قصة حصلت بالفعل بخصوص سرقة السيارات

[hal71]

المشاركة الأصلية كتبت بواسطة ezzat2002mo مش عارف ليه لما تحصل مصيبه على طول يجيبوا سيره السلفيين والمنقبات هما عملوا ليكم ايه بالضبط ما هما سايبنكم فى حالكم سيبوهم بقى فى حالهم. وبعدين تفتكر المنطقه اللى راحها الاستاذ فيها واحد بدقن ولا واحده منقبه اشك فى هذا الف فى الميه, يعنى لما واحد بدقن خفيفه يسرق او يزنى نقول ادى ياعم السلفيين وادى التدين الظاهرى واول مايشوف واحد متدين بجلباب اوبدقن او واحده منقبه يحكم عشوائى انهم متدينين تدين ظاهرى طيب ليه لما بيمسكوا واحد بيقتل او بيزنى ما بنقولش هاتولنا الليبراليين وبتوع الحريه ولا حقوق الانسان والفنانين وعمرو حمزاوى ونقطع فيهم ولا دول فوق مستوى الشبهات . ياريت نكون منطقيين لاننا هنتحاسب على كل كلمه بنقولها او بنكتبها . معلش بس كلام حضرتك ضايقنى

أولاًك أنا بعتذر إذا كان كلامي ضايق حضرتك
ثانياًك أن بتكلم من غلبي و قهرتي و إحساسي إني بقيت غريب عن مصر اللي طول عمرها وسطية و مشهورة بالأمانة و العزة و كرامة أهلها الفقراء أنا والدي أول ما إشتغل في الستينات مرتبه كان 15جنيه و عمرنا ما إشتكينا و ما تزعلش مني نسبة التدين في السبعينات و الثمانينات ما كنتش زي دلوقت و الناس كانت بتلبس عادي و كنا بنصلي و نصوم و بنحترم الدين عادي جداً بدون تشدد أو غلو و مفروض إن المجتمع يرتقي و يسمو و يرتفع مستواه كلما زادت نسب التدين و ليس العكس كما هو حاصل حالياً للأسف تقبل تحياتي و أسفي مرة أخرى إذا كنت وصلت رأيي بصورة ضايقتك

[ezzat2002mo]

المشاركة الأصلية كتبت بواسطة hal71 أولاًك أنا بعتذر إذا كان كلامي ضايق حضرتك ثانياًك أن بتكلم من غلبي و قهرتي و إحساسي إني بقيت غريب عن مصر اللي طول عمرها وسطية و مشهورة بالأمانة و العزة و كرامة أهلها الفقراء أنا والدي أول ما إشتغل في الستينات مرتبه كان 15جنيه و عمرنا ما إشتكينا و ما تزعلش مني نسبة التدين في السبعينات و الثمانينات ما كنتش زي دلوقت و الناس كانت بتلبس عادي و كنا بنصلي و نصوم و بنحترم الدين عادي جداً بدون تشدد أو غلو و مفروض إن المجتمع يرتقي و يسمو و يرتفع مستواه كلما زادت نسب التدين و ليس العكس كما هو حاصل حالياً للأسف تقبل تحياتي و أسفي مرة أخرى إذا كنت وصلت رأيي بصورة ضايقتك

العفو ياباشا كلك زوق واحترام
وانا معاك بس دى ضريبه التطور والانفتاح اللى احنا فيه اليومين دول ربنا يعافينا

[علاء الدين مطاوع]

حقيقى قصة اغرب من الخيال ودة يعطينا انطباع عن حالة الاسترخاء العجيبة بتاعة الشرطة واللى بعد الثورة اتظبطت ماديا ومفيش فايدة يعنى العربية دى لو كانت بتاعة ضابط شرطة كانت اتمسكت والحرامى كان اخد بالجزمة
مفيش فايدة فى بلدنا مع الاسف نفوس مريضة وخربانة ومفيش حد عايز يشتغل

[الكردي2000]

عارفين لية حال الشرطة بقي كدة , لأن اصبح الان اللي بيدخل كلية الشرطة هو ابن البية والباشا اللي عايز يلبس البدلة بس علشان يقولوا البية راح والباشا جه , مش علشان يحمي امن البلد والمواطن , المشكلة الاساسية في الكلية من بابها وشروط اختيار ضابط الشرطة اللي اصبحت بالمحسوبية والمال مش بالكفاءة , الضابط يقولك بينة وبين نفسة كدة عربية اية اللي اروح ادور عليها يا روح ما بعدك روح , اضيع حياتي علشان حتة عربية عنها ما جت , ( مع استثاء طبعا انه فية رجال امن شرفاء شجعان بنسمع عنهم بردة ) علشان كدة المستوي الامني لن ينصلح في مصر إلا بإصلاح المنظومة التي علي اساسها يتم اختيار رجل الشرطة

[mainz]

الى فهمته من القصه ديه انه تقريبا الرائد رئيس مباحث بندر شبين الكوم شغال مع الحرميه وسارقى السيارات بدليل انه قالك لما الحرامى يتصل بيك ويساومك على فلوس ابقى كلمنى وانت كلمته واتصلت بيه وبلغته بالرقم الثابت الى كلمك ولم يتحرك ساكنا لاتخاز الاجرائات
وبعدين الحرامى اتصل بيك ازاى وهوا مايعرفش رقمك الا ازا كان هناك ما يعاون الحرامى ويمده بكل معلومات عن الضحيه لان الضحيه كل معلوماتها موجوده فى بندر شبين الكوم لاجرائات المحضر . ده بس تخمين ويارب ما يطلعشى فى محله لانها هتبقى وحشه قوى قوى فى وش القائمين على امن الوطن والمواطن
او احتمال صاحب القصه ديه عاوز يشهر بكل اجهزه الدوله الامنيه فى محافظه المنوفيه بافتعال واختلاق هذه القصه حتى يشهر برجال الامن فى محافظه المنوفيه وشبين الكوم بالاخص . احتمال بردك لانه رجع بالعربيه من غير ورق على كماين كتير والعربيه متبلغ انها مسروقه ومافيش حد قاله انت فين . اظاهر ان صاحب القصه مابيحبش حكومه الاخوان وبالاخص محافظ الاخوان فى شبين الكوم