لو سمحت ؟؟؟؟ إركن فى مكان تانى

[momen_bondok]

المشاركة الأصلية كتبت بواسطة crime انا بصراحه من كتر الارف بتاع ده مكانى وفيه عربيه جايه ريحت دماغى وبقيت اركنها ف جراج منى بحميها من السرقه ومنها بشترى دماغى

بصراحة الجراج راحة للبال وتبقى نايم وانت مطمئن
جزاك الله خيرا على المشاركة

[momen_bondok]

المشاركة الأصلية كتبت بواسطة amrjemy اكتر حاجه بتدايقنى هو كلام البهوات بتوع المحلات أل يعنى العربية اللى واقفة ادام المحل هتحجب الفاترينة والناس ماتشتريش منهم مايعرفوش ان الارزاق فى يد الله لكن بالنسبة للناس الى عندها جراشات ادام البيت اعتقد مش من اصول الذوق ان واحد يجي يركن عربيته ادام باب الجراش وهو عارف انه جراش اظن من حق صاحب البيت ان يحرج بعربيته فى اى وقت وخاصة لو كان فى شغل صباح باكر ولا واحد افندى محترم مبيت العربية ادام الجراش دى موقف صعب جدا

طبعا اللى بيركن امام الجراج دة اكيد مش فاهم لانة ممكن لو ميعرفوش صاحب العربية يبعدوها عن باب الجراج ويرموها فى اى حتة المهم تكون بعيدة عن الباب وهو دة الصح وبصراحة اللى بيركن كدة يستاهل
جزاك الله خيرا على المشاركة

[momen_bondok]

المشاركة الأصلية كتبت بواسطة ابو يمني هو مشكلة اصحاب المحلات الجهل يعني هو لو عرف ان رزقة جاي جاي سواء ركنت امامة او مركنتش بس تكلم مين يقولك قدام شوية يا استاذ عشان دة محل اكل عيش هو انا بعمل حاجة غلط تضيع اكل العيش يعني بس انا مرة ركنت قدام واحد بتاع كوتش بالليل وهو قافل وكنت في مكان غريب عني ومخدتش باللي خالص وجيت بعد الظهر لاقيت الراجل حاطط كرسي وقاعد جنب العربية وقالي انا مشتغلتش من الصبح بسبب الركنة دي مفيش عربية عارفة تخش الورشة اا بصراحة زعلت علي اللي انا عملتة فية

للاسف الناس معندهاش يقين ان الرزق جاى جاى وبعدين صاحب المحل من الادب يحط نفسة مكان اللى بيلف بالعربية علشان يركن لو هو فى نفس الموقف هيتصرف ازاى
جزاك الله خيرا على المشاركة

[momen_bondok]

المشاركة الأصلية كتبت بواسطة corsair يا حاج مؤمن ده انا نفسي تيجيلي زيارة صغيرة بس كدا اوريلك كمية الحديد اللي مزروع في الاسفلت والناس حاجه بيه اماكن عربيتها والله العظيم البلد ديه لو فيها دكر مكنش ده حصل واي حد يفكر يبني مطب منه لنفسه او يزرع حديدة في الارض يتاخد مخالفة مش اقل من 1000 جنيه ويتحبس كمان ولا بلاش يتحبس ديه لان كدا مصر كلها هتشرف في السجن خلينا في المخالفات بس

صباح الفل يا استاذ احمد عندك حق فعلا الناس فعلا فاكرة ان طالما هو ساكن فى شارع يبقى الشارع دة من حقة
انا ناوى بأذن الله ابعت شكوى على الحكومة الالكترونية وانا عارف ان اليوم عندهم بسنة ومضمونها انهم يشكلو لجنة تنزل فتش على الاشياء المخالفة اللى الناس بتعملها مثلا بتاع الخضروات او الفاكهة اللى حاطط ربع البضاعة داخل الدكان والباقى بالخارج مما يعوق حركة المارة ويسبب مضايقات للسكان او حتى يعملو خط ساخن للى فية حد عندو حد بس يكون بحق وحقيقى مش زى حماية المستهلك
معلش طولت عليك وجزاك الله خيرا على المشاركة

[momen_bondok]

المشاركة الأصلية كتبت بواسطة AboNoRa والله يا جماعة انا مقتنع ان ديه مشكلة تخطيط مدن فى الاساس مش مشكلتى ولا مشكلة صاحب الدكان خارج القاهرة مفيش الكلام ده خالص والمدن الجديدة مفيش كده ابداً وبالتالى مش صح انى اشيل صاحب المحل كل المشكلة فاللى انا بعملة فعلا انى بقدر المكان اللى هركن فيه واذا كان فعلا هيحجب الرؤية عن فاترينة او هيمنع صاحب محل او ورشة من استخدام المساحة اللى قدامة باستاذنة قبل ما اركن اصلاً تمام تمام مش تمام بشوف مكان تانى هى المشكلة مش فى صاحب المحل انما المشكلة فى الجهل اللى بيتعامل بية من اللى بيركن وكان المكان خاص بة لكن كلامك مضبوط ان المشكلة الرئيسة فى هذا الموضوع هو جهل المخططين وجعل الورش بين الكتل السكنية ونتمنى فى من يتولى الحكم بأن ينتبة لمثل هذه الامور ويعمل على نقل الورش خارج الكتل السكنية بس الامر مبيخلاش بردو من ناس باردة زى حلاق مثلا ولا ليه باترينة ولا ليه دعوة بالشارع ويوقلك معلش متركنش او زى ما بيحكى الشباب عن اللى واخدين الارض بالدراع وبياخدو اتاوه على كل ركنة دول بيبقلى لهم رد تانى طبعا

الرد فى الاقتباس