|
نادى المبدعين كل ما يخص اعضاء المنتدى من ابداعات ادبيه او فنيه و كذلك عرض قراءات اﻷعضاء من الكتب المختلفة بشرط ان تكون الموضوعات خاصه باعضاء المنتدى لا منقوله |
|
أدوات الموضوع |
#151
|
||||
|
||||
رد: حلقات (جريمة كل يوم) ألغاز بوليسيه مسلسلة
لنا عودة بإذن الله
|
#152
|
|||
|
|||
رد: حلقات (جريمة كل يوم) ألغاز بوليسيه مسلسلة
|
#153
|
|||
|
|||
رد: حلقات (جريمة كل يوم) ألغاز بوليسيه مسلسلة
هذا ما تم اخى العزيز
|
#154
|
||||
|
||||
رد: حلقات (جريمة كل يوم) ألغاز بوليسيه مسلسلة
الحلقة 27 ---------- إختطاف مشمش --------------------------- بهيرة هانم سيدة أنتيكة من زمن قديم دخلت على النقيب جوهر وهى تبكى : - إلحقنى يا حضرة الظابط مشمش حبيبى إتخطف - ومين مشمش حضرتك - نور عينى وروح قلبى - طب الموضوع حصل إزاى - أنا خرجت للسوبر ماركت مكملتش نص ساعة رجعت لاقيته موش موجود وباب الشقة مفتوح - عمره كام حضرتك؟ - سنتين ونص - يمكن سبتى الباب مفتوح وخرج - لأ لأ طب والعشر تلاف جنيه اللى إختفوا كمان ؟ - يبقى كده قصدك إن حد دخل للسرقة وخطفه - تمام كده أنا ميهمنيش الفلوس المهم مشمش يرجع لى - ومشمش ده حفيد حضرتك - أغلى من كده بكتير - طب معاكى صورة ليه - طبعا طبعا وأخرجت له صورة من حقيبة يدها ما أن تناولها جوهر حتى إحتقن وجهه فما كان مشمش سوى قط !!! تمالك غضبه : - إنتى عايشه لوحدك ياهانم - أيوة - محدش بيتردد عليكى؟ - سيده الشغالة وساعات هند بنت أخويا - فيه بواب للعمارة - الواد سعدون وده مبيسبش العمارة لحظة وبعد جمع التحريات اللازمة إنحصرت الشبهات فى الثلاثة بالإضافة لفنى الدش الذى دخل العمارة فى توقيت خروج بهيرة هانم منها ! وبسؤال سعدون قال: - أنا سعادتك مسبتش العمارة دقيقة والست الهانم نزلت ورجعت بعد نص ساعة وطلعت معاها الطلبات وكان باب الشقة مفتوح - مين دخل العمارة ؟ - سكان فى العمارة وسعيد بتاع الدوش واتنين هوانم شفتهم كذا مرة بيطلعوا زيارات للسكان والبت سيدة الشغالة - يعنى مسبتش مكانك خالص - ابدا سعادتك ولا ثانية - طب الجماعة اللى طلعوا العمارة مين منهم نزل قبل ما الهانم ترجع ؟ - بتاع الدش وواحدة من الهوانم اللى كانوا فى زيارة وسيدة الشغالة - شفت عليهم حاجة غريبة أو حد كان شايل حاجة معاه - لا سعادتك - طب قولى مين طلع الأول ومين نزل الأول؟ - شوف سعادتك الأول البت سيدة وبعدين ست هانم وبعدها ست هانم وبعدين سعيد بتاع الدش بعدين نزل ولد صغير و نزلت سيدة وبعدها واحدة من الهوانم وبعدين سعيد إستدعى سعيد وكان شابا فى أواخر العشرينات يبدو بسيطا ومفعما بالحيوية وملامحه هادئة وبسؤال فنى الدش قال: - أنا روحت السطح أظبط دش المهندس كريم وخلصت الشغلانة فى حوالى ربع ساعة بعدين عديت عليه لاقيته موش موجود نزلت مشيت - وأنت طالع أو نازل شفت باب بهيرة هانم مفتوح ولا مقفول ؟ - مشفتش بيبان مفتوحة سعادتك - ولا قابلت حد على السلم ؟ - ولد صغير كان شايل كورة نازل وست كانت قدامى على السلم ودخلت شقة وست تانية كانت بتخبط على باب - بس سعدون شافك نازل بكيس مكنش معاك وانت طالع للعمارة - محصلش وهوه كداب وحضرت مدام هند سيدة أنيقة ترتدى ملابس فاخرة بمكياج صارخ وبارفان وحلى راقية وبسؤال هند : - حضرتك أنا متعودة أزور عمتى كل فترة لأنها ست كبيرة ومالهاش حد وفعلا زرتها فى اليوم ده وملقتهاش فنزلت - مشكتيش فى أن ممكن تكون جوة وحاجة حصلت لها - لا - إنتظرتى كتير على الباب ؟ - حوالى خمس دقايق - شفتى مين على السلم وإنتى طالعة وإنتى نازلة - مشفتش حد غير واحدة ست كانت نازلة على السلم - مسألتيش البواب عنها وإنتى نازلة - لا لأنى كنت ح أرجع عليها بالليل بعد ما أكلمها بالتليفون - سعدون قال إنه شاف معاكى شنطة يد وكيس وإنتى نازالة - مكنش معايا غير شنطة إيدى جاءت سيدة الخادمة بملابس بسيطة وهى سيدة فى منتصف العمر عفيّة البنية وبدت عفويّة الطباع وبسؤال سيدة: - أنا أيامى مع الست تلاته وده مكنش يومى بس جيت لشقة منى هانم اللى فوق الست عشان كانت طالبة منى أجيلها التلت أيام التانيين وملقتهاش فنزلت على طول - شفتى مين على السلم ؟ - ولد صغير كان نازل بيلعب بكورة وبعدين طلعت هانم لفوق ووراها راجل - سعدون قال إنك نزلتى بكيسه مكنتش معاكى وإنتى طالعة - هوه البعيد إتعمى ف عينه !! أنا مكنش معايا غير شنطة صغيرة فى إيدى بلغت الحيرة بالنقيب جوهر مداها فالأربعة لا تبدو عليهم علامات إرتباك أو كذب وبعد التأكد من أقوالهم تبين صدقها وإتفاقها فى سياقها وتوقيتها المفاجأة بعد أن عاين الشقة المملوءة بالأنتيكات والتحف والأثاث الكلاسيكى العتيق تفوح منها رائحة العطر وجد أن القط بمنور العمارة ميتا ووضح أن أحدهم ألقى به من شرفة الحمام وسرق النقود وهرب كانت بهيرة هانم متأكده من أنها أغلقت الباب قبل أن تغادر للسوبر ماركت وعندما عادت كان مفتوحا ! راجع جوهر الأحداث بدقة فسعدون لم يترك باب العمارة لأنه روى ما حدث مطابقا لأقوال المتهمين وسعيد يبدو صادقا لأنه بالفعل أصلح الدش وهند سيدة راقية جذابة ترتدى ثياب فاخرة وسيدة تبين صدقها فى روايتها لكنه تبين الحقيقة ثم إبتسم وقد عرف الجانى!!!!!!!!!!!!! إلى اللقاء فى حلقة جديدة |
#155
|
|||
|
|||
رد: حلقات (جريمة كل يوم) ألغاز بوليسيه مسلسلة
وحضرت مدام هند سيدة أنيقة ترتدى ملابس فاخرة بمكياج صارخ وبارفان وحلى راقية.......
المفاجأة بعد أن عاين الشقة المملوءة بالأنتيكات والتحف والأثاث الكلاسيكى العتيق تفوح منها رائحة العطر...... ووووبس |
|
|