|
مشاهدة نتائج الإستطلاع: من العضو الأقرب إليك . . . . ؟ | |||
د. عبد السلام موافي - Dr. Bolbolan | 10 | 76.92% | |
م. سامح رمزي - sam ram | 11 | 84.62% | |
إستطلاع متعدد الإختيارات. المصوتون: 13. أنت لم تصوت في هذا الإستطلاع |
|
أدوات الموضوع |
#146
|
|||
|
|||
رد: تحقيقات جريده الأهرام فى سجن مخالفين قانون المرور(ارجو المشاركه من الجميع للتصدى للأهانه)
لأ ...... انا معترض طبعا على الحبس من اول مره ..بالذات لو فى وسط البلد او الشوارع العاديه اللى مش هاتسبب فقدان ارواح او حوادث كبيره .......... لو الناس اللى حاطه القوانين دى بتفكر و عايزه تعمل حاجه صح يبقى كانت العمليه اتظبطت شويه ازاى .... اقولك :- اول مره غرامه معقوله فى حدود ال 500 جنيه مثلا .(يمكن يا اخى لما دخلت غلط ماخدتش بالك , يمكن ظروف قاهره , يمكن اى سبب او ظرف ما) تانى مره غرامه كبيره برده او مضاعفه الغرامه + انذار لعدم التكرار او سحب الرخصه لمد لا تقل عن شهر. تالت مره سحب الرخصه سنه + الغرامه. بعد كده ابتدى فى الحبس علشان كل ده و لم يتعظ يبقى ابتدى فى الأذلال و الأهانه لأنه واحد مش فارقه معاه كده يبقى يتربى . لكن تعمل من اول مره حبس ؟؟؟؟؟؟؟؟؟؟ دى اسمها قله ادب و افتراء على خلق الله و بالذات ان الشوارع الداخليه للمدن بتاعتنا مش هاتعرض الناس للخطر او الموت لأن استحاله تكون ماشى عكسى و جايب اكتر من 40 ك/س ... يعنى سرعه مش قابله لأحداث خسائر فى الأرواح للدرجه دى .
__________________
اى موضوع او اى تعليق ينم عن رأيي انا الشخصى و لكم جزيل الشكر ,,, |
#147
|
||||
|
||||
رد: تحقيقات جريده الأهرام فى سجن مخالفين قانون المرور(ارجو المشاركه من الجميع للتصدى للأهانه)
لاء طبعا الحبس ديه حاجة كبيرة جدا وتجربة مهينة جدا لاى حد والمفروض تطبق فى حالة الاصرار على الفعل وكون الفعل هيسبب خطورة على الغير فعلا
وده علشان يتحقق لازم يكون المشى عكس الاتجاة فى طرق سريعة ويكون فيه علامات ارشادية كافية علشان نقول الشخص ده متعمد غير كده يبقى استهبال وافتراء عندك مثلا روكسى شارع الخليفة المأمون موازى ليه شارع داخلى اللى بيودى على مول السخاوى (تقريبا الشارع اسمة السخاوى برضو) عادى جدا تخش من جنب المول وبعدين تاخد يمين فى الشارع الجانبى علشان تطلع على اول الخليفة المأمون وهو شارع عرضة لا يتجاوز العشرة متر والعربيات راكنة فيه يمين وشمال ويادوب يعدى عربيتين جمب بعض واستحالة سرعتك تعدى 20 كم بس جنب الشارع ده نقطة (نقطة شرطة) وطبعا البهاوت بيطلعوا منها يسترزقوا بحجة ان الشارع اتجاه واحد وما اكثر زوارة من الناس اللى جاية تشترى اجهزة كبمبيوتر وبالتالى ناس معاها فلوس وهوووووب رخصتك فين ياخد المندوب الرخصة وانت ماشى عكس وهاخد الرخصة اوريها للظابط يا اما تدفع يا اما الحبس الاول اخر مزهقت منهم كنت بسيبلهم الرخصة وامشى او الحق اقفل العربية وانزل منها قبل ما يجى واسيبة وامشى وفى مرة سيبتلهم الرخصة لقيتهم سايبنها مع السايس اللى فى المنطقة وهو بدورة بيحصل ال 10 جنية ويدينى الرخصة طبعا دلوقتى بعد القانون الزفت ده الموقف هيختلف وهيبقوا اكثر جراءه وافترا عين شمس كلها ماشيين عكسى وخاصة الميكروباصات واللى خايف على عربيتة يوسع غير كده ملهومش اى رادع ومفيش حضور لاشاوز المرور المغاوير اطلاقاً مع انها من اكثر الاماكن كثافة مرورية فى القاهرة عزبة النخل المطرية نفس الكلام وروحوا المرج الجديدة وشوفوا نزلة الدائرى اللى المفروض ينزل منها النازل من الدائرى للمرج الجديدة تحولت بقدرة قادر لمنزل ومطلع فى نفس الوقت واسمة كوبرى سريع ومحور من اهم محاور العاصمة ده طبعا بغض النظر عن كم المخالفات اللى بتحصل فوقية من مشى عكس برضو وركنات تكتلية بعرض الطريق ابطالها سواقين المكروباص بكل احجامة ديه مش قوانين ديه بلطجة مقننة واستهبال عينى عينك |
#148
|
||||
|
||||
رد: تحقيقات جريده الأهرام فى سجن مخالفين قانون المرور(ارجو المشاركه من الجميع للتصدى للأهانه)
وبعدين احنا بنتكلم فى الحبس ليه وسايبين الغرامة مهى ديه كمان استهبال رسمى ازاى غرامة تبقى 1500 والفين جنية ايه السفح والاجرام ده وعلى ايه اساسا
اذا كانت العقوبات ديه بتتطبق اساسا على الفئة المتوسطة والفئة الS كلاس ميدفعوش تعريفة يعنى واحد معاه فيسبا تمنها الفين جنية يدفع قد تمنها علشان غرامة سير عكس الاتجاة ولسه هتشوفوا اجمالى الغرامات اخر السنة والحاجات اللى بتيجى كده خبط لزق وانت اصلا مروحتش المكان ده اصلا ولا تعرف هو فين ايش حال ما الطرق زى الزفت والانارة ازفت والعلامات الارشادية هباب ومفيش حاجة بتتصرف على الطرق طب ينهبوا الفلوس ديه كلها ليه اصلاً |
#149
|
|||
|
|||
رد: تحقيقات جريده الأهرام فى سجن مخالفين قانون المرور(ارجو المشاركه من الجميع للتصدى للأهانه)
لا حول ولا قوه الا بالله انا عمرى ماسمعت ولا شفت النظم الغريبه دى بأى مكان غير دولتنا الحبيبه والله حرام انا كده لو حد عايز يوقفنى يبقى يوقفنى بقه يورينى هيوقفنى ازاى والله اسيبلو الرخصه وامشى ولو عايز يوقفنى يبقى يضرب نار عليا
بس انا الحمد لله مبمشيش مخالف و لا بكسر اشاره والله بنلاقى مخالفات اقل واجب 255 جنيه مع العلم اننا لا نقوم بعمل اى غلطه ولا اركن غلط ولا اكسر اشاره حتى لو الفجر بس نقول ايه ربنا ع الظالم والمفترى |
#150
|
رد: تحقيقات جريده الأهرام فى سجن مخالفين قانون المرور(ارجو المشاركه من الجميع للتصدى للأهانه)
ماهو القانون لا يجزأ
و السيئه تعم و الحسنه تخص يعني الحبس دا لازم يتطبق من اول مره بس قبل ما تطبق نظام الحبس 1.لوحات ارشاديه توضح الاماكن اللي ممنوع الدخول و الخروج منها 2.لا يتم حساب المخالفه بدفتر مخالفات العسكري او امين الشرطه 3.انشاء سجون خاصه لمخالفي المرور و دا اهم شرط ماهو مش معقول المخالف يبقي مرمي مع حشاشين و لصوص و بلاوي سودا. وليكن مثلا انشاء غرفه داخل ديوان المرور نفسه و بالنسبه للغرامه فكده كويس اوي علشان اللي ما بيخافش من السجن يخاف من الغرامه لان لو الغرامه بسيطه حتلاقي الوضع كما هو عليه. الناس عندنا اتربي عندها ثقافه المخالف و انه كده بقي راجل و مافيش منه اتنين دافيه ناس يبقي طريقم فاضي و ماشي كويس و نضيف لكن علشان فيه نقثره بسيطه يقوم ياخد المخالف و فرحان بنفسه اوي انما لو عارف ان في اخر الشارع حيلاقي حد يعكنن عليه و يدفعه ولو جنيه واحد غصب عنه حيمشي في طريقه ولو كان عباره عن هضاب
__________________
حـازم خـضـر
|
الكلمات الدليلية |
مســـــــــمار, مغامرات, المدير, اليوتيوب, السلام, العروض, اعلانات, ريجيم, ريجيم سريع, ريجيم كميائى |
|
|