الحمد لله إشتريت لانسر بومة 2007 وهذه تجربتى

[Devill Blood]

المشاركة الأصلية كتبت بواسطة dr_youssifomar الا حضرتك اشتريتها بكام انا محتار ما بين لانسر وياريس اوتوماتك

طيب أنا هاقول لك هو بسبب إنها ماشية كتير وإنها تعتبر أول فئة يعنى بدون جنوط ولا سبويلر ولكن بها آيرباج وإتوماتيك والله خلصتها بالعافية على 63 ألف لكن دى حالة نادرة أوى لأن بالسعر ده بتبقى عملة حادثة ولا حاجة إنها عمرى ما كنت هاجيبها لولا أنى عرفت إنها مرشوشة إكصدامين وباب فقط بعد فحص الدهان بجهاز خاص مكنتش جبتها ولعلمك أنا ناوى أغيرها كمان سنة ولا حاجة هو العربية ممتازة وكل حاجة لكن والله هاتجنن هى 1300 سى سى ولقيت الأخوة هنا بيقولو كلام غريب يعنى أى العربية 1600 سىى سى وإستهلاكها فى الصفيحة 320 كيلو وكمان إتوماتيك ده أنا 1300 والصفيحة بتعمل 150 وأنت طالع بشوى,صحيح إننا بنكون حوالى 5 وتكييف نصف الطريق لكن فرق جامد أوى من 1600 إلى 1300 كمان
بس حضرتك شوف أنت بقى لما عربية تكون عاملة 100 ألف كيلو والحمد لله إلى الأن لا تحتاج إلى مسمار وبعدين الياريس يها بعض المشاكل أولا صاج ضعيف ثانية صالون ضيق جدا جدا وثالثا عدادت غبية فى النصف وغير كده أظن أن الياريس لا تصنع فى اليابان

[hazem_khidr]

الف الف مبروك يا ديفيل علي العربيه
ربنا يديك خيرها و يحميك من شرها يا رب
بالنسبه للصيانات اهم حاجه زيت الموتور و الفتيس و الفلاتر و السيور و عندك مركز خدمه معتمد في ميت عساس علي طريق المحله و شغلهم نضيف

الياريس يها بعض المشاكل

زي ايه؟؟

أولا صاج ضعيف

صاج الياريس زيه زي اي عربيه جديده لا ضعيف اوي ولا قوي اوي

ثانية صالون ضيق جدا جدا

عن تجربه صالون الياريس اوسع من عربيات كتير في فئات اعلي منها زي اللانسر و الكورولا
جرب كده اركب تلاته ورا في ياريس و في كورولا او لانسر و قولي ايه رأيك؟!!

وثالثا عدادت غبية فى النصف

دا ستايل العربيه و التصميم دا ايطالي بحت نزل في اللانشيا واي سنه 94 و مش غبي ولا حاجه بالعكس انت بتابع منه جميع العدادات عادي جدا

غير كده أظن أن الياريس لا تصنع فى اليابان

الياريس 100% ياباني من اول ما نزلت لحد موديل السنادي

[medo akef]

اولا الف الف مبروك و ربنا يديك خيرها و يكفيك شرها
عن الabs فهو ليه لمبه هو كمان لما العربيه تيجي تدور بس حضرتك معندكشي لانه مش بينزل الا في ال1.6 اسبورت و السام بس
عموما اصلا عزم الموتور عندنا معقول و مش بيعمل جهد علي الفرامل فعشان كدا هي قويه جدا بسم الله ما شاء الله
عن الصيانه في مراكز زي العدوي و الدلتا دول اشهر اثنين لكن عن نفسي معملتش الا ال1000 و ال5000 في التوكيل بس لكن بعد كدا يعمل الي انا عوزه بره البومه عربيه مشهورها جدا و في ناس بتشتغل فيها يعرفو عنها اكثر من مهندسين الصيانه
رئيي تروح عند هشام عفشه لو تسمع عنه هو افضل واحد عندنا و اظن حضرتك مش هتحتاج ميكانيكا الا كل فتره طويله بس عموما ابقا اسأله علي ميكانيكي كويس و هو هيبصيك ليه النظاف لهم بيعملو شغل لبعض(دي نصيحه انا لا هشام ولا بعمل عنده اصلا يعني مش دعايا)

[Devill Blood]

المشاركة الأصلية كتبت بواسطة hazem_khidr الف الف مبروك يا ديفيل علي العربيه ربنا يديك خيرها و يحميك من شرها يا رب بالنسبه للصيانات اهم حاجه زيت الموتور و الفتيس و الفلاتر و السيور و عندك مركز خدمه معتمد في ميت عساس علي طريق المحله و شغلهم نضيف زي ايه؟؟ صاج الياريس زيه زي اي عربيه جديده لا ضعيف اوي ولا قوي اوي عن تجربه صالون الياريس اوسع من عربيات كتير في فئات اعلي منها زي اللانسر و الكورولا جرب كده اركب تلاته ورا في ياريس و في كورولا او لانسر و قولي ايه رأيك؟!! دا ستايل العربيه و التصميم دا ايطالي بحت نزل في اللانشيا واي سنه 94 و مش غبي ولا حاجه بالعكس انت بتابع منه جميع العدادات عادي جدا الياريس 100% ياباني من اول ما نزلت لحد موديل السنادي

لا ياعم أنا مقدرش عليك من هنا لبكره الصبح أنا بستسلم

[Devill Blood]

المشاركة الأصلية كتبت بواسطة medo akef اولا الف الف مبروك و ربنا يديك خيرها و يكفيك شرها عن الabs فهو ليه لمبه هو كمان لما العربيه تيجي تدور بس حضرتك معندكشي لانه مش بينزل الا في ال1.6 اسبورت و السام بس عموما اصلا عزم الموتور عندنا معقول و مش بيعمل جهد علي الفرامل فعشان كدا هي قويه جدا بسم الله ما شاء الله عن الصيانه في مراكز زي العدوي و الدلتا دول اشهر اثنين لكن عن نفسي معملتش الا ال1000 و ال5000 في التوكيل بس لكن بعد كدا يعمل الي انا عوزه بره البومه عربيه مشهورها جدا و في ناس بتشتغل فيها يعرفو عنها اكثر من مهندسين الصيانه رئيي تروح عند هشام عفشه لو تسمع عنه هو افضل واحد عندنا و اظن حضرتك مش هتحتاج ميكانيكا الا كل فتره طويله بس عموما ابقا اسأله علي ميكانيكي كويس و هو هيبصيك ليه النظاف لهم بيعملو شغل لبعض(دي نصيحه انا لا هشام ولا بعمل عنده اصلا يعني مش دعايا)

هو أنا يعنى هاكدبك لكن سؤال أنت عندك لانسر صح طيب بجيب قطع الغيار منين فى المنصورة أقدر ألاقى قطع غيار أصلية طيب اللى مش أصلى كويس ولا لا لأنى عايز تيل فرامل