مشكله مش فاهمها في دايرة التبريد

[aly_722000]

اخى الفاضل سؤال على الماشى الثيرموستات الحرارة اللى بيفتح عندها كام وجبته منين وبكام لان الثيرموستات كان نازل الاول 89 او 88 وتم تعديله من قبل الشركة الى 83 وده جيد بالنسبه للاجواء فى مصر

[melkhayat83]

المشاركة الأصلية كتبت بواسطة aly_722000 اخى الفاضل سؤال على الماشى الثيرموستات الحرارة اللى بيفتح عندها كام وجبته منين وبكام لان الثيرموستات كان نازل الاول 89 او 88 وتم تعديله من قبل الشركة الى 83 وده جيد بالنسبه للاجواء فى مصر

انا جبت الأصلي من التوفيقيه من عند اسحق اسكندر ب 110 وجبت حساس الحراره ب 150 اصلي برده بس بصراحه مش عارف الثرموثتات بتفتح علي كام بالظبط بس هو في الرينج بتاع ال 80 انا جبت نفس الرقم الي في الكاتلوج وبصراحه جربتها امبارح طول الطريق الصحراوي الحراره ثابته ي حدود 88 تقريبا

[aly_722000]

طيب ما هو الاصلى 88 وده بيكون مكتوب عليه حفر بس تعديل الشركة اللى هو اصلى برضه 83 وده افضل للاجواء لانه هيبدأ يفتح عند 83 ولما يوصل ل90 يكون فتح بالكامل على عكس 88 بتبقى فتحته لسه قليله وبيفتح كامل عند 100 وهو الثيرموستات لوحده والا بالكوعة

[melkhayat83]

المشاركة الأصلية كتبت بواسطة aly_722000 طيب ما هو الاصلى 88 وده بيكون مكتوب عليه حفر بس تعديل الشركة اللى هو اصلى برضه 83 وده افضل للاجواء لانه هيبدأ يفتح عند 83 ولما يوصل ل90 يكون فتح بالكامل على عكس 88 بتبقى فتحته لسه قليله وبيفتح كامل عند 100 وهو الثيرموستات لوحده والا بالكوعة

بصراحه ما أخدتش بالي بس انا هاقولك علي الي بيحصل بالظبط الصبح وانت تحدد بقي
العربيه بتسخن الصبح في حوالي 10 دقايق وانا ماشي طبعا بتوصل تقريبا ل 88 او 89 وبعدين الاقي الحرارة نزلت مره واحد تقريبا ل 80 كده بعرف انه فتح خلاص وبعدين تطلع تاني ل 88 وتفضل ثابته عليها شويه وبعدين 90 وتفضل ثابته علي كده طول مانا في زحمه ولو ربنا كرمني وجريت شويه بتنزل ل 88 وتثبت علي كده

الثرموثتات لوحده رقم 5 في الصورة دي بيجي معاه ال gasket وبيترطب علاطول من غير سيليكون
وهاقولك علي حاجة كمان اني روحت لواحد تاني غير اسحاق اسكندر اسأل عليها قبل ماشتريها قالي دي بتتباع بالكوعه علي بعضها ب 450 جنيه يعني لو مش فاهم ايه الدنيا كان ممكن يتنصب عليا عادي

[amir elgamal]

المشاركة الأصلية كتبت بواسطة melkhayat83 غيرت الثرموثتات امبارح والمفاجئه بالنسبه ليا اني لما فكيت القديمه لقيتها مجوفه من جوه يعني كانت متشاله اساسا المهم ركبت الجديده وحطيت الميه والدنيا ظبطت دلوقتي الحراره بقت ثابته لما بجري بس لسه موضوع المروحه الي بتفضل شغاله الي مجنني ان الموضوع ده مش بيحصل بكثره غير وقت الظهر والدنيا حر اليومين دول انما باليل نادرا اما يحصل

مبروك لحل المشكله