في رأيك هل يمكن إصلاح جهاز الشرطة بقيادته الحالية

[lol64]

انا رايى الشخصى ان طبعا فيه ناس اشراف فى الشرطه وانا اعرفهم
ياجماعه اى مهنه سواء دكتور مهندس ضابط جيش او شرطه فيها الصالح والطالح
فيه مثلا بعض الدكاتره البشريين بيتعاملوا مع الناس من مناخيرهم وبقرف وطبعا كلنا واخدين بالنا من الناس دى
انا بس بدى مثال
وعموما كل اناء ينضح بما فيه لو الضابط جاى من بيئه صالحه وتربيته كويسه هايكون كويس وانسان وبيخاف ربنا فى كل خطوه ولو العكس هايكون العكس
المشكله اللى انا حاسس بيها ان الشرطه حاليا وبعد الثوره بقوا زى القطط والناس كلها اتجرات عليها بالحق او بالباطل
ياجماعه لازم يكون ليها هيبه والا البلطجيه هى اللى هاتحكم مصر وهانكون زى جنوب افريقيا من بعد المغرب لاتامن على حياتك فى الشارع

[Ahmed Anwer]

يجب أن يكون هناك هيبة لكل مواطن و من ضمنهم رجال الشرطة

[hazem_khidr]

فعلا فيه فئه معينه من الشعب ما ينفعش معاها الحنيه و الذوق
و كله شاف بعنيه لما حد من اللجان الشعبيه كانت بتمسك حرامي كان بيتوسل اليهم يسلموه لضابط الجيش قبل مكا يخلصوا علي حياته
يعني برضه الشعب بيتعمال مع المجرم بنفس اسلوب الشرطه و العن كمان
انا من رأيي مافيش اي زيادات في مرتباتهم و تشديد الرقابه عليهم
علشان بعد كده اللي يدخل شرطه يعرف انها تكليف مش تشريف و يحافظ علي ادبه كويس
وبعدين مربتات الشرطه مش وحه ولا حاجه دا بيجي لهم
و فيه منهم اللي بيقبض فوق ال 2000 جنيه و 3000 جنيه و هو لسه ما كملش 25 سنه!!!!

[د.كمال]

بصراحه ياجماعه مش الشرطه بس اللى عايزه تأهيل
فى إعتقادى معظم الشعب المصرى عايز تأهيل .
إحنا عشنا فى نظام فاسد إستبدادى قام بتغيير كل المفاهيم .
أفقر الشعب وأزله حتى حلل الرشوه بطريقه (فتح مخك ).
الشريف والعفيف أصبح سازج .
صاحب المبادىء والقيم أصبح (دءه قديمه ) .
المنافق والرقاص والفهلوى أصبح من عليه القوم (راجل واصل ) .
اللص والحرامى وسارق المال العام أصبح رجل أعمال (أقصد اللى اشتغل معهم )
حمله الدفوف والمباخر أصبحوا من المقربين .
الصالح والقريب من مشاكل الناس أصبح من المنبوزين .
فى إعتقادى أن الثوره أعطتنا دفعه روحيه ومعنويه قويه نستطيع بها أن نغير المفاهيم مره أخرى مع الوقت .
فى أعتقادى أن هذه المفاهيم ستتغير لو الحكومه القادمه أحسسنا معها بالعدل والامان على ارزاقنا ومستقبلنا ومستقبل أبناءنا .

[khaled al sharif]

المشاركة الأصلية كتبت بواسطة ramy01011 والله حاسس ان هما عاملين مظاهرات دلوقت و بيطالبوا بزيادة المرتبات علشان حاسين ان الفترة الجاية موش هيعرفوا يلموا اتاوات ولا رشاوي و الكل هيف لهم بالمرصاد و رأيي إنشاء جهاز رقابي يكون متخصص في مراقبة و استقبال الشكاوي و اتخاذ اجراءات صارمة ضد اي مخالفة و لو عايزين عقاب صارم يبقي اي ضابط هيعمل مخالفة اللي هيتحاكم وزير الداخلية العقاب ده هيخلي كل قيادات الشرطة مرعوبة و مراقبة اللي تحتها كويس جدااااااا

مش بس محاكمة وزير الداخلية بل وكل حاشيته .... وده كان مطلب عاجل من مطالب الثورة مش عارف ليه ... إتركن