رابطه ( قول معاك كام و انا اقولك تجيب ايه بفلوسك )

[YahiaAshraf]

المشاركة الأصلية كتبت بواسطة r_elsewedy الف شكر يا كبير واسف علي التاخير في الرد لظروف السفر طيب اية رايك في حاجة تكون كسر زيرو مستعملة زي هوندا او تويوتا كورولا

عندك سكودا اوكتافيا فانتازيا موديل 2009 - 2010

عندك فولكس باسات موديل 2009
فولكس تيجوان موديل 2009
مرسيدس b150 موديل 2007
هوندا سيفيك 2010

تحياتى

[YahiaAshraf]

المشاركة الأصلية كتبت بواسطة علي حسين علي استاذ يحي انا قدامي عربيتين واحه فيات بونتو94 والتانيه سيات ابيزا 94 اي واحده احسن من حيث كل شئ

راى خليك فى الفيات بونتو

شكلها افخم من السيات ابيزا 94
من بره و من جوه
حتى التابلوه



تحياتى

[YahiaAshraf]

المشاركة الأصلية كتبت بواسطة I-H عاوز اشترى عربيه فى حدود 70 الف ايه رايك فى' زوتى Xplosion II" عربيه كويسه ولا ايه ؟ تعيش معايا على فكره انا اول مره اجيب عربيه عجبنى شكل الزوتى دى اوى لو العربيه مش كويسه فى ايه عربيات تانى كويسه فى حدود 70 الف ------------- اهم حاجه بس تكون قطع الغيار سعرها كويس مش غالى ------------ الف شكر ليك على الموضوع ده

الاكسبلوجن عربيه ممتازه
خصوصا الشكل الجديد
تحفه بجد
عيب العربيه انها ضيقه شويه
و رفيعه و عاليه فى نفس الوقت
و بالتالى ممكن على السرعات العاليه متكونش ثابته

لو بنفس السعر زيرو

عندك الرينو لوجان فول اوبشنز مانوال
بروتون ساجا فول اوبشنز مانوال
تحياتى

[YahiaAshraf]

المشاركة الأصلية كتبت بواسطة mohammed.albary ياريت ياباشا من خلال خبرتك تسعر لي برتون جين 2 موديل ( 2006 - 2007 ) مانوال واتوماتيك , وياريت لو توضحلي الفرق بين الموديلين لاني انا سمعت عن مشاكل كتير كانت في موديل 2006 واتعالجت من بداية موديل 2007 .

موديل 2006 مانوال هيعمل 55 الف جنيه مصرى
2006 اوتوماتيك
هتعمل 58 - 59 الف جنيه مصرى

*****************

موديل 2007 هيعمل 59 الف جنيه مصرى
و الاوتوماتيك
هيعمل فى حدود 63 - 64 الف جنيه مصرى


************************* ******
بالنسبه لاستفسار حضرتك الفنى عن مشاكل موديل 2006
ياريت حضرتك تدخل قسم البروتون و تسال ملاك السياره و هما هيفيدوك باذن الله

تحياتى

[YahiaAshraf]

المشاركة الأصلية كتبت بواسطة ksnag انا محتار بين بروتون بروسونا وبين اسبرانزا تيجو ايهما افضل ياريت حد يفيدنى

فى راى البروتون بيرسونا عربيه تحفه بمعنى الكلمه

خامات تابلوه افخم بكتيييييييير من التيجو
تقفيل ممتااااااااااز عن التيجو
موتور انجليزى قوى
فى المجمل عربيه ممتازه

ميزة التيجو انها منتشره عن البيرسونا
و قطع غيارها متوفره اكتر من البيرسونا

قطع غيار البرسونا موجوده بس فى اماكن معينه


التيجو ميزتها انها عاليه عن الارض

لكن من جوه خامات تابلوه مش د كده
و كمان لو واحد طوله 183 سم
و جه يقعد ورا مش هيعرف مرتاح
العربيتين سعر اعادة بيعهم بيقل شويه

لو مش هيفرق معاك قصة الانتشار و قطع الغيار
يبقى توكل على الله على البيرسونا

طبعا فى النهايه القرار قرارك


تحياتى