قولو الحمد لله

[mesho70]

الموضوع فعلا ً مهم وشكرا ً لصاحب الموضوع

واغلب المشاكل بيكون سببها اهمال او استهار من الغير فحدث معى

كنت فى زيارة لاحد قرايبى ونزلت تندة حديد من الدور الخامس على العربية وكانت النتيجة اسبوع عطلة و 3500 جنية وصاحب التندة حتى مقليش معلش
مرة تانى فى الاسكندرية كان اخى بينظف عربيتة وبعد ما خلصها نزل كوب شاى ساخن
بينى وبين اخى عالعربية وساب فيها عاهة مستديمة تخيل لو الكوب نزل على دماغ واحد فينا
دة طبعا ً غير السجائر المشتعلة التى تلقى من البلكونات وحتى من السيارات وهى ماشية وربنا يلطف بنا والحمد لله على كل حال

[dr_maged]

معلش سؤال بس لية اشيل كبل من البطارية او ليه اشيل الولاعة بالليل علشان فى ناس بتنصح هنا بالحاجات دى فيا ريت اعرف فايدة انى اعمل كدة اية

[HaMaDa-ToUBaR]

اقولك يا سيدى بس خلى بالك الكلام دة بالنسبة للعربيات القديمة بس لكن الجديدة لاء مش لانها امان لاء لانك لو فصل الكابل بتاع البطارية فى العربية الجديدة والى هى اصلا كلها كمبيوتر فبكدة بردة الكمبيوتر هيفصل وهيخرف معاك ولازم ينزلة سوفت وير جديد
اما بالنسبة للعربيات القديمة بقى فلقدر الله لو حصل وفار دخل فى العربية وبهدل سلوك الكهرباء وارد جدا انة يحصل شارذ كهربى والعربية بعيد عنك وعن كل الناس تولع فعلشان كدة من الامن انك تفصل كابل البطارية علشان ميبقاش فى اى تفاعل كهربى
يارب تكون الفكرة وضحت

[HaMaDa-ToUBaR]

المشاركة الأصلية كتبت بواسطة مهند سالم أهم حاجة: الكنبة كان في حد قاعد عليها. طيب وغسلت العربية تاني. ورحت الفرح ولا لآ.

يا سلام عليك يا مهند دايما بتيجى ع الجرح فى حتة غسيل العربية دى
بس بردة مش هخبى عليك وهااقولك عملت اية خليت جارى يساعدنى فيها تانى بس المرة دى بقى كانت مجرد تلميعة سريعة بقى من غير ولا مياة ولا حاجة وطلعت اخد دش فى السريع ولبست وروحت الفرح بس بعد حرقة الدم ptmnlo123per111

واطمن الكنبة مكنش عليها غير كبشة تراب حلوين بس بجد الى انا مستغربلة يعنى الى حدف الكنبة دة مشافش هو بيحدف على اية مفكرش حتى انها ممكن تنزل فوق دماغ حدة تجيب اجلة

والله ربنا بيسترها معانا والحمد الله

[مهند سالم]

المشاركة الأصلية كتبت بواسطة HaMaDa-ToUBaR يا سلام عليك يا مهند دايما بتيجى ع الجرح فى حتة غسيل العربية دى بس بردة مش هخبى عليك وهااقولك عملت اية خليت جارى يساعدنى فيها تانى بس المرة دى بقى كانت مجرد تلميعة سريعة بقى من غير ولا مياة ولا حاجة وطلعت اخد دش فى السريع ولبست وروحت الفرح بس بعد حرقة الدم ptmnlo123per111 واطمن الكنبة مكنش عليها غير كبشة تراب حلوين بس بجد الى انا مستغربلة يعنى الى حدف الكنبة دة مشافش هو بيحدف على اية مفكرش حتى انها ممكن تنزل فوق دماغ حدة تجيب اجلة والله ربنا بيسترها معانا والحمد الله

للاسف النوعية دي من البشر كثير، لا مبالاة باللآخرين ، قلة دين، قلة نظافة، ده لو شخص عنده دين هيفتكر قول النبي صلى الله عليه وسلم: من كان يؤمن بالله واليوم الآخر فلا يؤذي جاره، وقوله صلى الله عليه وسلم: والله لا يؤمن، والله لا يؤمن، والله لا يؤمن.... الذي لا يأمن جاره بوائقه، يعني مصائبه وأذاه، فتخيل إنسان عايش غير مبالي بالآخرين وعنده استعداد يؤذيهم في أي وقت، هل ده إنسان عنده دين أو خلق، يالله، ربنا يهدينا جميعا، ويصلح الأحوال