ارشيف الاستراحة 2011

[hazem_khidr]

متشكرييييييييين جداااااااا
بصراحه مش عارف اقولكم ايه علي التحيه الجميله
بجد بتحرجوني بذوقكم و اخلاقكم يا احلي اخوات في الدنيا



سامح باشا اعتقد ان شاديه كانت لابسه الشال الاخضر دا علشان ليبيا
ولا انت ليك رأي تاني في الموضوع دا

المشاركة الأصلية كتبت بواسطة hazem_khidr الف شكر ليك يا استاذ وليد علي الترحيب و علي الكلام الجميل دا و فعلا ما محبه الا بعد عداوه و آسف لو كنت ضايقتك في يوم من الايام و اتمني فعلا لقائك قريبا

زعلان منك جدا جدا لاءنك مشيت من غير حتى سلام ولا كلام ولا كاءنك تعرفنى !!!؟؟؟؟
السبب ايه ما اعرفش لاكن عموما براحتك !!
: 12C025~123:

[memodina1]

المشاركة الأصلية كتبت بواسطة mido_00750 كلام جميل وكلام معقول مقدرش اقول حاجة عنه مش حتكلم عن نفسى اقولك انا مش بسعى ، لان انت عارف انا اما سعيت ايه الحصل ومفيش داعى نتكلم فى مواضيع قديمة ، ومتقوليش انك لو نزلت جامعة حكومية وسألت على مناطق التهييس اللى فيها بتجمع الشباب والبنات وده كتير ، وقفت ونديت على خمسة وقولتهم انا عندى شغل ليكم حيقولك لا معلش انا بنحب التهييس . الشباب عمل مناطق فى الجامعات الحكومية عشان فقد الامل فى الجواز ( وعلى فكرة فى منطقة فى احدى الجامعات اسمها تل ابيب للحبيبية ) لو وفى واحد مش بيسعى وغواى هلس ، يبقى فى مليون واحد حاول فشل . وانت اكيد عارف ان الحرام اسهل من الحلال بكتير ، وانا قبحمد ربنا انى مش زيهم ، يعنى انا مش معهم . بس للأسف ده واقع العضو اللى انا بحترمه لما قال ان الفطار ممكن يكون ب 10 جنية و الغداء يكون ب 10 جنية والعشاء ممكن يكون 10 جنية ، محدش قدر يقوله 10 جنية حتألك ايه اساسا . يا اعضاء المنتدى الكرام ونحسبها بالورقة والقلم وعايز حد من الاعضاء المتزوجين ، ياخد المدام وينزل فى منطقته ( مش بقاله روح كارفور يعنى ) وانزل جيب اكل للشهر كله من مرتبك اللى ب 1000 أو 1200 جنية ، ومش عايز اعرف جاب ايه البتفصيل بس يقول مش على انى خطة من دول : 1 - لحوم وفراخ ودواجن وخضار وارز . 2- أرز وخضار ( مرقة دجاج اللى بتضحكوا بيها على الفقراء ) . 3- فول بيتدمس فى البيت ( مع العلم ان كيلو الفول فى منطقيتى يترواحى ما بين 12 : 15 جنية . عايز رد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟ ( مشى على انى نظام ) مع العلم انه عنده نور وغاز ومياة وايجار شقة ( ياريت يقولى البائى كام دلو فيه بقاى عشان اجيب واحدة بيريل ) والنبى محدش يقول على قد لحافك مد رجليك ( عشان الجيل ده لحافه بقى قد كيس المخدة )

صديقى اولا انا مقولتش انى 10 جنية هتاكل حاجة انا بقولك انى حتى لو اكلت ب 10 جنية فى كل وجبة يعنى 30 جنية برضة هيبقى اكبر من المرتب يعنى بقول اننا مظلومين مش عارفين ناكل حتى ب 10 جنية
تانى حاجة بقى هههههههه تل ابيب توجد فى جامعة عين شمس كلية اداب قسم عبرى هههههه
مكان مسخرة انا قعدت فى عين شمس 6 سنوات بدرس حقوق من ازبل الاماكن اللى ممكن تشوف فيها بنات وشباب
وللمرة التالتة بقولك جبت كل اللى فى نفسى هه الناس تقولك عيش باى حاجة كل مش عارف انى الكلام سهل والفعل صعب ولا تنسى اخى انى مفيش بنت فى الزمن دا بتستحمل زى بنات زمان اللى هما امهاتنا خلاص كل عاوز الرفاهية صدقنى انا بشوف دا ادام عينى لاكتر من عشرين خطوبة لاهلى واصدقائى خلص الكلام

[فادى]

: balloons71:
أخييييرا,
عودة وحش المنتديات مرة اخرى.

حازم باشا حمدالله على السلامة.

[Eng/salwa]

السلام عليكم و رحمة الله و بركاته
اخوتى و اخوانى وابنائى اعضاء مصر موتورز المحترمين عَن عبد الله بن مَسْعُود رَضِي الله عَنهُ قَالَ قَالَ رَسُول الله صلى الله عَلَيْهِ وَسلم يَا معشر الشَّبَاب من اسْتَطَاعَ مِنْكُم الْبَاءَة فليتزوج فَإِنَّهُ أَغضّ لِلْبَصَرِ وَأحْصن لِلْفَرجِ وَمن لم يسْتَطع فَعَلَيهِ بِالصَّوْمِ فَإِنَّهُ لَهُ وَجَاء
رَوَاهُ البُخَارِيّ وَمُسلم

وَعن عبد الله بن عمر رَضِي الله عَنهُ أَن رَسُول الله صلى الله عَلَيْهِ وَسلم قَالَ الدُّنْيَا مَتَاع وَمن خير متاعها امْرَأَة تعين زَوجهَا على الْآخِرَة مِسْكين مِسْكين رجل لَا امْرَأَة لَهُ مسكينة مسكينة امْرَأَة لَا زوج لَهَا

يعنى يا جماعة كلنا متفقين على حكم الزواج
ولكن عاوزة اقولكم بصراحة انا مشفقة على الشباب المقدمين على الزواج و هذا ليس لانى اولادى شباب مثلهم و هيمروا بالموقف ده و هكون زعلانه لو ابنى احب بنت الحلال و لم يستطيع الزواج منها
وعاوزة اوصى البنات و اهلهم شوية ان يشفقوا على الشباب و لا يغالوا فى المهور و الطلبات و رفقا بالشباب
فى هذا الزمان و هذه الظروف
و يا جماعة لازم شوية تنازلات من الطرفين علشان ربنا يبارك لكم و تبدأوا حياة مباركة و رحلة هيكون فيها الحلو
و المر و يارب يسعد شبابنا و بناتنا جميعا يا رب
عاوزة اكلمكم عن تجربتى انا شخصيا سألت زوجى و احنا واقفين امام محل الصاغة اختار فى حدود كام حتى لا احرجك امام اهلى و اهلك و الله والله هذا ما حدث
ولو الطرفين ربنا اوجد التفاهم و الحب بينهم وبدأوا الحياه
من مبدأ (لا تكن لينا فتعصر أو جامدا فتكسر)
صدقونى يا جماعة (صدق النوايا) مهم جدا فى الحياة الزوجية و فى كل شئ بصراحة
وَعَن أبي الدَّرْدَاء عَن النَّبِي صلى الله عَلَيْهِ وَسلم قَالَ الدُّنْيَا ملعونة مَلْعُون مَا فِيهَا إِلَّا مَا ابْتغِي بِهِ وَجه الله تَعَالَى

يعنى إنوى من الآن ان تتزوج ابتغاء مرضاة الله سبحانه و تعالى وان شاء الله هتشوف ازاى ربنا هيسر لك

و على فكرة بقة انا اعرف بنات عائلات محترمة جدا
وتعليم وجمال و اهل البنت مستعدين يساعدوا الشاب كمان
بس يكون شاب محترم متعلم مكافح و بيعمل اللى عليه وما يعوقه هو ضيق ذات اليد
يعنى يا جماعة يا شباب يا اولادى الدنيا لسة بخير وفيه جمعيات خيرية كمان بتعمل قروض زواج للتيسير على الشباب

للابن العزيز المكتئب المتشائم ( لا تحزن )
لان ربنا سبحانه و تعالى يقول ( و فى السماء رزقكم و ماتوعدون )
يا رب اصلح حال اولادنا جميعا و بناتنا ( مسلمين و مسيحين ) و كل من يرجو الحلال اللهم يسر له اللهم يسر له يا رب

الحياة الزوجية دى طريق طويل و لازم يبدأ بالتعاون و الاحترام بين الطرفين
صدقونى انا بقولكم و بعد زواج دام بحمد الله 21 سنة
يزداد اقتناعى كل يوم بزوجى و اختيارى و هو كذلك و الحمد لله احساسة نفس الاحساس بل يزداد وهذا بفضل ربى
مش لازم شبكة كاملة (كفاية دبلة ) علشان الاسعار الحالية للذهب
مش لازم فرح فى قاعة كبيرة ( خليها زفة حلوة بالصورو الفيديو للذكرى و خلاص )

بلاش فستان غالى دى ليلة ولا يلبس تانى ( ايجار فستان و كان الله بالسر عليم )
نساعد بعض فى الفرش و الاجهزة و ربنا يكرمنا و نبقى نجدد قدام شوية
الشقة هى العقبة الكبرى و مش لازم فى الاول تمليك

خلينا نكون متفائلين شوية و المعادلة الصعبة نيسرها و (ومن يتق الله يجعل له مخرجا و يرزقه من حيث لا يحتسب )

احنا بدأنا يا جماعة بداية بسيطة و الحمد لله ربنا كرمنا آخر كرم و لا زلنا خير ربنا و ستره كبير المهم القناعة
و الرضا بالمقسوم

انا آسفة جدا جدا انى طولت عليكم بس انا كنت زعلانه
قوى على أولادى و بناتى المكتئبين دول من الحالة الاقتصادية و عدم استطاعتهم الزواج
اللهم يسر لهم يا رب يا رب يا رب يا رب
وَعَن عبد الرَّحْمَن بن عَوْف رَضِي الله عَنهُ قَالَ قَالَ رَسُول الله صلى الله عَلَيْهِ وَسلم إِذا صلت الْمَرْأَة خمسها وصامت شهرها وحفظت فرجهَا وأطاعت زَوجهَا
قيل لَهَا ادخلي الْجنَّة من أَي أَبْوَاب الْجنَّة شِئْت