#16
|
||||
|
||||
رد: أستاذنا الباشمهندس سمير عياد- سؤال فى بن 51 كتاوت مارش
فمهندس بدون خبره عمليه بيعتبر زى واحد مدرس بيدرس أمور فنيه لم يحتك بها على الطبيعه -------------------------- فعلم بدون خبره عمليه مثله مثل المختبىء خلف الأسوار لايراه أحدا وهو فقط من يرى نفسه ---------------------- وحصل خير فلعل مابينكما على الرغم أننى لا أعرف فحواه عباره عن سوء تفاهم لاتقصدانه ولكن ترككما لأنفسكما فريسة لإبليس عليه لعائن الله المتتاليه إلى يوم القيامه فهو ( أى إبليس ) من يجعل أحدكما أو كلاكما لايعود إلى هيئته الطبيعيه التى تتسم بروح الأخوه والمحبه للجميع ولذا فأنا بأدعوكما أنتما الإثنين للإستعاذه بالله من الشيطان الرجيم فمع الإحتماء بالله من إبليس بتعود روح المحبه بين الجميع إلى وضعها الطبيعى
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
#17
|
|||
|
|||
رد: أستاذنا الباشمهندس سمير عياد- سؤال فى بن 51 كتاوت مارش
شكرا لك ياباشمهندس سمير
الموضوع للأسف أننا لانعرف بعض مثلى أنا وسعادتك كده بس الراجل عمال يهاجم وخلاص فكرنى وأنا كنت شغال فى ليبيا هما عندهم إعتقاد إن علشان يعرف إن الدينامو شغال يشيل كابل البطاريه والعربيه دايره لو فضلت العربيه دايره يبقى الدينامو شغال طبعا الكلام ده من 1993 إلى 1999 أما نزلت من ليبيا المهم علشان تقنعهم بالأمبير وقيمه الشحن كام أمبير لا يقتنعو إلا بهذه التجربه المهم واحد جابلى عربيه بيجو 404 نصف نقل الدينامو عطلان وبتدور زق والبطاريه نايمه تماما المهم صلحت له الدينامو وركبته وزقينا العربيه دارت وقمت بقياس شحن الدينامو لقيته 15 أمبير ومع النور بيزيد المهم شغلت الإستوب ووتش لمده دقيقتين وبطلنا العربيه ودورنا عده مرات وكله تمام الزبون مش مقتنع شال كابل البطاريه العربيه بطلت راسه وألف صرمه إن الدينامو مش شغال المهم قوقلته تقتنع بإيه قالى نروح ورشه ثانيه ونسأل الكهربائى قولته عمرى ما سمعت إن التجربه دى أساسيه الأساسى هو الأمبير قالى لا المهم رحنا ورشه ثانيه علشان أقنعه المهم الورش هناك فيها كهربائى وميكانيكى وسمكرى وبتاع دوكو كلهم مع بعض المهم سألتهم مين الكهربائى لقيت واحد قالى أنا وطبعا مصريين راح الزبون سأله مباشر قاله بشيل كابل البطاريه العربيه بتبطل يبقى الدينامو شغال وإلا لأ راح صاحبنا قاله لأ مش شغال رحت أنا سألته إنته مصرى قالى أى مصرى قلتله وكهربائى قالى لا سمكرى قولتله أنا سألت عن كهربائى وإنته قولت أنا أول ما قلت إن الدينامو مش شغال أنا عرفت إنك لا يمكن تكون كهربائى وهزقته ومشينا الراجل قالى فيه كهربائى سودانى ده أشهر واحد فى ليبيا فاكر إسمه لغايه اليوم إسمه السبت طبعا لا ينسى المهم ده عندهم دكتور كهرباء السيارات وكلامه مقدس المهم رحنا للراجل وحكينا له الموضوع المهم السبت قال للراجل أسكت وأنا ها أقولك شغال أم لا المهم فك سلك الكهرباء العمومى بتاع الدينامو وشرزه على مسمار الدينامو اللى راكب فيه السلك أصلا اللى المفروض نقيس منه الشحن المهم هوه لم يقيس الشحن مجرد وجد شرز بس قاله الدينامو شغال راح الزبون دافعلى الفلوس لأنه أصلا مش عاوز يدفع أما السبت قاله شغال إقتنع بدون جدال معلش دى مجرد دردشه وشكرا |
#18
|
|||
|
|||
رد: أستاذنا الباشمهندس سمير عياد- سؤال فى بن 51 كتاوت مارش
احترم نفسك وخليك مؤدب لانك لما تتكلم فى حقى تبقى قليل الادب انت مين فى مصر علشان تسألنى عن شغلتى او منين خليك فى موضوع المناقشة طلعتك غلطان ومش فاهم حاجة علشان كده عمال تهرى فى نفسك والمهندسين فى المنتدى قالولك الصح وانت غلط ما تبقاش رغاى وقليل الادب امال لو كنت مؤهل عالى زينا كنت عملت ايه ؟ لما تتكلم وجه كلامك للمنتدى وما تجيبشى سيرتى علشان انت مش محترم وغلاط وقليل الفهم بتقاوح وكثير الكلام ليه ؟؟؟ وعلى ايه متضايق لانى طلعتك مش فاهم حاجة وبتكتب اى حاجة والسلام لو اتكلمت تانى معايا او عنى فى اى مشاركة هرد عليك رد هيزعلك جدا وانا لا يهمنى منتدى ولا غيره ماشى يا عم الدبلوم انت روح اعرف الاول البطارية بتتركب ازاى وابقى تعالى كلمنى سلام |
#19
|
||||
|
||||
رد: أستاذنا الباشمهندس سمير عياد- سؤال فى بن 51 كتاوت مارش
ولعلمك انا عارف وفاهم الكتاوت اللى عامله فى الموضوع ده فعلا بتاع المارش بس ماينفعش أتكلم وأخويا الكبير وأستاذى سمير عياد هو اللى المفروض يرد مش اى حد تانى حتى لو بقاله سبعميت سنة بيشتغل فى الكهربة ، وكلنا بنتعلم حتى بالكوبى والبصت من تدخل فيما لا يعنيه سمع مالا يرضيه بس انا زعلان منك يا أخ الإيطالى علشان الرد
وياريت نعرف مكان حضرتك فين لأن عندى شوية شغل فى العربية |
#20
|
|||
|
|||
رد: أستاذنا الباشمهندس سمير عياد- سؤال فى بن 51 كتاوت مارش
موضوع أن الموضوع موجه للمهندس سمير
مش معناه إن مافيش حد يرد غيره أنا وضعت حلول والمهندس سمير قام بالرد هوه يختاراللى يناسبه من الردود والموضوع أساس هذا العبث ليس علاقه بهذا الموضوع وإنما فيه موضوع ثانى إسمه إستشاره فى بطاريه جافه عموما وصلنا لقله الأدب والسفاله مش مجرد جدال كده الموضوع خلص وخساره الواحد يرد على أى إستفسار طالما فى النهايه هانوصل لقله الأدب والسفاله من الجهلاء وأعتقد إنه عيل صغير كمان عموما حضرتك هوه كان طالب من المهندس سمير رد فى موضوع من يوم 29-4-2012 والمهندس سمير لم يقم بالرد عليه حتى يوم 14-5-2012 أكيد المهندس سمير عنده ظروف أو كان لا يدخل على الموقع وأنا قمت بالرد عليه يوم 14 أو 15 على ما الباشمنهدس سمير يرد عليه والمندس سمير رد بعدى وقال كلام نفس اللى أنا قولته فى الأخر خلاص كفايه علشان خساره فيه الكلام ومنتظر الردود بتاعته اللى كلها قله أدب وسفاله علشان دى بتكون من تربيته |
|
|