الكنيسة تدعو الأقباط إلى الهدوء؟

[كيا سيفيا]

الاخ / الدمــــلاوى
بعد التحيــــــــــــــــة... .
لطفـــــــا هدؤ لو سمحت .......

[mar mar]

لو الحريه والعداله اغضبوا الاخوه المسحيين هيبقي اول دليل انه مش تبع الاسلام ولا يمطوا لهم بصله
وهنزل التحرير وارفع يافطه واكتب عليها ربوا العقول قبل الدقون

[M.TONSY]

المشاركة الأصلية كتبت بواسطة mar mar لو الحريه والعداله اغضبوا الاخوه المسحيين هيبقي اول دليل انه مش تبع الاسلام ولا يمطوا لهم بصله وهنزل التحرير وارفع يافطه واكتب عليها ربوا العقول قبل الدقون

ياجماعة هما الاخوان مغلطوش فى حد علشان تغلطوا فيهم وبعدين اخوانا المسيحيين غاضبين ليه الانتخابات ماشية بشرف ونزاهة وتحت الاشراف القضائى نزعل بقى ليه الاخوان ليهم شعبية وناس محترمة بيشتغلوا فى صمت وما بيلقحوش بالكلام على الاحزاب التانية زى مابيتعمل فيهم وللاسف الاغبية اللى بيعملوا كدة ما يعرفوش ان ده بيزود شعبيتهم عند الناس وبيحقر من نظرة الناس للاحزاب الاخرى اللى عمالة تهاجم علطول فى الاخوان هى والاعلام الفاسد

[AbOnOrA]

الكنيسة الارثوذكسية المصرية وتدخلها فى السياسة واحدة من اهم الاسباب للنتيجة اللى وصلنالها
والمجلس العسكرى بسماحة تكوين احزاب دينية كالحرية والعدالة والنور مع تصدر سويرس ورموز علمانية بحتة ومناصرة للاقباط فى الكتلة المصرية عزز من حالة الاستقطاب التى يدفعنا ليها المجلس العسكرى وتكرر ما حصل فى الاستفتاء
فالكنيسة هى كمان تستحق جواب شكر من الاخوان والنور على الدعاية وتهيئة الاوضاع لاكتساحهم

اما موضوع الهجرة فده من قبل الثورة والاقباط عموماً متلهفين كل فرص الهجرة لكندا او امريكا غيرها وطبيعى ان الاقبال على الهجرة يزيد سواء من الاقباط او المسلمين كمان نظراً لتردى الاوضاع الاقتصادية

مؤكداً أن ميدان التحرير سيظل موجوداً ضد أى طغيان أو ظلم جديد بفضل ثورة 25 يناير، الأقباط أصبحوا لا يخافون الموت فى سبيل الحرية والمواطنة

ده بقى الكلام اللى يدايق
لان ابونا وغيرة من الاباء والكهنة اعلنو صراحة موقف الكنيسة من الثورة فى بدايتها ودعو الناس لعدم النزول وبرز بعضهم مدافعاً على النظام السابق وممجداً فيه
وبعدين دلوقتى بنتكلم عن ميدان التحرير والخوف من الموت !!!

[MmFFoR]

طبعا الكنيسة و المسيحيين فى مصر يمثلون شريحة واسعة مختلفة التوجه, فهناك معتدلون, و هم الاغلبية و هناك متعصبين و متشددين, كأى دين فى العالم.

و بالمثل الاخوان و السلفيين و المسلمين في مصر يمثلون شريحة واسعة مختلفة التوجه, فهنالك معتدلون و هم الاغلبية الساحقة و هنالك متعصبين و متشددين كاي دين في العالم و الحمدلله انك لم تستطع ان تذكر عليهم غير 3 حوادث فردية غير منظمة على مدى 80 عاما!!!