هل تؤيد تصويت المصريين العاملين فى الخارج ؟؟

[mesho70]

المشاركة الأصلية كتبت بواسطة د.هبه77 اوافق وبشدة علي تصويت المصريين المغتربين حضرتك رايك طبعا يحترم ولكن قد يكون مغترب ليس لدية وقت،،، والاخر لدية! بمعني مش مشغول 24 ساعة وبيحاول يعرف اية للي بيحصل في بلده بالعكس بقي اللي بيبقي برة احيانا كتير شعورة بالتقصير وبالذنب وزي ما تقول كدة بالحنين الي الوطن يدفعه الي تتبع الاخيار بلهفة وشوق اكثر بكثير ممن هو مقيم بمصر علي لسان احد المغتربين انه كان اثناء الثورة ينام والتلفزيون مفتوح علي قناة الجزيرة دة لو نام اصلا وعندما عاد الي مصر مبقاش زي الاول ! انا شايفة ان الحق مكفول له وهو يختار انه يصوت لو فعلا عنده معلومات او انه يمتنع لو هو مش لاقي وقت فعلا المشكلة الحقيقية انه يقال ان لو دة حصل للاسف ممكن يكون في لعب في الاصوات

- اختى الكريمة
- ما قصدتة هو هل يهتم المقيمين بالخارج بالذهاب الى صندوق الانتخاب ام لا ؟
- وانا فعلا ً ارى ان من حق الموجودين بالخارج بالتصويت ان ارادوا
- واظن المشكلة هى فى تسيهل ذلك لهم وليس الاعتراض على حقهم
- واظن تصويتهم سيكون قاصر على الاستفائات وانتخابات الرئاسة وليس مجلسى الشعب والشورة
- اما الممنوعين فعلا ً من التصويت هم افراد القوات المسلحة والشرطة

[الكشفى]

انا مع تصويت المغتربين فى الخارج
لانة ببساطة ابسط حق لاى مصرى لانة محدش طلع برة إلا علشان ظروفة المادية

[sam ram]

المصري مصري ...
سواء كان بالداخل او بالخارج
من رأيي اننا ( المصريين بالداخل ) ملناش الحق اساسا نأيد او نعترض على حقهم في التصويت
كأننا بنسأل هما المصريين بالخارج مصريين زينا و لا خلاص بقوا تبع دوله تانيه
اللي يقرر الحق ده هما المصريين بالخارج بنفسهم
وده من خلال مشاركتهم او امتناعهم عن التصويت

واعتقد ان المصري المهتم ببلده حينتخب في اي مكان ... اما الغير مهتم مش حيتنخب حتى لو كان الصندوق في بيتهم

[memo1100]

على فكرة المصريين الى المغتربين فى اى مكان برة مصر عندهم ولاء اكتر من داخل مصر
والمفروض ليهم اصوات فى الانتخابات مع غير كلام واجتماعات وقرارات والفيلم الهندى الى عما بيعملوا دة محسسنى ان المصريين الى برة دول جربة

[romioromio]

انا مش حقول رائي

بس ليه المصريين بيكيلوا بمكيالين

ليه بيدعوا ان البرادعي عميل ومينفعش في البلد لمجرد انه عاش في الخارج وميعرفش حاجه عن البلد والاشتغالات ده
طب علي الاقل ده شخصيه عامه وعارفين اصله وفصله
انا مش مؤيده علي فكره

بس بتكلم علي المبدأ بس



وفي نفس الوقت عايزين بقية المصريين في الخارج يصوتوا مع ان فيه مصريين بالخارج عمرهم ما عتبوا مصر
وفيه كتير مش معروف نشاطهم

وفي اقباط مهجر وفي وفي .......


يعني لو واحد من بره رشح نفسه
يا عم ده عايش بره طول حياته هو ايش دراه

لكن لأ ازاي المصريين اللي بره مايصوتوش


للاسف الكثير من المصريين.______خالف تعرف


واخيرا ده رايئ الشخصي ومش للجدال