محتار بين فيات 128 و بلونيز

[MOSTAFA SALLAM]

يا راجل 128 ايه و بتاع ايه اتوكل على الله و هات بولونيز عربية شديدة و قضيت فيها افضل ايام حياتى و للعلم انا دلوقتى معايا لوجان و طبعا انت عارف اللوجان واسعة ازاى عاوز اقولك ان وسع اللوجان ميجيش جنب البولونيز حاجة .
دة غير صاج البولونيز اللى غبى فحت .
غير العفشتها اللى عاملة زى عفشة الدبابة .
غير قطع غيارها اللى ببلاش و عند البقال .
البولونيز تكسب فى كل حاجة بس يا رب تلاقى عربية حالتها ممتازة .

[مهند سالم]

البولونيز طبعا أقوى وأوسع لكن شكلها غير محبب لكثير من الناس، فبيحبوا ال128 عشان شكلها أحلى وبصراحة مش لاقي سبب تاني وإن كان ال128 قطع غيارها متوفرة أكثر، لكن البولونيز برده قطع غيارها موجودة ورخيصة، يمكن عشان البولونيز موتورها أنشف.
عموما من ناحية العملية والقوة لا مقارنة. ال128 ضعيفة في كل شيء وضيقة وقطع غيارها غير معمرة وحب الناس ليها من وجهة نظري غير مبرر.
وإن كان في سمكري مرة قال لي البولونيز بتربي صدا عند الكارتيرات، بصراحة ما سمعتش الكلام ده من حد تاني ومش عارف مدى صحته، لكن المسألة برده مسألة محافظة وعدم إهمال وهو ده المهم. وربنا يوفقك

[ehabxp10]

ابعد ياخى عن البلونيز خالص جوزة قضا مش هتعرف تبيعها تانى وهترخص جدا وقت ماتيجى تبيع
اشترى 28 احسن ولو انتها ضعيفه بس ممكن تبيعها تانى او ممكن تزود 4 الاف وتجيب ريجاتا احسن من الاتنين ده طبعا مع ان البلونيز شديده جدا

بس انا جبتها ب 12 موديل 89 وبعد ماخربتها وصرفت عليها 6000
بعتها ب
8000 جنيه رغم انها كانت فبريكة جوه كانت عاوزة بس عمرة ماتور ومش هتتكلف كتير

[dr_eslam_66]

بص أنا معاك في إني الريجاتا أحسن من الإتنين بس بردو ال 128 مش أحسن من البلونيز وكمان ماتنساش إنها أصلا مستعملة وقديمة فحت فا هوا مش هيشتريها جديدة ياعني علشان يخسر فيها.
عموما ريجاتا شاهين 128 بلونيز بولوعفريت حتى المهم الحالة.
وتقبل تحياتي

[ahmed_elmagree]

المشاركة الأصلية كتبت بواسطة ehabxp10 ابعد ياخى عن البلونيز خالص جوزة قضا مش هتعرف تبيعها تانى وهترخص جدا وقت ماتيجى تبيع اشترى 28 احسن ولو انتها ضعيفه بس ممكن تبيعها تانى او ممكن تزود 4 الاف وتجيب ريجاتا احسن من الاتنين ده طبعا مع ان البلونيز شديده جدا

3moman ana elklam dh mo4 mwaf32 3leh 5ales w 3n tgroba 34an ana sa3et lma 2olt 3ayz abe3 aktr mn wa7ed atsl w kan gay 34an y3ayn anma ana ele 7sltle zrof 5ltne mynf34 abe3ha anma hya wla t2ela f elbe3 wla 7aga

المشاركة الأصلية كتبت بواسطة ehabxp10 بس انا جبتها ب 12 موديل 89 وبعد ماخربتها وصرفت عليها 6000 بعتها ب 8000 جنيه رغم انها كانت فبريكة جوه كانت عاوزة بس عمرة ماتور ومش هتتكلف كتير

anta 2sdk en enta b3t el polonez b 8000 le lo 2sdk 3la keda yb2a ad7k 3lek 34an ana lya wa7ed sa7be kan m3ah polo 88 w b3d m3ml beha 7dsa w sl7ha ba3ha b 13 alf