صيانة اكسيل مانيوال 1500 cc

[waelsalah]

الميكانيكي بيقول ان معنى لما بتدوس ع الدبرياج الصوت يروح تبقي البليه سليمه
وانه لو العكس يعنى لو دوست ع الدبرياج الصوت بيجي تبقي البليه خشنه والعيب منها
وان صوت ( هى هى هى هى هى ) لما بسيب رجلى من ع البنزين ده عيب الفتيس ويفضل تغييره
الغريب ان الاصوات دى قلت كتييييييييييييييييير لكن مازالت موجوده
وربنا يباركلك يا بشمهندس سمير وجزاكم الله خيرا

[samirayad]

الغريب ان الاصوات دى قلت كتييييييييييييييييير لكن مازالت موجوده

نصبر برضه لنهاية التليين وتغيير الزيت والفلتر

[waelsalah]

السلام عليكم
ازيك يا بشمهندس سمير يارب تكون بخير علطول
انا مشيت بالعربيه حوالى 240 كم وباذن الله يوم السبت هروح اغير الزيت والفلتر
1-- 240 كم اغلبهم سفر عملوا 22 لتر بنزين هل طبيعي ولا مبيبانش دلوقتى ؟
2-- الزيت النهارده لقيته ناقص حوالى نص سم عن مقاسه ( اتصلت بالميكانيكي وقالى ده طبيعي لان كارتيرة الزيت كانت محلوله وفاضيه ويمكن يكون وقع زيت منى )
انا لاحظت يا بشمهندس ان الحمد لله مفيش تسريب عندى ( ما تفسير نقصان الزيت ( زيت بترومين ابيض )
3-- فى دخان ابيض فى الشكمان خصوصا وهى بارده ؟ هل ده طبيعي ولافى مشكله
4-- وانا ع الطريق السريع لاحظت انى لما بكون على سرعة 90 او 100 فيما فوق انا مشيت مثلا على 110 للحظات
لقيت الدركسيون بيترج وبيرتعش ورعشه فى الدواسه بس مش جامده ؟ ده ايه ؟ وحله ايه ؟
الحمد لله العربيه كانت ثابته ومبتعومش او تحدف؟ لكن رعشه فوق سرعه 90
5-- (( لسه خشونة التروس وصوت الوجوجه وصوت هى هى هى هى لما بتسيب بنزين موجود )) هل مشاكل الدبرياج والفتيس تزيد الحمل ع المكنه وتتعبها ام لا .
اسف للاطاله ومستني توضيح حضرتك نقطه نقطه وكلى آذان صاغيه
ولكم جزيل الشكر والامتنان

[waelsalah]

المشاركة الأصلية كتبت بواسطة waelsalah السلام عليكم ازيك يا بشمهندس سمير يارب تكون بخير علطول انا مشيت بالعربيه حوالى 240 كم وباذن الله يوم السبت هروح اغير الزيت والفلتر 1-- 240 كم اغلبهم سفر عملوا 22 لتر بنزين هل طبيعي ولا مبيبانش دلوقتى ؟ 2-- الزيت النهارده لقيته ناقص حوالى نص سم عن مقاسه ( اتصلت بالميكانيكي وقالى ده طبيعي لان كارتيرة الزيت كانت محلوله وفاضيه ويمكن يكون وقع زيت منى ) انا لاحظت يا بشمهندس ان الحمد لله مفيش تسريب عندى ( ما تفسير نقصان الزيت ( زيت بترومين ابيض ) 3-- فى دخان ابيض فى الشكمان خصوصا وهى بارده ؟ هل ده طبيعي ولافى مشكله 4-- وانا ع الطريق السريع لاحظت انى لما بكون على سرعة 90 او 100 فيما فوق انا مشيت مثلا على 110 للحظات لقيت الدركسيون بيترج وبيرتعش ورعشه فى الدواسه بس مش جامده ؟ ده ايه ؟ وحله ايه ؟ الحمد لله العربيه كانت ثابته ومبتعومش او تحدف؟ لكن رعشه فوق سرعه 90 5-- (( لسه خشونة التروس وصوت الوجوجه وصوت هى هى هى هى لما بتسيب بنزين موجود )) اغير الزيت الى زيت 90 واخلى عفشجي يبص عليه هل مشاكل الدبرياج والفتيس تزيد الحمل ع المكنه وتتعبها ام لا . 6- - ساعات العربيه بتنتش منى ع االاول او التانى ؟ مش عارف ده من رجلي ولا من كهربة العربيه او مش شئ اخر ؟ اسف للاطاله ومستني توضيح حضرتك نقطه نقطه وكلى آذان صاغيه ولكم جزيل الشكر والامتنان

الميكانيكي قالى ان اصلا مكنش عندى ترموستات الكوعه
والتكيهات كان ظابطها قبل ما امشي بيها وانه هيحتاج يظبط تاكيهات لظبطة الصيف هل ده صحيح تختلف عن الشتا ولا ايه النظام؟
اروح لعفشجي يفحص موضوع الدبرياج والفتيس
ولا اغير الزيت الاول ؟
ولكم جزيل الشكر والامتنان

[samirayad]

مفيش حاجه أسمها ظبطة تاكيهات صيفيه وأخرى شتويه

لكن فيه ظبطة قبل العمره وأخرى بعد العمره ومرور المحرك بمرحلة التليين

_______________

أما

لو أنت لسه شايف الفتيس عامل معاك وره وأنت ماشى بالسياره

يبقى

ما باليد حيله

هتضطر تنزل الفتيس بالدبرياج

ومنها تشوف نظام الفتيس

هينفع يشتغل معاك تانى

ولا لا

__________________

ولو طلع عيبه بلية عمود الدريك فقط

يبقى ده من حظك وممكن تغيرها ببليه جديده

وهيرجع الفتيس تمام

وبالمره وأنت حالل

هتركبلك طقم دبرياج فاليو