ضبط «نائب سلفي» في وضع مخل بالآداب داخل سيارته مع فتاة بالقليوبية

[AbOnOrA]

المشاركة الأصلية كتبت بواسطة كيمو كار بعيد عن الموضوع انا شايف ان فى ناس فرحانه جدآ ان فى داعى اسلامى اتمسك فى قضية مخله للاداب .. وفى ناس كمان هههههه بتضحك وبتبين تشفيها فيه .. وشايف تعليقات سخرية قبل التأكد من صحه الخبر وكانها مصدقت انها تمسك شىء على داعى اسلامى . مش عارف فى الأول كانت الحرب من الثوار على الجيش المصرى واتقال صراحه من الثوار احنا عاوزين نسقط الجيش المصرى علشان الثورة تنجح ... وبعدين اتخذ الثوار هجومها على علماء الدين وابتدت تتبع ثغراتهم .. على فكره الثورة فشلت وكانت لازم تفشل ادام فكر الثوار بالشكل ده وشفيق اينجح والنظام القديم حيرجع تانى وبجد عن قناعه ولاول مره احس بيها انا نفسى شفيق ينجح علشان انتم متستهلوش الا شفيف وحسنى مبارك والنظام القديم .

يااااااااراجل

بقى هما الثوار السبب فى الفضايح ديه يعنى
احنا اللى قبضنا على اخينا اللى ماشى من غير رخصة وواقف فى وضع شبهه على لااقل وبيتسخدم حصانته فى اتفه الاسباب
(ده بحسن الظن )

ولا عايزنا علشان نبقى حلوين نطبل ونهلل ونكبر ونقول عليه داعية اسلامى كمان

يا اخى لا تزكو على الله احداً

اما ما للناس فهو حتى الان غلطان

غلطان على الاقل انه ماشى من غير رخصة وبيستخدم حصانته بالظبط زى اللى كانو قبله وثورنا عليهم ومكانوش متأسلمين ولنفس الاسباب

مش معنى انك نائب انك تبقى فوق القانون او تحس ان الشرطة النظامية دول كلاب وعايزين الضرب
اى حد فينا لو فى الموقف ده كان يقدر يتعامل بكل ذوق واحترام ويفرض شخصيته (ده لو كان وضعة سليم ) ومتوصلش لبوس الدماغ

بنت خالتى معايا فيها ايه اروح واعمل محضر فى القسم واتهمهم كمان بالاسائه لى لو ده حصل ده لو بنى ادم عادى

لو عايز يستخدم حصانة لصالح الناس برضو كان يروح معاهم ويعمل محضر ضدهم ويثبت حالة قدام الدنيا ويخلصنا من عناصر فاسدة فى الشرطة او قليلى الادب

لكن تبوس راسهم وتمشى تروح البت والعربيه وكان محصلش حاجة ولما تلاقى الفضيحة على النت تقوم عامل خطبة فى الجامع تبراء نفسك وتحكى حوارات لا تليق ببيت ربنا يبقى ديه اسائه للدين قبل السياسة والبرلمان كمان

على فكره حادثة البلكيمى برضو ليست ببعيدة وطلع كذاب وياما فيه كذابين بس مع هول الفضيحة كان موقف الحزب يحترم لانه اعترف بيها وتبراء منها

فانا نفسى اللى عايز يدافع عن دينة بدل ما يخش يدافع عنه فى صورة شخص يخش ينتصر للدين نفسه على اى اشخاص او صفات

انا كمسلم لو صليت بنفر جماعة عندى فى البيت بحس بالمسئولية فمابالك بواحد يأم الناس فى الصلاة وبيقدم نفسه على انه داعية وزاد وغطى انه دخل فى السياسة وليس لها فيها ناقة ولا جمل
عمال تحمل نفسك فى ثقات ومسئوليات يبقى لازم تلتزم بسمت اهل الثقة والعلم والمكانة
مش استلف عربيه صاحبى اقضيها وارجعهاله وكام امين ولا ظابط يثبتونى بليل ويتعمل حوار اكيد مش قليل والم الدور واروح من غير ما اقول لحد

احنا بس شعب عاطفى وفيه ناس بيختلط معاها العاطفة والالتزام الدينى فمبيديش نفسه حتى فرصة حقيقيه يفكر ويعقلها ولما يتكلم لا ينتصر الا للدين مش لشخص او حالة

والموضوع مش شماته ده يقين
لان العقل والمنطق بيقول ان اى حد فينا مهما بلغ سمو اخلاقه والتزامة هيبقى فى فتنة عظيمة لو فى مكانة
والواقع والتجارب بما اننا عايشين فى مصر برضو مش فى الصين فهتلاقينا نعرف سلفيين واسلاميين ونعرف متأسلمين ومنافقين وشوفنا من ده وده

الثورة على فكره مفشلتش بالعكس احنا ماشيين بخطى ثابته وبنتعلم من كل اللى بنشوفه واستفدنا كتير من سقوط الاقنعة اللى حاصل دلوقتى لكل من زايد وادعى علينا وسرق ثورتنا

احنا بنكسب صدقنى كل يوم وانتو كل يوم بتخسرو من رصيدكم
بس ايا كانت المكاسب والخسائر انتو ارتضيتو تضاربو باسم الدين فى بورصة السياسة
فاكيد بعد المكاسب هتبقى فيه خسائر
وانا وغيرى كتير منتمناش للتيار الوطنى ده الخسارة
بالعكس عايزين نقوى بيكم ونبنى مع بعض اللى ميتبنيش غير بايد كل الوطنين
وسبقنا بالخير دائما ومبنشوفش منكم غير الندالة او الفضايح
ماذا تفعل لو كنت مكانى
اهوه بندعى ربنا يهدى

[silverlite]

البنت قالت ده هيتجوزني وهو قال انها بنت اخته

لا تعليق

[AbOnOrA]

لاء كل ده مقرى بين السطور من الاول بس الاهم والجديد هو موقف بين قوسين (قيادات سلفية) اللى بيمهد ويقول انه منتسب لحزب النور

انا مش عارف بصراحة ايه حكاية الانتساب ديه ولا ايه معناها

مااحنا عارفين ان الحزب طلع بين يوم وليلة وكان بيلملم مرشحين واى حد ضارب دقن حتى لو مبقالهاش كتير ومعاه قرشين كان بيروح ينزلوة على اسمهم
طب ديه مشكلتى انا ولا مشكلتك انت كحزب انتهازى

عموماً الكلام عن حزب النور معايا يطول وعندى ما يثبت كلامى بالوقائع والاسماء مش سيديها زى بتاعه مرتضى انا بس عايز نخلينا فى واقعه اخينا ده الاول لما نشوف اخره الحوارات ايه

[samirayad]

المشاركة الأصلية كتبت بواسطة silverlite البنت قالت ده هيتجوزني وهو قال انها بنت اخته لا تعليق

وإيه ياعنى لما تكون على حجره

طبيعى تبقى على حجره

مش خالها وبيفوقها .........؟

[mohammed fathi]

لا حول ولا قوة الا بالله العلى العظيم