شعورك أيه لو اشتريت عربية جديدة...وبعد كام يوم عرفت انها رخصت كتير؟!

[dr.darsh]

المشاركة الأصلية كتبت بواسطة horas3000 طب تقولوا اية لو واحد جاب عربية و حب يبيعها بعد 3000 كم ما جبتش نص سعرها ptmnlo123per144

أقوله صحتك بالدنيا
بس أكيد العربية عملت حادثة...ولا أيه؟

والا لازم نعرف ايه نوع العربية وايه اللي تسبب في ان سعرها ينزل النص؟!

[islam_galal]

لو كان نتيجة تسرع ، هازعل جدا و لن أتسامح مع نفسي بسهولة
أما لو كان نزول السعر لشئ غير خاضع لسؤ تقدير مني أو تسرع في التفكير أو شبطت يعني يبقي مش مشكلة، قدر الله و ماشاء فعل

[Meemo The Beast]

ده حيكون شعور كل واحد مبيتقيدش بالحملة و يقاطع التجار الجشعينptmnlo123per144

[horas3000]

المشاركة الأصلية كتبت بواسطة dr.darsh أقوله صحتك بالدنيا بس أكيد العربية عملت حادثة...ولا أيه؟ والا لازم نعرف ايه نوع العربية وايه اللي تسبب في ان سعرها ينزل النص؟!

لا حادثة و لا يحزنون
ده اللي حصل معايا لما رجعت الكويت. اشتريت كرايزلر كونكورد و وقفت عليا ب 5,300 دينار علما ان في ظروف معينة كانت سبب في شرائي للعربية دي بالذات. المهم لما جبتها مستريحتلهاش و بعد 3000 كم رحت للتوكيل و حاولت ادخلها في عربية تانية تمنوها ب 2,500 دينار و ده بعد الواسطة و حسب كلامهم ده كان سعرها في السوق ساعتها و ده كان هينقطني بصراحة
بس الحمد لله ربنا تاب عليا و بعتها بعد سنتين و كانت عملا 30000 كم ب 2,500 برضو

[ahmed1981]

كله قسمه ونصيب
ولن تموت نفس حتى تستوفي رزقها

يعني لو مكتوبلي المبلغ الزيادة ده رزق هيجي تاني

لكن لو مش رزقي يبقى راح لصاحبه

والمؤمن لا يحزن على ما فاته من مكاسب الدنيا
فهو ميقن تماماً أن له رزقاً سيستوفيه قبل أن يموت
ولن تفلح حذاقته في زيادة رزقه وكذلك لن تضيع هفواته من رزقه شيئاً