بدأت اخاف من السواقة

[zyadawad]

المشاركة الأصلية كتبت بواسطة Vanditta بصراحة السواقة فى مصر تخوف التنين تبقى ماشى فى امان الله وتلاقى اللى جاى عكس واللى بيعدى الطريق من غير ما يبص واللى بيعديك من اليمين فى شارع ضلمة من غير مايقلبلك نور ولا حتى كلاكس وبستر ربنا ودعاء الحاجة تكتشفة بعد ما يعدى من جنبك والتكاتك اللى العيال الصغيرة سايقاها بتهور وماشية فى نص الطريق والطرق المدغدغة اللى تخليك تخاف تجرى شوية لا تلبس مطب ولا حفرة دة كلو طبعا غير الزحمة المبالغ فيها اللى تنرفزك من غير ماتحس دة غير الاسلوب الهمجى فى السواقة من كتير من الناس تلاقيهم واخدينها عافية ويكسر عليك ويرمى بوز العربية قدامك ويعديك ولو سوقت بأحترام وراعيت اصول الطريق هتلاقى اللى وراك هاريك كلاكسات وشوية شوية يسبلك ال .....تيت يا راجل دة فية ميادين ماتبقاش عارف مين رايح فين ولا مين جاى منين وبتبقى السواقة فيها اشبة بفيلم رعب اماتلاقى اوتوبيس جاى فى وشك على مكروباص من يمينك على نص نقل وراك وقدامك كارو وفى جنابك فزب وموتسيكلات وماتعرفش مين بيكلكس لمين ولا مين بيشتم مين ولا مين عايز يروح فين كل دة ومش عايز تخاف الكلام دة عندنا فى القاهرة ماعرفش فى الاسكندرية اية النظام عندكو بس على العموم أ ب سواقة فى مصر البروووووووووود وتقبل مرورى

الكلام ده صح مية ف المية بالاضافة لكل اللي قالوا الاعضاء المحترمين انا عايزة اضيف انك متهاودش نفسك ف موضوع انك مش عايز تنزل بالعربية اضعط علي نفسك وانزل يوميا ومهما حصلك شايف مهما دي انزل تاني وعاشر وهتلاقي نفسك اتعلمت السواقة بلس الغتاتة والتناحة بلس البلطجة بشكل ايجابي طبعا بمعني اللي يمشي محترم انت محترم اكتر منه واللي يستهبل تظبطه او علي الاقل تموته بالتناحه وسوري للالفاظ بس للاسف لازم تبقي كده عشان تسوق او تعيش ف مصر بس اوعي يا عم تقابلنا بعد كام شهر ف الشارع وتعملهم معانابعد ما تبقي شومخر

[zyadawad]

بس اعتقد حتي شوماخر ما يعرفش يسوق ف مصر من غير ما يقعد اللمبي جنبه كام مرة كده لحد قلبه ما يجمد:hehe he:شوفت بقي انك بعون الله هتبقي اجدع من شوماخر

[خالد الجوكر]

والله يا جماعه هيه عايزه شويه جرأه بس لا اكتر ولا اقل
وانزل وميهمكش العربيه اللى بيخاف من العفريت بيطلعلو
واكسر على اى حد عايز يعدى منك واعملهم اهبل ف نص الطريق
ده النظام اللى ماشى ف مصر يا جدعان
البقاء للأقوى

[حمادة ونور]

المشاركة الأصلية كتبت بواسطة خالد الجوكر والله يا جماعه هيه عايزه شويه جرأه بس لا اكتر ولا اقل وانزل وميهمكش العربيه اللى بيخاف من العفريت بيطلعلو واكسر على اى حد عايز يعدى منك واعملهم اهبل ف نص الطريق ده النظام اللى ماشى ف مصر يا جدعان البقاء للأقوى

نظام البقاء للاقوى ده نظام مش كويس تماما وبعدين احنا مش فى الصومال علشان يبقى فيه نظام البقاء للاقوى بس للأسف احنا كمصريين لما بنلاقى مفيش مراقبة بنقلبها فوضى واستهتار

[خالد الجوكر]

يا عم حماده ده النظام اللى بطبقه مع بتوع التكاتك والمكروباصات
واللى قبل كده توكتوك قطع عليا طريق قمت جايبلو الرفرف بالفرده اللى قدام وسبتو ومشيت
مينفعش معاهم الا كده فاكرين الطرق بتاعتهم لوحدهم
ولو لقوك خايف ع العربيه هيعملو عليك حفله علشان كده قولت البقاء للأقوى
انا من مركز تابع لمحافظة الشرقيه ومفيهاش حد بيقف مرور ولا اى حاجه
ولو مدخلتش فى اى حد صدر وعافيه عربيتك هتروح هدر