ايه هي عيوب العربيات المرسيدس ؟

[فادى]

بالتأكيد أى سيارة لها عيوب و عيوب السيارة المرسيدس هى عيوب السيارات الفارهة عامة و هناك عيوب خاصة بالمرسيدس نفسها, دى بعض العيوب اللى قدرت اجمعها من القراءة و السمعة المتوارثة للمرسيدس :

- ثقل الوزن المبالغ فيه, المرسيدس و السيارات الفارهة عموما ثقيلة الوزن (لأن السيارة ثقيلة الوزن تكون مريحة على السرعات العالية و كذلك لوجود الكثير من الكماليات بها), و هذا ما يؤدى الى صعوبة السيطرة عليها فى المواقف الحرجة(حتى مع وجود شتى الأنظمة المعاونة للقيادة), و يقلل من ثباتها فى المنحنيات, و يقلل من متعة القيادة, يزيد من استهلاك الوقود, و بالطبع يقلل التسارع.
- متعة القيادة المنقوصة, السيارات الفارهة تكون عادة هادئة و تعزلك عن الطريق, هذا الهدوء قد لا يعجب محبى القيادة الذين يريدون دائما الشعور بالطريق, هناك بعض السيارات الفارهة تهتم بمتعة القيادة أكثر من الراحة كألفاروميو مثلا, و هناك شركات تحاول الموازنة مثل بى ام دبليو, أما مرسيدس فانها لا تشتهر بمتعة القيادة على الاطلاق.
- علبة تروس مرسيدس مازالت خارج الزمن, مرسيدس لا تزال تستخدم علبة تروس تيبرترونيك أى علبة تروس ذات بنية اوتوماتيكية لكنها قادرة على تغيير السرعات نزولا و صعودا عبر مفتاح خاص, هذا النوع من علب التروس لا يوفر الكفاءة القصوى و لا السرعة المطلوبة, و لم تنتقل لاستخدام علب التروس الالكتروهيدروليكية ذات البنية اليدوية مثل الفاروميو مثلا. علب التروس الالكتروهيدروليكية أسرع و تنقل العزم بشكل أكثر كفاءة من العلب الاخرى.
- لا تتوفر مرسيدس بعلب تروس يدوية فى معظم سياراتها, و هذا لا يلبى حاجة الزبائن الذين يفضلون متعة و كفاءة و سرعة المانيوال.
- صغيرة مرسيدس الايه سيارة سيئة جدا من معظم الجوانب, و يبدو أن مرسيدس تفتقد الخبرة اللازمة لصنع سيارة صغيرة, فمرسيدس تصنع السيارات الكبيرة كأفضل ما يكون, و لكنها لا تمتلك الخبرة الكافية لانتاج سيارة صغيرة مثل سيتروين و رينو و فيات على سبيل المثال.
- شكل سيارات مرسيدس لا يتغير أبدا, و ليس ثوريا, و ممل للغاية, و هى سمة ألمانية للأسف(فيما عدا بى ام دبليو), كل ما يحدث هو ادخال تغييرات على نفس الشكل القديم لمجاراة العصر لا أكثر و لا أقل, الشركات الايطالية و الفرنسية تريد مع كل سيارة اطلاق ثورة جديدة, أما الألمانيات (مرسيدس, فولكس, اودى, بورش) فانهم يرغبون فى المحافظة على نجاح الشكل القديم و تعديله بحيث يناسب العصر, و لكن لا جديد!

طبعا هذا لا ينفى أن مرسيدس هى احدى افضل السيارات الفارهة, بل هى أفضلهم على الاطلاق من ناحية الاعتمادية و المتانة و الراحة و جودة الصنع و التقنيات المتقدمة, فهى تلقب بالنجمة التى تقود الجميع, و لكنها سيارة لا تصلح كثيرا لمحبى القيادة, الذين يرغبون بمتعة أكبر و سيارة بطابع أكثر ثورية عليهم الاتجاه الى بدائل أخرى فى مقدمتها ألفاروميو و بى ام دبليو.

[hazem_khidr]

اكبر عيب للمرسيدس انك لما تركبها (و تفضل معاك فترة) مش هتقتنع بأى عربية تانية

عندك حق
انا جات فتره و انا صغير كان معانا عربيه مرسيدس 77 مكنتش بعرف اسافر غير بيها و كنت بعيط لو حنسافر بعربيه تانيه

المرسيدس عربيه محترمه فعلاً و محبوبه خاصةً عند المصريين بس بصراحه انا مقتنعتش بيها اوى (مش كلام و خلاص - والدى راكب 3 اجيال مرسيدس e class و احد الاصدقاء المقربين معاه c class compressor و سوقتهم كتير و معاهم فى الصيانه و اى مشاكل فى العربيه, بصراحه مع والدى علشان الإستخدام راقى العربيات مكنش فيها مشاكل, بص مع صاحبى العربيه متعبه ومش زى مكنت انا و صاحبى متخيلين العربيه, بصراحه اتصدمنا!!!) انا عارف ان فى ناس كتير مش حيعجبها الكلام ده بس دى الحقيقه

ممكن تكون العربيه تجميع مصري و فيها عيوب او هو مهمل في صيانتها شويه بس
انما المرسيدس سياره لا تضاهيها اي سياره اخري

[hazem_khidr]

- شكل سيارات مرسيدس لا يتغير أبدا, و ليس ثوريا, و ممل للغاية, و هى سمة ألمانية للأسف(فيما عدا بى ام دبليو), كل ما يحدث هو ادخال تغييرات على نفس الشكل القديم لمجاراة العصر لا أكثر و لا أقل, الشركات الايطالية و الفرنسية تريد مع كل سيارة اطلاق ثورة جديدة, أما الألمانيات (مرسيدس, فولكس, اودى, بورش) فانهم يرغبون فى المحافظة على نجاح الشكل القديم و تعديله بحيث يناسب العصر, و لكن لا جديد!

معاك يا فادي في معظم النقاط ما عدا النقطه دي
و ابسط مثال فهو مرسيدس الفئه E
العربيه دي كل جيل لها بيعتبر مثل يحتذي به و دايما الشركات الاخري بتقلده
و بيبقي التصميم السائد في الفتره اللي بينزل فيها
زي مثلا الخنزيره و التمساحه و الزلموكه و العيون
كل عربيه من دول تلاقيها ثوره ايام ما نزلت و الكل بيحاول يعمل حاجه شبهها

[pro mada]

المشاركة الأصلية كتبت بواسطة bmkbmk اكبر عيب للمرسيدس انك لما تركبها (و تفضل معاك فترة) مش هتقتنع بأى عربية تانية

ده اكيد
معاك حق

[pro mada]

المشاركة الأصلية كتبت بواسطة m_o_sakr المرسيدس عربيه محترمه فعلاً و محبوبه خاصةً عند المصريين بس بصراحه انا مقتنعتش بيها اوى (مش كلام و خلاص - والدى راكب 3 اجيال مرسيدس e class و احد الاصدقاء المقربين معاه c class compressor و سوقتهم كتير و معاهم فى الصيانه و اى مشاكل فى العربيه, بصراحه مع والدى علشان الإستخدام راقى العربيات مكنش فيها مشاكل, بص مع صاحبى العربيه متعبه ومش زى مكنت انا و صاحبى متخيلين العربيه, بصراحه اتصدمنا!!!) انا عارف ان فى ناس كتير مش حيعجبها الكلام ده بس دى الحقيقه

معاك حق و الله
مفيش عربيه مفيهاش عيوب