ارشيف الاستراحة 2011

[M.TONSY]

المشاركة الأصلية كتبت بواسطة د.هبه77 يبقي انت فضلت تكون كالاسفنجة ومين قالك ان السلفيين والاخوان مش مفروض عليهم يعاملو المسيحيين كويس دة بالعكس بقي مفروض يعاملوهم كويس وجدا كمان كل حاجه ممكن بس السؤال هل لو ممكن تبقي رمادي انت شايف ان دة صح ولا ده هروب ولا ده جبن واللي حواليك هيقولو عليك اية هتهتم بكلامهم ؟ ولا ملكش الا رايك وبس؟

مش معنى ان الواحد يبقى متسامح ومحب للناس جميعا دون التفرقة بين دينهم او لونهم او ثقافتهم او انتمائتهم دون التعصب لاى جانب انه يبقى رمادى المفروض ان دى تبقى الفطرة البشرية السليمة ومن يحيد عنها يعتبر شواذ القاعدة
ولو ده معناه انى هبقى اسفنجة انا موافق وطظ فى الناس لان الناس عمرها ما بيعجبها حد وطالما الواحد شايف انه صح دون التعدى على حرية الاخرين او مخالفة شرع الله فطزين كمان فيمن يعارض

[AbOnOrA]

الموضوع يحتمل وجوه متعددة

اولاً عن عائشة رضى الله عنها عن رسول الله صلى الله علية وسلم { الأَرْوَاحُ جُنُودٌ مُجَنَّدَةٌ فَمَا تَعَارَفَ مِنْهَا ائْتَلَفَ وَمَا تَنَاكَرَ مِنْهَا اخْتَلَف } صحيح البخارى

فبداية الاختلاف والتنافر والتناكر من السنن الكونية الثابتة فى خلقة ومنشئها اختلاف الطبائع والاهواء والضمائر والاحوال

ومهما المدنية طورت من ادوات التخاطب والتعبير وادبياته لن يتعطل قانون الطبيعة
فنظرية المجتمع الاسنفجى لا يمكن تستقيم واقعياً ابداً

لكن الاهم ان سنن ربنا دايما لحكمة اسمى واهم واكمل رغم ما يبدو فى ظاهرها من نقصان
فالاختلاف بين البشر يحقق تكامل الامم والمجتمعات
الجسم الواحد فيه تباين واختلاف بين اصابع اليد الواحدة وكلها تكمل بعضها البعض
والمجتمع اللى فيه ناس عايزة تشمى جمب الحيطة ممكن يكونو منتجين ومسالمين وممكن يبقو حزب الكنبة
واللى انجب ثوار مثيرى قلاقل وفوضى ممكن يكونو مبدعين ورواد تحديث وتطوير
المهم اللى يسعى لتحقيق التكامل من الاختلاف مش غلبة راى على التانى او سيطرة فريق على اخر
فعلى مستوى المجتمع كله او على مستوى العنصرين الاساسين راجل وست او اى عناصر او نظائر اخرى فى المجتمع ممكن التكامل بينها والتداول للوصول للافضل

طبعاً ديه نظرة عامة على فكرة حضرتك لكن من حيث التطبيق فى التعامل مع الناس والتعبير عن الاراء فديه زى ما حضرتك قولتى سمات شخصية بتختلف حسب طبيعة وخبرات كل واحد
واكيد قد من الدبلوماسية ( مش الاسنفجية ) مهم لكل واحد حسب ظروف متفاوتة
واكيد كل واحد عنده ثوابت ممكن ميقدرش يكون ديبلوماسى فيها

[غريبو99]

اساس الموضوع دة التربية من الصغر
هو اللى بيحدد هوية الشخص
فما ان احنا فى مصر معندناش تربية من الصغر
فبالتالى معندناش هوية
وشكرا

[AHMEDCAR]

بالظبط كده زى ما العنوان بيقول جمعيه الولاء و الامل مش الوفاء و الامل

بالتالى انا كلمت التليفون اللى موجود فى الاعلان على الفيس بس للاسف اللينك بتاعها مش لاقيه عندى


المهم انا كلمتهم و اكتشفت انها جمعية للاطفال المعاقين و اللى محتاجينه فعلا هو اكل للاطفال اسمه( هيروبيبى) حاجه عامله زى الجاربر كده

و عنوان الجمعيه 38 شارع عبد الله ابن طاهر متفرع من ابو داوود الظاهرى من مكرم عبيد مدينه نصر

و ان شاء الله ناوى اروح بكره و اشوف الحياه هناك على الطبيعه

[غريبو99]

ربنا يكرمك