تجربتى مع لادا 2106 (1500)

[youssef_elgbaly]

المشاركة الأصلية كتبت بواسطة محمد حسن عبد الرحمن السلام عليكم ورحمت الله وبركاته كنت من كام يوم قولتكو انى رايح اكتب العقد بتاع شراء السيارة المهم بعد ان أشتريت السيارة حولت اعرف واشخص العيوب التى بها. أول حاجة نصيحة مهمة جدا أول ما تشترى سيارة مستعملة صلح كل حاجة فيها تؤثر على وظائفها او تعمل معاك حركة بيخة على الطريق علشان متأخدش عليتك معك وانت لسه شارى العربية وتلقيها عطلت بيك فى السكة والموضوع هيبقى منظره بياخ فصلح كل الحاجات العطلانة التى بالسيارة قبل ما تخرج عائلتك بالسيارة وهذا للعلم. نخش فى الأعطال اللى طلعتلى وتم أصلاحها : أول حاجة عملتها كانت مشكلة فى المرش وكانت العربية تبطل منى بسبب انى مش ظبط رجلى على الدواسات فكانت بتبطل اجى أدور القيها كانها مفيش كهرباء فيها مع أن أنوار الطبلوة منورة رحت لكهربائى وحل المرش وبص عليه وقلى أخرط الجلبتين وتم خرط الجلبتين وتركيب عدد 4 شربون بداخل المرش والحمد لله تمت العملية بنجاح الأنتظار والأشارات مكنوش شغلين وشغلتهم الحمد لله وكذلك التسجيل أيضا تم تشغيله والحمد لله تمكنت من تغير عدد 2 فلتر بنزين هو العربية لقيت راكب فيها 2 فلتر بنزين فغيرتهم بنفسى والحمد لله مفيش تسريب غيرت زيت المحرك جبت جركن مش فاكر اسمه بالظبط هو تبع التعاون الجركن لونه فضى بحاجة وستين جنية بيتهيالى 61 او 62 حاجة زى كدة وفلتر زيت لادا 15 جنية وزودت زيت دربكوس وكرونة والكرونة كانت ناقصة جدا وحط فيها كيلو وربع وتكلفة زيت الدربكوس والكرونة 41 جنية للزيت بتاعهم والراجل بتاع غيار الزيت فى المحطة اللى هى فى آخر شارع شامبليون فى الإسكندرية قال لى أن الكرونة تحتاج أورسيل وان شاء الله أعمله بكرة ولا بعدة اما الراجل بتاع الغسيل والتشحيم قال لى ان البيضة يمين ليس به مكان للتشحيم وعيزنى أغيرها بواحدة فيها مشحمة فا أنا قولت لما يحين ميعاد تغيرها أبقى أغيرها وسؤال هل الكردان بيتشحم ولا لا وايه امكان التى يضع بيها الشحم للعلم علشان الناس متشتغلنيش اداء الموتور مكنش عجبنى مع أنها بتنفخ على الأرض فوقلت أروح أفول جبتلها بـ 20 جنية بنزين 90 وبـ 17 وحاجة بنزين 80 وطلعت مع صديق عزيز جدا ليا لأختبار السيارة وعلشان نخليها تصرع علشان تبقى جريا وتسحب كويس المهم أثناء أختبار السيارة عمليت أصوات غريبة والمكنة لخبطت وكانها هتبطل المهم تشخيص العطل هو وسخة البنزين فقولنا نديها كم مدفع غيرنا البوجيهات نشيل اتنين ونعكس امكانهم وهكذا ونرجعه تانى ونأخد اتنين تانيين وندور وهكذا وبعدين نرتب صح ونشوف أخبار صوت المحرك ايه والحمد لله سحب السيارة تحسن جدا وكتير اوى عن قبل ما نعمل الحركة ديه (المدافع) الفرامل كانت عايزة يتاخد منها هواء وعملنها والنهاردة الصبح انا كتبت الكوتش بقلم دوكو أبيض وبعديه بشوية طلعت والعربية أتخبطت مرتين والحمد لله مفيش خسائر تذكر اول خبطة كانت مع سيارة لادا كنت انا ماشى فى شارع الأستاد وطالع على محطة مصر ومرة واحد ميكروباص وقف قدامى فجأة فدوست فرامل فالعربية وقفت ولادا اللى ورايا خبطت فيا ومن صوت الخبطة انو محصلش حاجة فى السيارة والراجل رفع ايده واعتذر ومشيت حتى منزلتش انا من العربية المهم الخبطة التانية وانا وقف عند البيت فى اول الشارع جت جانبى عربية ابيزا وصاحبها بيسال على واحد بتاع قطع غيار المهم انا معرفوش فالرجال راح جاى راجع وراء وانا بصيت على شكله قولت ده ما بيعرفش يسوق قولت ابعد عنه شافنى بتحرك بالعربية علشان ابعد عنه قال ليا خليك انا هعدى ويرتينى ما سمعت كلامه وهو بيرجع للوراء وبيكسر يمين وانا على شماله راح داخل فى ظفر الأكصدام واتشرخ حتة صغيرة من تحت ونزلتله بصراحه لقيت الظفر بتاع الأكصدام مشروخ وبس رحت قيال له الحمد لله ومشيت روحت حته تانية بعديها بشوية وكان برده هيخبطنى تصدقوا نفس الراجل مرتين بس المرة دية انا شوفت العربية بترجع عليا بس فى مساحة تعدينى روحت رزعة كلاكس وفضلت معلق ايدى لغاية لم نزل من العربية وبعدين روحت ماعدى وهو كان نازل يشتم شفنى راح معتزر والحمد لله على كده انا اسف رغيت كتير بس قولت انقل تجربتى لرجالة مصر موتورز علشان أنا بعشق المنتدى ده وانى أخوكم فى المنتدى ويريت لو حد عند معلومة تفيدنى او تفيد اى مستجد فى شراء السيارات او يوميات لقائدى السيارات يكتبها هنا لكى تعم الفائدة على الجميع ولكم جزيل الشكر. وفائق الأحترام أخوكم محمد :GR OWIN~12:

والله العظيم انت انسان زى العسل تقبل مرورى ضحكتنى كتير لما قلت وهو نفس الراجل هههههههههههههههه: Wkiss5:

[محمد حسن عبد الرحمن]

المشاركة الأصلية كتبت بواسطة youssef_elgbaly والله العظيم انت انسان زى العسل تقبل مرورى ضحكتنى كتير لما قلت وهو نفس الراجل هههههههههههههههه: Wkiss5:

ده أنت اللى زى العسل يا باشا الف شكر لردك الكريم الجميل.

أخوك محمد