خبر سىء جدا:البرادعى ينسحب من سباق الرئاسه !!

[Saif eldien]

يا جماعة لازم كلنا واحنا بنتكلم نفهم شى مهم جدا مش معنا انى رافض البردعى يبقى انا ضدة لا
انما انا رافض البردعى او غيرة وان كنت الى الان اقول ان رئيس مصر لسة هيظهر ويبان مع قرب الترشيح
انما مش معنى كدة انى بكرة البردعى لا بالعكس انا شايف انة ممكن يكون لية دور اهم من انة يكون رئيس جمهورية
زى الدكتور احمد زويل بعلاقاتة وحب العالم كلة لية عمل مدينة زويل بتمويلات وتبرعات قدر يفيد فى فترة قليلة جدا
برضة البردعى ممكن يعمل كدة بدل ماحنا مش عرفين الى الان نجد مكان نعمل فية مركز للطاقة الذرية

كمان محدش يختلف اننا شعب عاطفى جدا جدا جدا وعندنا مبداء ان لما تقول دة يقول لنا انة مش عايز يترشح اننا فى ناس كثيرة هتتمسك بية ودة هيزيد من اعداد الناس ال بترشحة ولما انتا بيعنا ومش عايز تترشح وشايف ان فى امور غلط وبتحب البلد دة دة سبب ادعا انك تترشح مش انك تقول مش هترشح

غير انة انا متاكد انة هيرجع فى كلامة
ال انا عايز اقولة انك مش جمال عبد الناصر واوعى تفتكر نفسك جمال عبد الناصر

[Explorer]

المشاركة الأصلية كتبت بواسطة saif el din زى الدكتور احمد زويل بعلاقاتة وحب العالم كلة لية عمل مدينة زويل بتمويلات وتبرعات قدر يفيد فى فترة قليلة جدا برضة البردعى ممكن يعمل كدة بدل ماحنا مش عرفين الى الان نجد مكان نعمل فية مركز للطاقة الذرية

يا أستاذ سيف

البرادعي مش عالم في الذرة, ده خريج حقوق ورجل قانون

ووالده كان نقيب المحامين

دي نبذة من السيرة الذاتية

تخرج من كلية الحقوق ،جامعة القاهرة سنة 1962 بدرجة الليسانس في الحقوق. بدأ البرادعي حياته العملية موظفًا في وزارة الخارجية المصرية في قسم إدارة الهيئات سنة 1964 وتدرج في المناصب الى ان صار محاميا لمصر وحقوقها ومصالحها في المحافل الدولية حيث مثل مصر في بعثتها الدائمة لدى الأمم المتحدة في نيويورك و في جنيف. سافر إلى الولايات المتحدة للدراسة ، ونال سنة 1974 شهادة الدكتوراه في القانون الدولي من كلية نيويورك الجامعية للحقوق وعاد إلى مصر في سنة 1974 حيث عمل مساعدا لوزير الخارجية إسماعيل فهمي ثم ترك الخدمة في الخارجية المصرية ليصبح مسئولا عن برنامج القانون الدولي في معهد الأمم المتحدة للتدريب و البحوث سنة 1980 ، كما كان أستاذا زائرا للقانون الدولي في مدرسة قانون جامعة نيويورك بين سنتي 1981 و 1987. اكتسب خلال عمله كأستاذ و موظف كبير في الأمم المتحدة خبرة بأعمال المنظمات الدولية خاصة في مجال : حفظ السلام و التنمية الدولية. والتحق بالوكالة الدولية للطاقة الذرية سنة 1984 حيث شغل مناصب رفيعة منها المستشار القانوني للوكالة، ثم في سنة 1993 صار مديرًا عامًا مساعدًا للعلاقات الخارجية. واختير رئيسا للوكالة الدولية للطاقة الذرية في 1 ديسمبر 1997 خلفًا للسويدي هانز بليكس وذلك بعد أن حصل على 33 صوتًا من إجمالي 34 صوتًا في اقتراع سري للهيئة التنفيذية للوكالة، وأعيد اختياره رئيسا لفترة ثانية في سبتمبر 2001 ولمرة ثالثة في سبتمبر 2005. وفي أكتوبر 2005 نال محمد البرادعي جائزة نوبل للسلام مع الوكالة الدولية للطاقة الذرية ومنحت الجائزة للوكالة ومديرها اعترافا بالجهود المبذولة من جانبهما لاحتواء انتشار الأسلحة النووية. ولم تقتصر حصيلة جوائز البرادعي على نوبل بل حصد عدة جوائز أخرى منها جائزة فرانكلين د. روزفلت للحريات الأربع (2006) (The Franklin D. Roosevelt Four Freedoms Award) وجائزة الطبق الذهبي من الأكاديمية الاوروامريكية للإنجاز (The Golden Plate award from the American Academy of Achievement) وجائزة جيت تراينور (Jit Trainor) من جامعة جورجتاون للتميز في الأداء الدبلوماسي وجائزة أمن الإنسانية من مجلس العلاقات العامة الإسلامي (The Human Security award from the Muslim Public Affairs Council) وجائزة المؤسسة من مجلس كرانس مونتانا (The Prix de la Fondation award from the Crans Montana Forum) وجائزة الأثير، أعلى وسام وطني جزائري وجائزة الحمامة الذهبية للسلام من الرئيس الإيطالي . وتوج البرادعي حصيلة التكريم بحصوله وشاح النيل من الطبقة العليا، وهو أعلى تكريم مدني من الحكومة المصرية .

المصدر

[mf]

دا خبر سئ علي أتباعه فقط

انما من وجهة نظري هو لاخبر سعيد او خبر حزين لانه لايمثل لي ولقطاع عريض من الشعب المصري أي قيمة

[esafegypt]

الدليل القاطع ان البرادعى لم يعتقل ولم يقتل حتى الان من رجاله النظام الفاسد نظام حسنى مبارك لو كان الراجل ده بيحب مصر وترك امريكا علشان حبه لمصر فعلا كان زمانة فى السجن او ميت الان لكن البرادعى بيسانده الامريكان وده اللى خلا مبارك يبعد عنه كل الفتره دى علشان امريكا متعاقبش مبارك وتعمل معاه الدنيئة

وكمان كان فين البرادعى من زمان ليه مجاش الا لما امريكا غيرته وجابت واحد غيره خد منصبة .

وكان فين البرادعى لما العراق انضربت ليه مخرجش وقال مفيش اسلحه نووية عند صدام ؟ ؟ ؟
البرادعى سكت ولما اتكلم قال ان الوكالة تشك فى وجود اسلحه فى العراق نووية طبعا.....
على الاقل و حفظا لماء وجه كان قدم استقالته فى اول يوم انضربت بيه بغداد بالقنابل العنقوديه
هم الناس اللى ماتت فى العراق دى موش مسلمين وعرب؟؟؟
لكن لما ييجى واحد معاه منصب بينسى اصلة وكل اللى بيفتكره انه هيقبض كام من ورا السبوبة دى اهو دلوقت اعد فى بيته خليه يفرح بعد ما العراق اتدمرت بسببة فى الوقت اللى كان فى دول اوروبية بتعارض ضرب العراق كان هو بيتفرج مع ان لو كان استقال فى اول اسبوع حتى من الحرب كانت امريكا هتكون تحت ضغطت كبير من روسيا والصين لكن روسيا والصين معرفوش يعملوا حاجه لان اللى قال ان العراق فيها نووى واحد عربى زيهم
وتقول لى النائب العام ؟؟؟ اللى هيحكم عليه ربنا والراجل ده هيموت موتة وحشه وربنا هينتقم منه لانه باع عروبتة بشوية فلوس
واخيرا افتكروا ان البرادعى لم يتكلم ولو بنص كلمة عن الملف النووى الاسرائيلى لم يقدر على الكلام عن المفاعلات النووية فى اسرائيل لكن تكلم عن العراق يااااااااه
وعموما كلهم خاينين مبارك خاين والعادلى خاين والبرادعى خاين وكل واحد فيهم خان مصر من الكرسى اللى كان ماسكه
(( الله يرحم الرئيس السادات لو كان عايش كان زمان مصر دى معاها فيتو ))

[mf]

لو كان عمرو موسى هو اللى تراجع عن قراره بالترشح للرياسة ياربنااا على الكلام اللى كان هياخده ,،
كان هيتقال عليه:
مش أد المسئولية
وقت الجد خلع
متردد
ولما البرادعى تراجع لسه بيقولو فى التليفزيون
بطل
راجل
ديمقراطى
طب وربنا وربنا ورببببنا عجبت لك يازمن