الفيرنا سياره جيده ام غير جيده ارجوا الافاده

[كومندا]

العربيه دى من يوم منزلة وهيه عامله زى البطيخه ناس بتحبها جدا وبتشكر فيها وناس بتشتكى منها جامد وبتقول انها خفيفه
بس من ردود الاعضاء انها عربيه حلوه بالنسبه لسعرها وكمليتها ومتورها قوى بس الفرامل ضعيفه بالنسبه لقوة المتور

واطيه للارض زى النوبيرا بتحك فى كل مطب لكن كلها عيوب سهل علاجها وحلها

يعنى مميزتها اكتر من عيوبها وبعدين التيوتا اليابانى طلع فيها عيوب يبقا الكورى اللى تقفيله مصرى هوه اللى مش هيبقا فيه

[mahmoudnada80]

اولا اكتر والناس بتحب الفرنا لده اسباب اهمها السعر ( سعر السياره وقطع الغيار وسعر اعاده البيع
ثانيا قائد السياره هو الي بيختلف
يعني مستحيل واحد كان راكب مرسيدس 200 مو 82 وينزل يركب فيرنا
هيقول عليه ( كلبه ) اسف علي التعبير
اما اذا اتقارنت باللانوس ممكن نقول جميله
ولولا اختلاف الازواق لبارت السلع

[lost2008]

انا اول مجبت العربية ديه خفت من قوة السحب الى مكنتش متوقعه منهه و كمان خفت من الفرامل, لكن عودت نفسى على سنس الفرامل كويس جدا قبل مجرى بيهه و عرفت امكانيتهه كويس, هيه عاوزة اعصاب جامدة شوية لو عاوز تجرى و متنساش انهه بتديك ميزة سحب و قوة موتور تتغلب على عربيات بضعف تمنها لكن مبتديش طبعا مستوى ثبات يحسسك بالامان,بس انا عجبانى لان سواقتهه فيها نوع من الاثارة,,,,,,و نصيحة فى استخدام الفرامل.. انا بدوس فرامل من غير دبرياج لحد قبل ما العربية تنتش و بعدين بدوس دبرياج و بكة متحملش زيادة على الفرامل.

[SuccessCre8or]

انا مش هقولك بص على انتشار العربية ... لأني مش مقتنع ان موضوع الإنتشار مقياس للجودة ...لأن المنتشر هو الرخيص وليس بالضرورة الأفضل ... ما الاسبيرانزا منتشرة .... بس اكيد في فرق في الإعتمادية و الموتور....

عيوب العربية حضرتك بتقول الثبات على السرعات العالية و الفرامل على اكتر من 120 !!
هو انا لية اصلاً اجيب بعربية زي الفيرنا اكتر من 120 ؟

انا بالنسبة لي 100 حلو اوي.... اكتر من كدا لأ
و العربية مريحاني جداً الحمد لله و عرمها ما عملت حركة نقص و تكييفها ممتاز جداً ... و لسة عامل صيانة الـ40 ألف كم

تحياتي

[خالداعزالناس]

هيونداى فيرنا ..... سياره ممتازه .... لأنها تنتمى للعملاق الكورى ( مجموعه هيونداى وكيا الكوريه )
لكن ..... هيونداى فيرنا .... بعد التجميع المحلى ... طبعا أصبحت اسوأ من الاول ..... لكن فى التقفيل فقط .... وكل الأمور التى تحدث فيها المشاكل .... تحل فى أول صيانه دوريه للسياره
لكن السياره بوجه عام
قطع غيار رخيصه .... سهله الصيانه
شكل مقبول من الخارج .... لكن من الداخل تتمتع بتابلوه أقل من العادى
على فكره ..... (((( فيرنا - اسبيرانزا - ....... - ...... ))))
سيارات ركوب عاديه جدا جدا .... ومش بتاعت جرى وخلافه
يعنى تروح بيها المشاوير أفضل بكتير من زحمه المواصلات ..... لكنها سيارات ذات اداء أقل من العادى