عربيات تستحمل السفر لمسافات بعيده

[hamaad]

تشترى برتون ساجا لو معاك 70 الف او طبعا رينو لوجان بردو

[ahmed_zamalek7]

اووووووووووووووووبس الصراحه طريق مصر ده رخم خصوصا وانتى راجعه بعد العاشر زحمه غير الحته البعد بلبيس كلها مكسره ولسه بيعملو فيها الصراحه انا شايف انك تجددى التريوس لى تريوس 2012 عشان تستحمل الطريق ده وربنا معاكى عشان طريق متعب جدا الواحد بيروح بيبقى مش قادر يرجع

[mohammed admy]

لو عاوزه عربيه تستحمل معاكى السفر الكتير والبهدله بس الشكل مش اد كده يعنى يبقى لانسر بومه وممكن تجيبى منها مستعمل عندك من 70 ل 100 الف حسب الفئه والحاله
1600 سى سى و109 حصان وبيقولو الخليجى منها 122 حصان بس اشك بصراحه
لو عاوزه حاجه 2012 وسعرها مريح وروشنه وكده بقى يبقى الريو 2012 هاتش باك لسه هتنزل قدامها شهر او شهر ونص كده بس شكلها حلو اوى و1400 سى سى و 109 حصان واول فئه منها ب 108 الف والسيدان موجود منها دلوقتى وسعرها اقل من الهاتش باك ب 3 الاف جنيه
العربيه ديه بجد لسه مش منتشره بس شكلها حلو اووووى وسعرها جميل جدااااا وموفره جدااا فى البنزين لان فيها نظام ISG technology ودا بيفصل العربيه فى الاشارات واماكن الزحام ويوفر بنزين

[khaled el mekkawy]

اسكودا سوبيرب .. موفره فى البنزين ومخصصه للاعمال الشاقه والمسافات البعيده

[luckyman]

الغريبة انى انسب عربية من دول هى التريوس اللى معاكى ان كانت حالتها كويسة وماشى حالها بلاش تسرع لانك بالشكل دة انتى بتستخدمها للسفر بس وكل المترشح لك هى عربيات صغيره بصى لو مصممة يبقى انتى محتاجة سياره عالية تكشفى بعا الطريق لانه سفر وفى نفس الوقت تكون متماسكة لو محتاجة فعلا عليكى بالاسبرانزا تيجو كويسة جدا موفرة ثابتة سحبها كويس مش بطال 1600 واقتصادى و2000 سى سى ممتازة نسبة الوزن للقوة هى عربية تحل المعادله بتاعتك بس مع احترامى للاراء عربية على الارض واطية ملاكى بلاش للسفر علشان زى ما قلت تكونى كاشفة الطريق وحماية اكتر انا زيك بسافر كل يوم وطبيعة شغلى لكن معايا عربية الشركة لاندكروزر عربية جبارة بس اكيد سعرها فى مصر عالى وكبيره عليكى لان ابعادها ضخمة عليكة بالتجيو نصيحة اخوية بلاش الملاكى على السفرخصوصا مصر طرق مصر زفت كمان الملاكى من ناحية بنية الجسم والتعليق بيتعب بسرعة كمان مش تلاقى سياره فى مواصفات التجو وبالسعر دة انا شخصيا ناوى اجيب واحدة لزوجتى وربنا يوفقك