محتار بين لانسر 1300 و ماتريكس و النترا

[just_magdy1]

[quote=lol64;143954]

المشاركة الأصلية كتبت بواسطة medo akef ولله ولا اسد ولا حتي فار دي عربيه زباله مفهاش غير موتور و صحابي يوم الخميس مثلا بيرجنوها و ييجو يركبو معي عربيتي لانسر بومه بس وقت الريسس هي طبعا اسد الاسود مش بتعوم هو شم بيفصل اصلا و العربيه علي السعرعات العاليه لو حولت تاخد غرزه ولا ملف قول السلام عليكم متتكلمشي عن ثبات خالص انت متاكد انك بتتكلم عن الالنترا؟؟؟ ومالك بتحسسنا انك راكب فيرارى ؟تصدق وتامن بالله لما كنت باشترى الالنترا كنت ناوى اجيب اللانسر وماشتريتهاش عشان حاجه واحده بس الراجل فى المعرض كان ناقص يبوس ايدى عشان اشتري لانسر وكمان الباور مش بيفصل فى الالنترا؟؟؟جبت منين الكلام ده ؟ الباور بيتقل كل ماتزود سرعه وبعدين رايك على العين والراس بس ليه هى زباله؟ ده انت بتحسسنا انها عربيه كارو اللانسر اللى انت بتتكلم عليه البومه دى شكلها قديم طحن (ده راييى انا الشخصى) بس معنى كده انها عربيه زباله؟؟ ياراجل ماتتكلمش على غرز ولاثبات انا سقت الاتنين الاتنين ثباتهم واحد وانت عاجبك الكرسى الناشف بتاعها ده؟؟ بلاش المقارنات يبقى فيها زباله وحقيره وكلام من ده وكمان اللانسر احسن من السيراتو؟؟؟ادينا اماره هى الالنسر دى قريبتك ياكابتن ولا ايه؟ انصحك تركب النترا 2010 وتقعد فى اوضه ضلمه تستغفر ربنا على تضليلك للناس فى المنتدى

تسلم ايدك يا لول والله انا مستغرب من الناس اللى شايفة اللانسر كما لو كانت مركبة فضاء وهى اسوا سيارة يابانى فى رايى وياريت الاخ اللى مش عاجباه الالنترا يشوف اللينك ده
http://www.masrmotors.com/vb/showthread.php?t=22410

[that's me]

علي فكره الالنترا شديده بجد انا ليا واد صاحبي كنا مسافرين معاه واخد غرزه بيها علي 160 و كان الطريق كله لعب و غرز و ثابته جدا ما شاء الله و السحب بتاعها جاااااااامد

[eng_ahmed_90210]

اللانسر ال 1300 سحبها مش كويس
و العربيه بتموت مع التكييف
و الكلام عن تجربه قياده شخصيه
فبلاش منها خصوصا ان التوكيل فيه مشاكل
نيجي بقي للهيونداي
الالنترا و الماتريكس كويسين جدا
بس طبعا الالنترا تتفوق في معظم النواحي
فخليك في الالنترا
و برضه بص بصه علي السيراتو و الكروز