|
|||||||
| مقارنات لمساعدة الأعضاء فى المفاضلة بين الأنواع المختلفة من السيارات |
 |
|
|
أدوات الموضوع |
|
|||||||
| مقارنات لمساعدة الأعضاء فى المفاضلة بين الأنواع المختلفة من السيارات |
|
|
|
أدوات الموضوع |
|
#16
01-08-2010, 03:09 PM
|
||||
|
||||
رد: مطلوب مساعدتكم شباب مصر محتار بين كم عربية وعندى كم سؤال
أنا بصراحة عجبانى الفيرنا جدا كشكل وأداء, وال i10 برضه عربية جميلة جدا بس أنا شايف أنها والبيكانتو ناعمين زيادة عن اللزوم يعنى بنات وكده.
اللوجان عربية شبابية وعالية عن الأرض وكماليتها حلوة وعجبانى أوى برضه, مشكلتها قطع الغيار تعتبر نادرة وسعرها غالى حبتين, بس عربية جميلة جدا. اللانوس غريمة الفيرنا الأبدية, لو هتجيب جديد أبعد عنها وخليك فى الفيرنا أحسن علشان الجديد تقفيله سئ وناس كتير بتشتكى من العربية, غير ده هى تقريبا زى الفيرنا فى كل حاجة ماعدا الموتور, موتور أضعف بس أستهلاك بنزين أقل شوية. السبارك دى أنا مش عارف فكرت فيها أزاى أصلا. ممكن تحاول تخرج من الفئة دى خالص وتجيب من الأخر وتقسط مازدا 3 أو لانسر 1600 أو تويوتا كورولا أو سيراتو ودى تبقى نقلة لعالم تانى. بس أنا بصراحة وعن رأيى وأراء الفيرناوية أرشحلك الفيرنا, عربية موتور وكماليات وشكل وقطع غيار وصيانة, وأنتشارها يدل على نجاحها, عربية تمنها فيها بجد, وبتستحمل سفر وعجن للصبح. والمقارنات والريفيوهات مالية المنتدى, شوف أستخدامك وأمكانياتك أيه ومتجيبش غير الحاجة اللى أنت مرتاح لها ومقتنع بيها والأراء بتختلف من شخص لشخص, ممكن عربية تعجبك ومتعجبنيش.
__________________
|
|
#17
01-08-2010, 06:44 PM
|
|||
|
|||
|
رد: مطلوب مساعدتكم شباب مصر محتار بين كم عربية وعندى كم سؤال
بشكرك للمرة المليون وعارف انى تاعبك اوى معايا والله
بس دا آخر حاجة هكتبهالك بحيث مزهقكش دلوقتى انا عاوز حاجة قليلة اوى فى البنزين وكمان انا سفرى مش كتير انا فى المحلة وهروح الكلية فى المنصورة يعنى نص ساعة رايح ونص ساعة جاى ومش كل يوم هروح بيها كمان ومشى فى البلد عادى جداً يعنى انا لا بتاع فرعنة ولا طلوع امريكانى ولا كدا وبالتالى الللانسر غالية اوى عليا كذلك الكرولا والمازدا الفيرنا صراحة مش مستريح لها حالياً خد بالك انى بدور على الاقل سعراً لإن حالتى المادية مش تسمح بأكتر من كدا فعشان كدا بفكر فى الفئة المينى ولما سألت هنا فى المحلة كلو شاور لى على الآ تن الرينو انت بتقول ماكينة 1600 يعنى سحب بنزين عالى مع العلم ان دخلى مع مثلاً تقسيط او كدا هيبقى صعب امون كتير وبالتالى عاوز حاجة قليلة اوى فى البنزين بشكل نهائى بردو اتوكل على ربى وربك وآخد الآى تن ؟ هل تنصحنى بالإنتظار كم اسبوع او حتى كم شهر لكى نرى المواصفات الجديدة التى ستنزل فى 2 اغسطس ؟
|
|
#18
01-08-2010, 07:00 PM
|
||||
|
||||
|
رد: مطلوب مساعدتكم شباب مصر محتار بين كم عربية وعندى كم سؤال
لو عايز تنتظر أنتظر, لو الفضول مخليك عايزتشوف أيه الجديد بس مظنش هينزلوا تغييرات جذرية.
أنا كنت بقولك أهم حاجة أنك تكون مرتاح للعربية وعجباك, من وجهة نظرى الفيرنا أحسن واحدة يمكن علشان أنا بحب الجرى والشكل الرياضى, بس طالما حاطط عينك على ال i10 وعجباك ودى أهم حاجة, توكل على الله . ال i10 زى ما أنت وصفت بالظبط, عربية صغيرة وأقتصادية ورخيصة ومع شوية تظبيط خفيف هتبقى جميلة جدا, ونص ساعة ياراجل متعتبرش سفر. ومع الأستعمال النضيف للعربية هتفضل معاك فترة طويلة بحالة كويسة جدا. وبكرر تانى أهم حاجة أنك تكون مستريح للعربية وعاجباك مهما كانت. ويارب أشوفك جايبها وفرحان بيها فى القريب العاجل. وبعدين لاشكر ولاحاجة, أحنا بندخل نفيد ونستفيد, ولازهق ولا حاجة, المهم بس تبقى مطمن والعربية عاجباك, وبرضه أقرا الريفيوهات بتاعتها فى المنتدى.
__________________
|
|
#19
01-08-2010, 08:34 PM
|
|||
|
|||
|
رد: مطلوب مساعدتكم شباب مصر محتار بين كم عربية وعندى كم سؤال
تسلم يابرنس ربنا يخليك
انت كفيت ووفيت والله وان شاء الله هستنى اسبوع ولاحاجة نشوف الجديد ايه ولو اشتريتها هحطلكم صور ان شاء الله اتمنى من مشرف القسم إغـلاق الموضوع للإنتهاء
|
|
|
|
.
