اضحك عليا فى اول عربية اشتريها فيات 128

[sayed2077]

وانا معاك فعلا صلح العربيه ومدام صاجها حلو يبقى مبروك عليك العربيه ومجتش على ماتور عاوز عمرة ديه اسهل حاجه وشوف ماتور استيراد بالفتيس وريح نفسك بس اهم حاجه ان ده ميضحكش عليك فيه لازم تشوف واحد بيفهم علشان ده لو اتضحك عليك فيه يبقى شكرا والعمرة تشوف ميكنيكى كويس ويكون حد تعرفه عمل عمره عنده قبل كده ولو مفيش حد تعرفه وانت قريب من دار السلام هوديك لرجل زى الفل وشغله عشرة على عشرة وعموما الحكاية بتبقى كلها اسبوع بس تبقى عامل حسابك تقضى الاسبوع كله مع الميكانيكى وقالى العمرة بتبقى فى حدود 1700 تزيد ميه او تنقص ميه على حسب حالة الماتور والحاجات اللى هتتغير فيه وان شاء الله العربيه بتاعتك تتصلح وتبقى زى الفل ان شاء الله وصدقنى ما دام العربيه كويسه ومش متغيرلها ربع او عملت حادثة قبل كده او البرومه مش واكلها وكل عيبها بس ان الماتور عاوز عمرة يبقى زى الفل ومبروك عليك العربيه
اخوك فى الله سيد

[jojojojojo]

نصحيه من اخ لاخوه بيعها وريح دماغك انا كان عندي فيات 128 موديل 91 وصرفت عليها 10 تلاف جنيه فبيعها احسن وخساره قريبه احسن من خساره كبيره بعيده

[dr_eslam_66]

بص زي رأي معظم الناس هنا الأفاضل لو أساسات العربية كويسة معلش إتعب معاها شوية وغيه ياعني عمرة وكلف العربية ودلعها وإتبسط بيها ولا يهمك .
كدة كدة دي 128 هتاخد وقتها وربنا هيكرمك بحسن منها إنشاء الله.

[waelnado]

ولايهمك ربنا يعوض عليك بس عادى عمرة عند ميكانيكى شاطر وترجع زى الفل وكلنا مرينا بنفس المشكلة وربنا يوفقك

[samirsaid1]

كلنا او بمعنى اصح نسبة كبيرة مننا كدة

بس هاتستفيد خبرة من الموضوع دة وعن تجربة