الجميله f3 جابت اسطوانه دبرياج بعد 3600 كم

[Ma7moud ShedeD]

يا جماعة انا المفروض كنت استلم امبارح بس كسلت و خليتها انهرده و هنزل استلم بعد ساعتين بأذن الله..فا انا كده شكلى هكنسل الحجز و حلال عليهم ال 500 جنية و احجز فيرنا و لا لانوس..طمنونى الله يطمنكم

[osa92003]

المشاركة الأصلية كتبت بواسطة Ma7moud ShedeD يا جماعة انا المفروض كنت استلم امبارح بس كسلت و خليتها انهرده و هنزل استلم بعد ساعتين بأذن الله..فا انا كده شكلى هكنسل الحجز و حلال عليهم ال 500 جنية و احجز فيرنا و لا لانوس..طمنونى الله يطمنكم

يعنى هو الفيرنا ولا الانوس هى الى ميه ميه ادخل وشوف المشاكل الرهيبه فى التقفيل والموتور اللى صوته بيعلى وخشونه الصوت والسحب الضعيف فى حاجات ومشاكل كتير اوى واعمل حسابك ان اخر تجميع للفيرنا فى مصر 2012 والشركه بتهمل كده فى تجميع العربيه بالذات موديل السنه ده ..بس طالما انت كنت ناوى على الصينى ارشح لك اسبرنزا m11 ,وبعدين مش هتخسر حاجه اطلع على معرض ابو الفتوح فى المعادى او المصريه هتلاقى العربيه هناك وتتقدر نعرف الفرق بينها وبين الفيرنا واللانوس على الطبيعه

[drpepo]

اعلم استاذى الفاضل ان اختيار السيارة يجب ان يكون نابع منك انت شخصيا باقتناع بنسبة 100 %
ونشكر ربنا لما جبت البى واى دى جبتها وانا مقتنع تماما
ومفيش عربية مفيهاش عيوب
ولو دخلت اللوجان ولا الفيرنا هتلاقى الناس بتتشكى من حاجات كتير لكنهم راضيين
وانا لما جبت العريبة كان في ناس اشتكت من حالات فردية مثلا او اى مشكلة اخرى انا رضيت بيها كدا

تحياتى

[Ma7moud ShedeD]

انا العربية عجبانى اوى اكتر من الفيرنا و الانوس و اللوجان..و كنت هستلم انهرده ان شاء الله..بس مشكلة الاسطوانة دى رجعتنى 100 خطوة وره و زعلتنى اوى و حاسس انى مدايق اوى دلوقتى..يعنى كل ما اركب مع تاكسى يقولى البى واى دى احسن عربية صينى و احسن من ال A516..و كمان الاستاذ كيا سيفيا انا كنت متابع مواضيعوا و كانت العربية عجباه جدا بس العيب ده..خلانى اعيد حساباتى

[كيا سيفيا]

يا جماعه واضح انه كان هنك لبس منى فى الموضوع للاتى:
وانا ذاهب للتوكيل صباح اليوم العربيه كانت زى الفل وعلى ذلك رجعت من منتصف الطريق وساتبع الى ان اعود من العمل وسأعرض عليكم الامر بكل امانه