أرجو الرد سريعا من السادة الأعضاء لأنى احترت؟؟؟؟؟

[Hisham.Elgazzar]

المشاركة الأصلية كتبت بواسطة pharma انا فعلا غيرت الأيدل النهاردة وحاسس ان الموتور احسن كتير والمشكلة الحمد لله محصلتش معايا النهاردة ويارب تكمل على كدة..بس المشكلة انى لقيت صوت العربية بقى عالى اوى عن المعتاد..خصوصا اول مادورها الصبح بلاقى صوتها بيعلى اوى ويقعد كدة شوية ومش عارف ايه السبب..وعايز اشكر كل اللى أهتم بالموضوع وخصوصا أ.هشام الجزار................... ......................... .....................:Wki ss5:

العفو الشكر لله انا بحاول أساعدك

المشاركة الأصلية كتبت بواسطة pharma ياجماعة العربية بدورها الصبح بطبطل كام مرة وبعدين تستجيب اى المشكلة ...ياريت حد يقولى؟

لو الرشاشات نظيفة والبوجيهات وسلك البوجيهات وطرمبة البنزين سليمة
يبقى إحتمال يكون الايدل اللى ركبته متعملوش معايرة صح على كمبيوتر العربية تمام

[pharma]

ياجماعة انا وصلت لمرحلة ان انا كرهت العربيات ...المشكلة عندى بقت معقدة.وسمحولى هطول عليكو شوية وياريت حد يسحملنى ويقولى اللى انا عملته صح ولا غلط
المشكلة اللى انا قولتلكم عليها قبل كدة للأسف بعد ماغيرت الأيدل العربية مشيت معايا يوم واحد زى الفل وبقيت طاير من الفرحة وتانى يوم ظهرت المشكلة تانى العربية بطبطل وانا ماشى أو بهدى عند ملف او مطب .واللى زاد ان عزمها قل وبقت بتقطع خصوصا فى الغيارات الأولانية.
المهم انا رحت النهاردة عملتلها سكان كومبيوتر قالى العربية زى الفل الأيدل شغال ومفيش حاجة ظاهرة عندى كله sto
طيب وبعدين قالى فى بوجية عندك غرقان زيت ويمكن يكون السبب وقالى محتاك عمرة للموتور.
قلت وانا طبعا شايط ولع فيه بجاز وسبتله العربية ومشيت وانا بقول انا لله وانا اليه راجعون .مش عارف الوضوع كبير ولا انا بيتهيالى....

[احمد على 1999]

معلش كل العربيات كده مع كل الناس دايما مقالب و مصاريف حتى لو العربية زيى الفل وارد تتخبط و تدمر فمعلش قدر الله و ما شاء فعل

فعلا لازم تتحل مشكلة الزيت اللى على البوجيه ضرورى
ممكن طقم شمبر
ممكن عمرة كاملة
حسب ما يفك و يشوف
ممكن ماتور استيراد يبقى اشهل

ممكن حل مؤقت زيت تقيل مع زيت شمبر

[mr_astra]

ممكن تغير طقم بوجيهات جديد نوع محترم ونشوف العربية هاتعمل اية ولو لا قدر الله حصل تبطيل تانى نفك بوجية بوجية ونشوف بوجية رقم كام علية زيت لو ان كلام الميكانيكى مظبوط وبناء علية نشوف هانعمل اية لاكن لازم الاول نتاكد ان البوجيهات او واحد منهم على الاقل بيغرق زيت
لان حضرتك ركبت حساس جديد العربية اتظبطت وبعدين برجلت تانى فاية علاقة دة بدة يعنى لية العربية اتظبطت لما غيرت الحساس وكمان هل مستوى الزيت عندك بينقص ولا ثابت وحتى لو بينقص هل نتيجة ترشيح على جسم المكنة الخارجى ولا بخرة من الموتور كل الحاجات دى لازم نعرفها ،،،،،،

[pharma]

المشاركة الأصلية كتبت بواسطة mr_astra ممكن تغير طقم بوجيهات جديد نوع محترم ونشوف العربية هاتعمل اية ولو لا قدر الله حصل تبطيل تانى نفك بوجية بوجية ونشوف بوجية رقم كام علية زيت لو ان كلام الميكانيكى مظبوط وبناء علية نشوف هانعمل اية لاكن لازم الاول نتاكد ان البوجيهات او واحد منهم على الاقل بيغرق زيت لان حضرتك ركبت حساس جديد العربية اتظبطت وبعدين برجلت تانى فاية علاقة دة بدة يعنى لية العربية اتظبطت لما غيرت الحساس وكمان هل مستوى الزيت عندك بينقص ولا ثابت وحتى لو بينقص هل نتيجة ترشيح على جسم المكنة الخارجى ولا بخرة من الموتور كل الحاجات دى لازم نعرفها ،،،،،،

ايوة هو لمل فك البوجيهات لقيت ان تالت واحد فعلا كان غرقان زيت وفيه ترشيح زيت على جسم المكنة خاصة البلوك التحتانى والزيت كان ناقص شوية.
بس المشكلة عندى من زمان قبل موضوع الزيت ده لانى غيرت طقم بوجيهات قبل كدة وكانت برضه بطبل معايا دايما وللأسف الأيدل اللى جبتة وركبته كان من عربية استيراد يعنى مستعمل لأنى دورت كتير عندنا على جديد ولم أوفق فمش عارف هل بينزل منه جديد ولا لأ وهل دة ممكن يكون السبب.
أفيدونا أفادكم الله لأنى بدأت أفقد الأمل.....والله المستعان