سؤال هام جدا لكل اللي معاه أو يعرف لادا 2107

[أبو زيزو المصري]

يا أستاذ البرت نصيحة أخوية متضحيش بالباور إطلاقا لأن اللادا الروسي دركسيونها خشن جدا جدا جدا وهيتعبلك دراعك، أنا في مرة قعدت 4 أيام دراعي الشمال مش قادر أحركه من تقل الدركسيون و ده بدون مبالغة، ده من حيث الباور، أما عوامل الأمان فهي منعدمة تماما تماما في اللادا يعني بعد ال 100 كم انعدام اتزان ولو لا قدر الله قابلك موقف صعب ومحتاج توقف العربية هتلاقي العملية شبه مستحيلة لأن فراملها في الضياع، فأنا نصيحتي لو انت طريقك سفر يبقى ابعد عن اللادا ولو طريقك كويس إلى حد ما ابعد برضه عن اللادا يعني هاتلك مثلا لانوس أو فيرنا أو لوجان وبالتوفيق

[اشرف اوربت]

بص يا سيدى انا معايا لادا روسى 2017 موديل 2005 والله العربيه جميله جدا جدا بس انا انصحك نصيحه لوجه الله هات عربيه روسى كاربراتير مش انجكشن عشان اللانجكشن مش اى حد بيشتغل فيها ولو هتستعمل بنزين 90 هات انجكشن وتوكل على الله

[ahmed_gamal777]

طيب ممكن تجيب لادا روسى وتركب باور فى التوكيل فى حدود 2000جنية وكدة استفدت بمعادلة لادا روسى وباور ودى نصيحة من واحدا معاة موديل 2010 وباور ولاكن تقفيل فقير وزى الزفت

[amgad saeed]

الأستاذ/ ahmed_gamal777 ياريت توضح عيوب تقفيل موديل 2010 علشان الكل سيفيد من خبرة حضرتك وشكراً

[خالداعزالناس]

كدا عرفنا ..... ان لادا .... الروسى افضل
طيب ..... الروسى انجكشن مظبوط

الروسى 1600cc >>>> مظبوط

كامله ... تحتوى على باور وتكييف
وهل ممكن الواحد يملاها بنزين 80 ..... وساعات 90