المشاركة الأصلية كتبت بواسطة خالدخليفة
وعلى فكرة انا لاحظت ان مسألة السرعة دى فى ردود الناس معظمها عملية نفسية لاثبات نوع من التفوق بغض النظر عن قدرات وامكانيات عربيته ولذلك هتلاقى نادرا واحد لما يقوللك انا كملت الطريق كله بنفس السرعة تقريبا وده شىء مش صح ولذلك انا بستغرب على نفسى مبحبش السباقات لكن بجرى ولو واحد حاول يسابقنى بوسع له لكن احيانا طبعا شوشو يضحك عليا بسبب واحد متهور لكن اعجب واحد بجد ضحكنى واحد معاه سيات 133 القديمة خالص دى و دى معروف ان سرعتها لو زادت عن 90 ولمدة بسيطة ممكن تحر ق الموتور طيب انا معايا نيسان صنى 2008 وده مصر يسابقنى ولما وسعتله علشان يعدى فضل يجرى وانا لما بسوق 100 ممكن انام فبزود شوية وده مصر يجرى ورايا اخر م زهقت اخدت رقم العربية وروحت جارى160 لمدة نص ساعة وقعدت على قهوة وطلبت شاى وانا براقب الطريق لحد مظهر صاحبنا كملت كوباية الشاى بسرعة وحاسبت وجريت لحقته وروحت ماشى جنبه مش بعدى اسبقه ولاسايبه يسبقنى واضرب بعينى الاقى شاب لذيذ كده وقاعد ورا الدركسيون ودايس جااااامد ومتشعبط فى الدركسيون وغالبا شويه شويه هينط يجرى ادام العربية وعمال يكافح وعصبى طبعا مشيت جنبه 5 دقايق وبعدين قلت ياواد متستفزوش احسن يعمل حادثة وذنبه يبقى ف رقبتك روحت سايبه وماشى وده يدل على قلة الفكر لان مرة قابلنى واحد معاه جيب شيروكى ولما شافنى بجرى جرى ورايا وحصلنى وادانى كلاكسات وهديت السرعة وفتحت الزجاج وسالته فى حاجة فقال لا بس الدنيا ليل والجو متاخر وتعال نجرى ورا بعض فقلتله اسف رحم الله امرىء عرف قدر نفسه (صدق رسول الله) قدرة موتورك اعلى يبقى هنتسابق ازاى وسبته ومشيت
|
ههههههههه جامد اوي صاحبك بتاع السيات ده بجد تحفه,, بس هيا الفكره برضو يا باشا ان العمر مش بعزقه خصوصا ان بعد الشر عن الكل الواحد شاف حاجات قدام عينو تشيب بسبب السرعه الزياده فهي بتبقي طالبه في اوقات والطريق بيحكمك فبتشدلك شويه كده تفوق بيهم نفسك وموتور عربيتك وتفتحو حبتين ومرات بتبقي عايز تجرب عربيه وتعرف أخرها ايه زي الكابريس بس لما وصلت 240 مكدبش عليك اترعبت كانت عين عالامبير وعين عالطريق خايف حد يقطع عليا الطريق او الاقي منحني خصوصا ان الطريق ضيق وبين جبال بس الحمد لله ربنا ستر بس بصراحه مش ندمان التجربه تستاهل