يا ترى نفسك في ايه ؟؟

[mainz]

نفسى مصر تقود الامه الاسلاميه والعربيه وتعمل اتحاد عربى اسلامى على غرار الاتحاد الاوروبى

[sam ram]

المشاركة الأصلية كتبت بواسطة mainz نفسى مصر تقود الامه الاسلاميه والعربيه وتعمل اتحاد عربى اسلامى على غرار الاتحاد الاوروبى

يا ريت يا استاذ عاطف ...
بس انا نفسي قبلها اوروبا تفهم ان الاسلام مش تطرف و لا ارهاب ...
وان الاتحاد الاسلامي حيكون على المبادئ الاسلاميه اللي تصلح تكون مبادئ اي مجتمع متحضر وملتزم ...
هما بينادوا بالحريه و المساواه و احترام حقوق الاخرين وبيتهمونا بالتخلف و الرجعيه .. وفي نفس الوقت تلاقيهم قاعدين على شواطئنا توب لس و يمنعوا المحجبات من مدارسهم !!!!!
هي دي الديمقراطيه ؟؟

مين بقى المتطرف والرجعي !!!

[tarek elbadry]

المشاركة الأصلية كتبت بواسطة sam ram نفسي نبقى دوله مؤسسات مش افراد نفسي في برلمان منتخب من صفوه المفكرين و العلماء و الكفاءات في مختلف المجالات ... ناس نختارهم لشعبيتهم و علمهم و حسهم الوطني مش لمركزهم او نفوذهم او فلوسهم نفسي في استغلال كل الخبرات في كل المجالات ... نفسي نستفيد بالجنزوري في التخطيط و عمرو موسى في السياسه الخارجيه و زويل في البحث العلمي و التعليم و البرادعي و العوا والمسلماني و الشريعي و غنيم و الباز و يعقوب و .... و نفسي يكون الرئيس وظيفه مش رمز ... منصب مش فرعون .... نفسي كل اللي يجي في مكان يبني طوبه واللي بعده يكمل وراه .. مش يهد و يبني مجد شخصي نفسي تبقى في قواعد تخلي اللي يفكر يرشح نفسه رئيس جمهوريه يفكر الف مره انها مسئوليه كبيره و حيتحاسب عليها بعد 5 او 10 سنين بالكتير اوي ... وان في دستور و قوانين ومجالس نيابيه وراه و الخطوه بحساب ... نفسي نقضي على البلطجه و نطهر كل العشوائيات نفسي كل الناس تسكن في بيوت نضيفه وصحيه نفسي كل الناس تتعلم صح و تتعالج صح و تقدر تربي اولادها كويس نفسي في الحريه الكامله والديمقراطيه الحقيقيه علشان نثبت للعالم ان المتمسك بتعاليم دينه مش متطرف ... وان الملتزم مش ارهابي ... وان الطيب مش سلبي ... و المتسامح مش جبان ... نفسي في اعلام امين وصحافه نزيهه نفسي الازهر يرجع مقصد للطلاب من كل العالم نفسي نخرج من المركزيه ... مركزيه القرار .. السلطه .. المركزيه الجغرافيه نفسي نثق في قدراتنا و امكانياتنا واننا نستحق الافضل ونقدر نعمل احسن نفسي نطهر نفوسنا قبل ما نحاسب غيرنا ... نفسي نسمو باخلاقنا قبل ما نلعن الفساد ... نفسي نعمل اللي علينا قبل ما ندور على اللي راح ... نفسي نصبر و نتأكد انا طول ما نيتنا سليمه حنحصد الخير نفسي نتأكد ان كل اللي سرقو و نهبوا اخرتهم سودا دنيا و اخره ... ونعلم اولادنا معنى الشرف و الضمير و الاخلاق نفسي نخرج من القمم اللي عشنا فيه سنين و سنين ... نفتح عقولنا على معاني الحريه و الالتزام ... المساواه و العدل ... الكفاءه و الاجتهاد ... نفسي في حاجات كتيييير .... يا ترى نفسك في ايه ؟؟

الله عليك يا استاز سام
انتة عبرت عن الى جوايا بظبط
ان شاء الله الى جى احسن

[محمود زيزوو]

انا عن نفسى نفسى فى حاجات كتير قوى قوى ونفسى نحب بعض كلنا نفسى يطلع المهندس يعمر ويبنى نفسى المخترع يشتغل وينتج نفسى اشوف اسم بلدى معلق على كل اجهزة واختراعات تغزو العالمنفسى اشوف الطفل يبقى نبغة فى المجتمع نفسى نسعدو يبقى حاجة اكيد كبيرة نفسى نعمر ومنهدمش نفسى اشوف بكرة بعيون ولادنا احلى من الزمن الاى فات نفسى فى حاجات كتيرة وهل يا ترة يا ترة هل كل دة ممكن يحصل ولا

[خالداعزالناس]

نفسى فى كل ما هو خي لنا جميعا
ان شاء الله اولا ...... ياتى لنا رئيس عادل وحكيم ونزيه ويساعد بنظامه الجديد
وبعون من الله عز وجل ..... ان ننهض جميعا بمصرنا الحبيبه درجات عليا
نحو مزيد من التقدم والرقى