ارجوكم افيدونى فى تغيير زيت الفتيس فعلا رايكم هيفيدنى جدا

[memodina1]

المشاركة الأصلية كتبت بواسطة ايمن عبدالحميد ، التوكيل زى اى صنايعى مستعجل ، يعنى لما تروح والعربية سخنة الزيت هينزل بسرعة ومش هتضيع وقتهم ؟؟؟؟؟؟؟؟ هو دة السبب الوحيد لتغيير الزيت وهو ساخن ، ولمعلوماتك الزيت الوحيد الذى يتم تغيير وهو ساخن هو زيت الموتور فقط وكمان بنسيب العربية تهدى شوية ومنفتحش غطا الزيت بسرعة بعد ما نبطل العربية وذلك على سبيل الاحتياط ، وكمان مفيش فرق بين نوعين الزيت اللى بتقول عليهم الاتنين واحد المهم تشوف تاريخ الصلاحية وتشترية بنفسك من بنزينة موبيل او بنزينة شل ، وتتأكد من تاريخ صلاحيتة ، وياريت تروح لأى محل غيار زيوت عادى جداً وكبر دماغك عن السفاحين بتوع التوكيلات ، الوضوع دة عندهم هيكلفك على الاقل 100ج غير البقشيش لكن برة هتجيب عبوتين موبيل تروس 90/85 او 75 مش هتفرق ب36ج واللى هيغيرة هياخد بالكتير 5 ج او 10 لو هتكرمة يعنى كلة مش هيكمل 50ج غير انك هتنجز مش هتستنى دورك زى التوكيل ويشربوك بيبسى فى الاستراحة يقف عليك ب 50 ج ومتشوفش عربيتك حصل فيها اية ، على الاقل عند الصنايعى هتتعرف على الحكاية وتعملها لوحدك بعد كدة زى كلنا دلوقتى ما بنعمل بعد التوكيلات والصنايعية ما سرقونا، وبعدين يا زميلى العزيز جمد قلبك مش هتقع فى البحر يعنى الموضوع بسيط ومتخافش قوى كدة على العربية علشان ما تكرهاش

شكرا ليك اخى الفاضل وانا هغيرة انهاردة واقثولكم الاحساس اية واية النظام على العلم هغيرة موبيل 80\90
وهفضى مية الريداتير بالمرة واحط مية موبيل ونشوف

[memodina1]

انا يا جماعة غيرت خلاص واستنيت شوية كدة قبل ما احط الزيت بس كانت العربية سخنة بردة من تحت بس لدرجة انى اقدر احط ايدى واسيبها شوية على الفتيس يعنى سخنة مش اوى وطبعا عشان الوقت والتوكيل مش فاضيلى بقى اصلى عملتها فى التوكيل بصراحة حط عبوتين 2 لتر موبيل جركن ابيض وللعلم هو قالى انى عادى جدا انة يحط الزيت والعربية مولعة حتى ودا كلام المهندس اللى جوا
المهم جربت كدة حوالى 10 كيلو لحد البيت هو فية نعومة ملحوظة انما فى الاداء يعنى مثلا التسارع والسحب زى ما هو مش ملحوظ فية اى حاجة هو نعومة بس فى الفتيس ملحوظة
فانا انصح اى حد بدل ما يزود لاة حط جديد وهتحس بنعومة وفرق لكن السحب عادى جدا قدرة الفتيس مش متاثرة باى حاجة
لسة طبعا هجرب بكرة لانى ناس قالتلى انى لما اغيرة وهو سخن بيحصل زى خرفشة صوت كدة وونة مسموعة اوى فى الفتيس فلسة ربنا يسترها
بالنسبة للونة اللى غيرت الزيت بسببها مراحتش فممكن يكون العيب فى اى حاجة تانى
انما بصراحة الزيت طالع اسود اسود بجد وريحة امير بتاع اللزق دا فية اوى لدرجة انك تدمع لما تشمة لكن الجديد صراحة مفهوش الريحة دى خالص اصلى شميت الجركن هجرب بكرة تجربة جدية لانى كنت تعبان انهاردة شوية واقولكم الحكاية بالتفصيل
بص نصيحة غيروة بلاش تزويد الحكاية كلها حوالى ربع ساعة

[ايمن عبدالحميد]

المشاركة الأصلية كتبت بواسطة memodina1 انا يا جماعة غيرت خلاص واستنيت شوية كدة قبل ما احط الزيت بس كانت العربية سخنة بردة من تحت بس لدرجة انى اقدر احط ايدى واسيبها شوية على الفتيس يعنى سخنة مش اوى وطبعا عشان الوقت والتوكيل مش فاضيلى بقى اصلى عملتها فى التوكيل بصراحة حط عبوتين 2 لتر موبيل جركن ابيض وللعلم هو قالى انى عادى جدا انة يحط الزيت والعربية مولعة حتى ودا كلام المهندس اللى جوا المهم جربت كدة حوالى 10 كيلو لحد البيت هو فية نعومة ملحوظة انما فى الاداء يعنى مثلا التسارع والسحب زى ما هو مش ملحوظ فية اى حاجة هو نعومة بس فى الفتيس ملحوظة فانا انصح اى حد بدل ما يزود لاة حط جديد وهتحس بنعومة وفرق لكن السحب عادى جدا قدرة الفتيس مش متاثرة باى حاجة لسة طبعا هجرب بكرة لانى ناس قالتلى انى لما اغيرة وهو سخن بيحصل زى خرفشة صوت كدة وونة مسموعة اوى فى الفتيس فلسة ربنا يسترها بالنسبة للونة اللى غيرت الزيت بسببها مراحتش فممكن يكون العيب فى اى حاجة تانى انما بصراحة الزيت طالع اسود اسود بجد وريحة امير بتاع اللزق دا فية اوى لدرجة انك تدمع لما تشمة لكن الجديد صراحة مفهوش الريحة دى خالص اصلى شميت الجركن هجرب بكرة تجربة جدية لانى كنت تعبان انهاردة شوية واقولكم الحكاية بالتفصيل بص نصيحة غيروة بلاش تزويد الحكاية كلها حوالى ربع ساعة

الف مبروك يا راجل وان شاء الله خير لا تقلق

[memodina1]

المشاركة الأصلية كتبت بواسطة ايمن عبدالحميد الف مبروك يا راجل وان شاء الله خير لا تقلق

بارك الله فيك وجزاك خير وان شاء الله كلة يبقى تمام ومتشكر لمتابعة حضرتك

[ايمن عبدالحميد]

جزانا وإياك كل الخير واعطاك الله خيرها/، وكفاك شرها وكفى كل المسلمين ان شاء الله