ما لانوس جت مصر كنت عمالين تقولوا ايه ده يا عم حد يشتري كوري و دلوقتي بتتمسحوا على تراب جزمتها !!!! الله يرحم هو شعب كده قدرنا بقى هنهرب منه منين اتولدنا هنا و هنعيش هنا

[ahmed khaled said]

أكيد اللانوس أحسن