نظره على الأحداث

[akefpop]

المشاركة الأصلية كتبت بواسطة MmFFoR في شباب هنا مش عارف شغالين ايه يا ريت عاكف بوب akefpop يقولنا هو شغال ايه بدافع الفضول مش اكتر

اولا انا بشتغل ايه دى حاجه متخصكش
هتفرق معاك ايه لو بشتغل بواب عماره ولا سواق تاكسى ولا دكتور فجامعه المهم انى مواطن مصرى وبس وده كفايه جدا ولا هو حضرتك عايز تقسم الناس لمواطنين درجه اولى من حقهم يتكلموا فالسياسه ويحددوا مستقبل البلد ومواطنين درجه تانيه مش من حقهم اى حاجه !!!
البهوات اللى قافلين التحريرالنهارده فاكرين نفسهم احتكروا الوطنيه وان صوتهم هو الوحيد المعبر عن الثوره ... لا يا اساتذه مصر فيها وطنيين كتير غيركم من حقهم انهم يعبروا عن رايهم بكل حريه
المصيبه ان النهارده كل واحد عايز يبان بطل وثورجى على حساب الشعب المصرى ويدعى ان ليه الفضل فى قيام الثوره .. لا يا ساده لا احد له الفضل فى قيام الثوره لا البرادعى ولا الاخوان ولا 6 ابريل ولا غيرهم .. الثوره دى ثورة الشعب المصرى كله من اصغر طفل اتولد يوم 25 لاكبر شيخ كان راقد فمستشفى يومها .. الاغلبيه الصامته دى او زى ما البعض بيحب يسميها حزب الكنبه هى اللى نجحت الثوره اكتر من اللى كانوا قاعدين فالتحرير ومش معنى ان اى واحد كان قاعد قدام بيته بيحميه وقت الثورة ومقدرش ينزل التحرير وكان بيحمى بيتك واهلك وانت قاعد فالميدان انك تيجى النهارده وتقوله انت منزلتش الميدان يبقى مش من حقك انك تتكلم ولا تشارك فاى حاجه لان الشخص ده لو كان ليه راى تانى مختلف عنك ونزل الشارع يعبر عنه كان زمان مبارك موجود لحد دلوقتى وكان زمانا كلنا النهارده مشرفين فالسجون
يعنى البهوات اللى قافلين التحرير النهارده فاكرين نفسهم ان الثوره دى بتاعتهم وان من حقهم هم وبس اللى ياخدوا القرارات عشان كده بتسمع مصطلحات عجيبه اللى يقولك القرار من الميدان وناس توزع بيانات على ال 10000 بنى ادم اللى موجودين فالتحرير على ان هم بس الثوار وعايزين يعملوا انتخابات ما بينهم عشان يختاروا الحكومه وينتخبوا مجلس رئاسى وفاكرين نفسهم معاهم ختم الوطنيه .. اللى يعجبهم يبقى ثورجى ووطنى ومن الاحرار حتى ولو كان قبل كده بيسبح بحمد النظام ... واللى مش عاجبهم يبقى عميل وفلول ومن النظام السابق
وعلى رأى المثل بكره نقعد جمب الحيطه ونسمع الزيطه

[akefpop]

المشاركة الأصلية كتبت بواسطة lost2008 متضامن مع حضرتك فى السؤال, و احب اقول كلمة لاشباه الرجال الى ضد الثوار فى الميدان, ورونا صوتكو و انزلو اعترضو لو تقدرو.

معلش بقا اصل انا فلول ولجنه اليكترونيه ومن ابناء المخلوع .. الله يخليك لو نسيت حاجه تانيه ابقى فكرنى
ربنا يباركلك انت فالبرادعى بتاعك .. بس متنساش ساعة الانتخابات تاخد مهدئ اعصاب معاك

[akefpop]

الثوارعايزين عداله بس هم خلاص حكموا بالاعدام !! الثوارعايزين دولة قانون بس محدش من الثوار يتحاكم !!
الثوارعايزين ديموقراطيه بس الى يعارض يبقى فلول ولجنه اليكترونيه !!
الثوارعايزين هيبة الدوله بس نلوى دراعها بالمليونيات و الاعتصامات.. عايزين نكون دوله عندها ثقافه سياسيه و الشعب كلة من ساعة الثوره بيفتى !!
احنا بنحب الجيش بس المجلس الى هو مش جيش بنكرهه و كمان مطلعينه خاين !!
عايزين الامن يرجع الشارع بس الضابط اللى هيحاول يقبض على اى حد هيضرب واى ضابط بعد كده المفروض يسمع شتيمته بودنه ويسكت ويحط وشه فالارض !!
عمالين نصرخ على الانفلات الامنى بس القسم اللى هيتحجز فيه مواطن هنحرقه واى عربية امن مركزى هتقف قدام اى منشاه عشان تحميها هنولع فيها وفالجنود اللى جواها اللى هم المفروض مصريين زينا !!
وزارة الداخليه قالت ان الشرطه فى خدمة الشعب عشان كده هنحدفها بالطوب والمولوتوف ونقف قدام الباب بتاعها ونقلع اللباس ونشخ عليه وبعد كده يطلع المثقفين والاعلاميين يستغربوا هو الانفلات الامنى جاى منين ؟؟؟؟؟؟؟؟؟؟؟؟؟؟؟؟؟؟؟؟؟؟

[akefpop]

ازاى الحال بقااااااااااااااا

http://www.youtube.com/watch?v=09Tf9vnj3Dk

[abu_ruqayyah]

الدولار يتخطى حاجز 6 جنيهات لأول مرة منذ 6 سنوات
الثلاثاء، 22 نوفمبر 2011 - 12:16

الدولار – صورة ارشيفية
كتبت سماح لبيب

قال محمد الأبيض، رئيس شعبة الصرافة بالاتحاد العام للغرف التجارية، إن أسعار الدولار كسرت حاجز الـ 6 جنيهات لأول مرة منذ 6 سنوات ليصل إلى 600.2 قرش، إضافة إلى ندرة المعروض منه مقارنة بالطلب عليه، قائلا إن البنوك أعلنت اليوم لجميع شركات الصرافة عن عدم وجود ما يكفى من الدولار لإتاحته فى الأسواق، لافتا إلى أن أسعار الدولار ارتفعت عن الأسبوع الماضى بما يعادل الـ 1%.

وأشار الأبيض فى تصريح لـ"اليوم السابع" إلى أننا ندخل فى مؤشرات خطيرة جدا فى ظل رفع المطالب السياسية من مختلف القوى دون النظر لانحدار الحالة الاقتصادية وعدم كفاية الاحتياطى النقدى إلا لثلاثة أشهر فقط، وأنه حان الوقت لإنقاذ ما لدينا من الكفاية النقدية من خلال تكثيف المطالب بالمعونات الخارجية، إضافة إلى الناتج المحلى كعامل مساعد.

وأضاف أن أسعار اليورو وصلت إلى 8.11 جنيه للشراء و8.14 جنيه للبيع، كما بلغ سعر الريال السعودى 159.25 جنيه للشراء و160 جنيها للبيع.




,ولسة ربنا يسترها