ارشيف احداث عام 2009

[كومندا]

مهوا هما دول يابو نوره اللى شربوا من نيلها ... الدنيا كلها كانت عامله تخفيضات جامده على اسعار السياره لدرجة انى سمعت ان فى شركه بتقول اشترى عربيه وخد التانيه هديه واحنا هنا بيزودوا الاسعار علينا ويقول اصل الدولار مش عارف ايه ويطلع 3 نصبين فى العاشره مساء يقول اللى الناس متعرفوش بقا ان العربيات هتزيد اكتر كمان من الاول شغال استهبال وسرقه وحرق دم وولاء الحكومه الاول لرجال الاعمال اللى كلهم بقوا وزراء ومسكين مناصب مهمه
بلد بنت تتتتتتتتتتتتتتتتتتتتتتتتت تتتتتتتتتت وحسبيى الله ونعم الوكيل

[Dr/Mohammed]

فعلا بلد بنت تيييييييييييت

[mr/medo]

المشاركة الأصلية كتبت بواسطة AboNoRa اولا من قال ان الخلاف على النقاب ؟؟ ولا الناس متضايقة علشان النقاب وبس هو لو كان واحد تانى قال ولا عمل كده مكانش هيبقى خبر اساساً لان اضطهاد المنتقبات والملتزمات فى كل حتة كل يوم وبقى عادى لكن المفزع والموجع ان يكون ده اسلوب الداعية الاكبر والرمز والقدوة ومن هو احد اكابر علماء الازهر حتى ان لم يكن الامام طب بلاش علشان منزلة العلم الربانى التى لا تعلوها منزلة وبلاش علشان منزلة الازهر وفضل امامتة خليها علشان انه موظف فى حكومة مدنية ده اسلوب بنى ادم يا اخى ده لو كان مبيض محاره كان اسلوبة هيبقى ارقى من كده المصيبة فى الفعل المنكر والاسلوب الفظ خاصة ان جاء من شيخ عالم جليل وله مكانه هامة فى المجتمع وصدقونى لو حد فيكم مكان ابو البنت ديه قليل ان مكانش ضربة بالبلغة على سوء ادبه قبل اى شىء يانهار اسود انا ابعت بنتى منتقبة يقوم ايا كان يقلعها نقابها وينهرها بالشكل ده ويهينها قدام الدنيا كلها ينعل ابو التعليم يا اخى اذا كان كده لا يا جماعة ديه كده ام الفوضى لما الحقوق والحرمات تنهك بالفظاظة ديه ومن حد فى المكانة ديه يبقى شهيده الحجاب فى اوربا كانت عادى جدا يحصلها كده اذا كان ده تصرف عالم ربانى مع فتاه مسلمة انا بقى مش عايز اتكلم الا فى الاسلوب والتصرف واحنا مسلمين لا عندنا كهانة ولا عصمة وكل يأخذ منة ويرد وكل يقدح ويجرح ودينا فى علم بس اسمة علم الرجال والثقات وعلم الجرح والتعديل ولا ديه كمان لازم هنتكتم عليها ونحط فى بقنا جزم ونتكلم على النقاب فرض ولا سنة ونسيب الطامة الكبرى لكن انا هرد سريعاً على بعض التضاربات الواضحة فى حوار الاخوة اللى اتكلمو عن النقاب تحديداً اولا لازم نفرق بين كون النقاب فرض واجب ام سنة ام عادة فالقول بانة عاده ابتداع لم يسمع به الا حديثاً لكن الخلاف الفقهى كان بين من يقول انه واجب ملزم او انه سنة ومكرمة والاجماع على انه سنة ومكرمة ولا يشترط الوجوب الا من خشية الفتنة فليه عمالين نجادل فى انه فرض ولازم يا اخى انا مقتنع بالنقاب واحترم كل المنتقبات لكن زوجتى مش منتقبة وابنتى مش هخليها تنتقب الا لو هما حبو ده مش همنعهم برضو اى انسان متحضر المفروض ميهاجمش النقاب بالعدوانية ديه ويتعامل معاه على انه حرية شخصية وزى ما فيه حدود للحرية الشخصية فيه حدود للانفلات او التطرف كمان موضوع النقاب فى المعاملات الرسمية ده محسوم من زمان ومفهوم ان اى سيده منتقبة يجوز انها تكشف عن وجهها فى التعاملات الرسمية خاصة لو فيه ست تتولى الشكف عنها وان تعزر تكشفة لرجل لان الغرض من النقاب ليس المنع على الاطلاق كما هو مفهوم فى الحج مثلا فياريت الناس تفهم ان النقاب مش لازم يكون تزمت وتعنت كما يشاع واخيرا الناس اللى بتدافع عن التدخل الحكومى فى النقاب ليه مبتطالبش تدخل حكومى فى التعرى برضو ليه مفيش عندنا حملات منظمة من الحكومة زى ما فى دول عربية تشجع الشباب على الاخلاق والفضائل ليه ميقدرش اى ممثل حكومى يتعرض او ينهر واحدة مبالغة فى الانفلات فى اى حته طبعا ميقدرش والا المنظمات الحقوقية والهيمنة الامريكية هتقصف رقبتة لكن يتجرؤن على المنتقبات ! حسبى الله ونعم الوكيل

المشاركة الأصلية كتبت بواسطة AboNoRa يعنى ايه يا بايو الجملة ديه معلش انا مش بتكلم بشكل شخصى بس عايز اعبر عن رفضى للمبداء نفسة يعنى واحدة عايزة تعتزل الدنيا وقاعدة فى بيتها هتلبس نقاب ليه اساساً ما هى قاعدة فى البيت !! وليه متنفعش تكون مدرسة او موظفة او حتى بياعة خضار فى الشارع ليه ؟ ما هى حره مش عايزة تبين وشها هى حره يمكن عندها برص ولا تشنجات بتخليها تغمز للناس يمكن وشها محروق يمكن جميلة ومش عايز تكون فتنة انت مالك هى لو موظفة ولا بياعة خضار حتى ليك عندها ايه غير مصلحتك تاخدها وتمشى واحدة منتقبة اضطرت تخرج من بيتها تقضى حاجة ولا تزور اهلها ولا حتى اضطرتها الظروف للعمل عايزين تقعدوها فى البيت ليه طيب بلاش ممكن حد يجاوبنى على السؤال ده نفترض ان شيخ الازهر صح ميه فى المية وكلامه قبس من الهداية والاصلاح وانا بقى راجل ماشى على المذهب الهندوفمتواسلامى (اى حاجة مش مهم المهم ان المذهب ده يقضى بشهادة ان لا اله الا الله وان محمد رسول الله وبنقيم الفرائض وكل شىء بس احنا مقتنعين بوجوب (شوف بقول وجوب مش انه سنة ومكرمة ) بوجوب النقاب هو مذهبى كده اعتقادى كده دماغى كده هتكفرنى علشان مقتنع بوجوب النقاب هتهجرنى من البلد هتجبرنى انى اخلع النقاب عن اهلى ده انت لو عملت حاجة من دول تبقى خرجت عن الدين والعرف والقانون كمان يااخى ده العالم بينادى بحرية المثليين وهنا محدش يقدر يرفع عينة فى واحدة رقاصة حتى يقولها انتى رقاصة واطية بالعكس بيقولو احنا بنأدى رسالة ومهنتنا زى الطب وبتروح تحج عادى وتعمل موائد رحمن فيه ايه يا جماعة هى الدنيا اتقلب حالها للدرجة دى ؟

السبب يا استاذ وائل هو فوبيا او ارتكاريا الوهابيه .
للاسف ان الازهر انسحب تماما من الساحه الدينية واهتم بحاجات تانيه كتير غير الاسلام او المسلمين او الدعوة وترك الساحه مرتع لتيارات زى الوهابيه والشيعه والقرآنيين وغيرهم وغيرهم -- بغص النظر عن الاتفاق او الاختلاف مع التيارات دى -- .
وطبعا كل دا نتيجة تدخل الدولة فى كل كبيرة او صغيره فى شئون الازهر لدرجه ان فى شيوخ بقيوا بيشتغلوا مع الامن وبياخدوا تعليماتهم من الامن ، ويا ويلك يا سواد ليلك لو قلت حاجه غلط .
وطبعا فى حاجات كتير بتبين الكلام دا يعنى اى حاجه عايزها الدوله بتلاقى فى متطوعين ازهريين بيدافعوا عنها وباستماته يعنى على سبيل المثال الختان ورفع سن الزواج وغيرهم وغيرهم .

[mr/medo]

لو سمحتوا يا جماعه عايزين نعمل نقطة نظام فى الموضوع . الموضوع مش معمول علشان نناقش قضية النقاب او الحجاب لكن الموضوع معمول علشان نناقش تصرف شيخ الازهر فى حد ذاته وانه ازاى يجبر فتاه على خلع نقابها وانه ينهرها بالطرية السيئه دى .

فرجاء لا تاخذوا الموضوع فى منحى مختلف وتخرجونا عن القضية الاساسية .

وشكرا

[mr/medo]

المشاركة الأصلية كتبت بواسطة Dr. Bolbolan لآخر مره سأعيد كلامى بطريقة أخرى ! طبعآ الخبر مفاجأه للناس ونزل على رؤوسهم كالصاعقه ! ولكنى لم أفاجىء لآنى أعرف هذه المعلومه من زماااااان وأكيد برده بتوع الصحف عارفينها من زمان ولما جت الفرصه لم يتوانوا عن نشرها ! ولذلك أيضا سهل على تصديقها أكثر من تكذيبها ! قلت وأكرر أن النائب العام من حقه منع النشر فى الحالات اللى زى دى أو تكذيب الخبر حتى لاتحصل بلبله بين الناس ! وحتى لا تسوء سمعتنا بالخارج ! يعنى ممكن تتطبخ ببساطه ! على فكره الجريده نشرت أسماء ثلاثه نور وأبوالنجا والوزير ! ( مش الوزير اياه برده ) ! نور الشريف أول فيلم عمله اسمه ( السراب ) و الآخير ( ليلة البيبى دول ) والبدايه مثل النهايه بس دلوقت أصبح أكثر نضوجآ وأكثر بجاحه ! أخيرآ لى زميل فى العمل ولا أقول صديق ! له أخ توفاه الله كان مشهورآ ويعمل بالوسط الفنى وحكى لى حكايات عن كل ( وأكرر ) كل الفنانين والفنانات الآحياء منهم والآموات يشيب لها الكتاكيت قبل الولدان ! و مدعمه بوقائع وصور ! وعندكم كتاب ( اعتماد خورشيد ) علشان تعرفوا ايه همه الفنانين وتداخل الفن مع السياسه ! لذلك أنا لا مندهش ولا مهتم ولا بأشهر بأحد ولن أكتب فى هذا الموضوع ثانية ! وانا لمنتظرون ! مع يقينى ان حتى لو الكلام ده طلع صحيح فسيتم التغطية عليه لآن فيه احتمال تنكشف شخصيات أخرى ! على رأى ياسر عرفات شاء من شاء وأبى من أبى ! Dr. Bolbolan

حضرتك جيبت الخلاصة يا دكتور .