حان الوقت للاستفادة من آراء خبراء الصيانة فى المنتدى ....

[احمد على 1999]

للاسف انا داخل من التليفون و لسببا ما نص المنتدي الشمال مش باين
مع انه مكنش كده
المهم الي عرفت اشوفه ان دي نفس الطريقة الي انت عملتها للقياس و طلع زيادة فلازم الزيادة ينزل حتي لو بالشفط

[عمرو سيف]

بجد أنا مبسوط جدا بالمنتدى الجميل ده وبطريقة التعاون الرائعة بين أعضاؤه وكل يوم بستفيد منكم ومن خبراتكم الرائعة , شكرا يابشمهندسيييييييييييييييي ييييييييييييييييين .

[احمد على 1999]

ماتور المساحات ممكن كهربائى يفكه و ينضفه

[حسام البورسعيدى]

عندى شوية اخبار جديدة ...

رحت النهاردة لورشة فتايس اتوماتيك وخليته يركب العربية وجربها مشوار كويس .. وهو راكبها قلتله على الاعراض اللى فيها :

- تأخير فى تعشيق D ..

- كتمة عند التسارع بعد الفرملة لمده وجيزة (ثانية او اتنين) وبعدين تمشى عادى ودى بتحصل احيانا وخصوصا بالنهار ..

- احيانا يحدث عدم تعشيق للـ D الا لما اضغط سنه بنزين وبعدين انقل (ودى مرتبطة بموضوع الكتمة) ..



واثناء ما هو ماشى بالعربية قالى كده فى احتمال يكون الفتيس جايب مجموعة (على قد ما فهمت منه هو قصده مجموعة التروس كلها) ... واحتمال لما نغير زيت وفلتر الفتيس يظبط ....

انا كنت اصلا حاسس ان المشكلة من فلتر الزيت واللى اكد لى كده كلام الباشمهندس سمير و باشمهندس احمد .....

فقررت مبدئيا تغيير الزيت والفلتر .. وقد كان ....


جبت 4 لتر زيت فتيس موبيل (4 علب العلبة 1 لتر بـ 26 جنية) ....

فلتر زيت فتيس بـ 65 جنية

10 جنية عمل جوان لكارتيرة زيت الفتيس ...

50 جنية مصنعية (هما كتير شوية بس انا قاصد كده)

فكينا الطبة ونزلنا الزيت القديم .. وبعدين حل الكرتيرة واللى كانت اول مرة تتحل ...

كانت الكارتيرة اخده خبطة وقافلة على الفلتر ..

وبعدين قعد يدقدق عليها لغاية لما اتعدلت وبعدين غسلها كويس ونضفها وبقت تمام ..

وبعدين فكينا الفلتر القديم وركبنا الجديد وبعدين ركبنا الكارتيرة ...

وبعدين بدأ يحط الزيت وانا صممت انه يحط 3 لتر بس الاول وبعدين نقيس ولو ناقص نزود .. وفعلا حط 3 لتر وقيسنا وطلع ناقص شوية .. فى الاخر الفتيس اخد 3 ونص لتر ...


بالمناسبة طريقة قياس زيت الفتيس الصحيحة بتبقى والعربية دايرة وسخنة والفتيس على المارشدير ....


طلعنا نجرب العربية ....

حصل تحسن بسيط فى الاستجابة لدواسة البنزين ولكن ظل الوضع كما هو عليه ..

التأخير فى تعشيق الـ D زى ما هو و كتمة التسارع فضلت موجوده ولكن قلت شوية عن الاول ...

قلتله ايه النظام ؟؟ قالى لازم نحل ونشوف واحتمال تحتاج مجموعة او اسطوانات (مش عارف ايه الاسطوانات دى) ...

هتتكلف كام يا عم ؟؟ قالك مقدرش احدد الا لما نفك بس مبدئيا 300 - 400 جنية ....

قلتلة خلاص انا هاخد العربية اجربها كويس جايز تتظبط شوية وهسأل على تمن الفتيس الاستيراد وهقولك .. قالى ماشى ...


اخدت العربية عملت كام مشوار ولاحظت تحسن بسيط زى ما قلت (نقدر نقول بنسبة 30 %) ..

ووانا مروح وقفت عند سوبر ماركت جنب البيت لمده دقيقتين وبعدين دورت وجاى اطلع ... مفيش ..

نقلت على D والعربية مش عاوزة تتحرك .. احاول اسايسها زى الاول وادوس سنة بنزين واعشق .. مفيش فايده مش عاوزة تتحرك ...

ندهت واحد صاحبى وزقناها وركنتها تحت البيت .. طلعت ريحت نص ساعة ونزلت تانى احاول معاها علشان اوديها الورشة تانى .. وسبحان الله لقيتها مشيت زى الفل لغاية هناك وكأن شيئأ لم يكن ...

حكيت له الحكاية قالى زى ما قلتلك لازم نحل (حسيت انه متصربع وعاوز يشتغل وخلاص بالرغم من انه صنايعى كويس وفاهم الى حد ما) ...

قلتله طيب اصبر عليا لما اسأل على تمن الفتيس كام علشان لو هتكلف اغير فتيس على طول ...

اخدت العربية ورحت لواحد جارى عنده محل قطع غيار استيراد بس شغال فى الالمانى وحكيتله الموقف ...

قالى تعالى نسأل على الفتيس سعره كام الأول .. سألنا واحد بس وقال 1000 جنية (طبعا بعد شوية همبكة وعلشان خاطرك انت والسعر ده ليك مخصوص والكلام الفاضى ده) ...

طبعا السعر غالى حبتين .. يعنى اعتقد الفتيس هيعمل حوالى 700 او 800 جنية .. ما علينا ...

كنا ساعتها حوالى الساعة 5 المغرب فكانت المحلات بدأت تقفل .. قلت ما علينا خلينا لبكره ونسال كويس ...

وبعدين جارى نده لميكانيكى تبعه وجابه يبص ع العربية ..

وكلاكيت عاشر مره قعدت احكى نفس القصة .. الفتيس بيتأخر و .........................

وفجأة كانه اكتشف كنز .. قالى " انا هعملك حاجة تظبط معاك الفتيس" وراح فاصل فيشة عند الفتيس بيقول انها فيشة حساس من حساسات الفتيس هو شاكك ان هو السبب ...

وجربت العربية .. مفيش فرق حصل .. ولكن كان فى تحسن لأن العربية بردت شوية وده كان فى مصلحته .. وقالى اجرب على كده ولو حصل تحسن لمده اسبوع ولا حاجة ارجعله يغير الحساس ده (اللى هو مش عاوز اصلا يوضح هو حساس ايه وكأنه سر عسكرى ) ....



بصراحة انا محتار حيرة كبيرة جدا وحاسس ان العيب بسيط لان الفتيس بيبقى حلو جدا بالليل (فى الجو البارد) وسحبه بيبقى تمام .. يعنى لا مجموعة ولا كلاتشات ولا غيره ..

محتار جدا ....


عموما انا اتفقت مع جارى والميكانيكى ده انى هروحله بكره الصبح علشان نجيب صرتين فرامل اماميه (مجموعة الفرامل الامامية كاملة) لان الطنابير مش بتتباع لواحدها الا جديدة (وطبعا الاستيراد افضل) .. وكمان نراجع على موضوع الفتيس ده ...


دلوقتى انا لو غيرت الفتيس يبقى المبلغ اللى كنت ناوى اظبط بيه العربية هيروح على موضوع الفتيس ده بس .. و محتار اعمل ايه ...


ياااااااااااااااااااه دا انا رغيت جامد اوى ههههههه

معلش استحملونى بس انا قلت اشارككوا معايا فى الحوار ده وافضفض معاكوا واخد رأيكوا ....

[حسام البورسعيدى]

امبارح انا جبت صرتين الفرامل (الطنبورة بالخرنة بالتيل) وفكينا القديمة وركبنا الجديدة و واتصنفرت ورجلشنا الفرامل الخلفية ..

والحمد لله بقت تمام ....

والصرتين اتكلفوا 300 جنية واخدت من الراجل جوز مساعدين امامى نقدر نقول هدية ..

يعنى المفروض الصرتين بيعملوا 200 - 250 جنية .. وانا قلتلوا عاوز كام قال 300 وخد كمان جوز المساعدين دول هدية .. ياعم يهديك يرضيك لازم تاخدهم .. المساعدين لوحدهم طبعا يعملوا 200 جنية اقل واجب يعنى انا اخدهم كده لقطة بس للاسف انا مش محتاجهم

قلت يلا اهو اخدت جوز مساعدين ب 50 جنية خليهم ينفعوا ...

يعنى التكلفة كانت 300 + 70 مصنعية يعنى 370 كله ....


ولسه عندى مشكلة الفتيس .......



سألت على تمن الفتيس وسعره هيدخل فى 1000 جنية (انا سألت اتنين بس مبدئيا) ...