حليت الاسبراتير ونسيت اتجاه الشاكوش اعمل ايه؟

[ahmed2801]

المشاركة الأصلية كتبت بواسطة mr_astra طبعا اكيد صاحب المشكلة اتصرف بس انا هاجاوب يمكن حد يحط فى نفس الموقف دة هانشتغل بطريقة الصنايعية فك البوجة رقم واحد ادى سنة مارش وانت قافل فتحة البوجية بصباعك لغاية اما تحس بضغط على صباعك تقولة بس تحط مفك رفيع فى فتحة البوجية ادى العربية غيار سريع زق العربية لقدام وانت باصص على المفك لغاية اما يوصل لاعلى نقطة ركب البوجية نزل الاسبراتير وخلى اتجاة الشاكوش على سلك البوجية رقم واحد وهتلاقية مكتوب على غطا الاسبراتير من فوق جنب السلكة وخلى بالك بقى من ترتيب الاسلاك المفروض يكون 1 - 4 - 3- 2 يعنى الشاكوش بيلف شمال مثلا يبقى السلكة التى تلى رقم واحد تركب فى بوجية رقم اربعة وبعدين بوجية رقم 3 وبعدين بوجية رقم اتنين اربط مسمار الاسبراتير بايدك حاول تدور العربية وتلف الاسبراتير سنة يمين او شمال لغاية اما تدور

كلام سعادتك صح ومظبوط مية ف المية وتشكر على المشاركة المفيدة عدا التقسيمة كل الاربعة سلندر 1-3-4-2 والستة سلندر 1-5-3-6-2-4 .
وشكرا لسعة صدركم.

[Hisham.Elgazzar]

1342
1342
1342
1342
من كتر ماباحاول أحفظها حفرتها على وش السلندر بالبارز

[ahmed_eng2001]

المشاركة الأصلية كتبت بواسطة ahmed2801 كلام سعادتك صح ومظبوط مية ف المية وتشكر على المشاركة المفيدة عدا التقسيمة كل الاربعة سلندر 1-3-4-2 والستة سلندر 1-5-3-6-2-4 . وشكرا لسعة صدركم.

و تقسيمة ال 8 سلندر ؟؟؟؟؟؟

[ahmed2801]

المشاركة الأصلية كتبت بواسطة ahmed_eng2001 و تقسيمة ال 8 سلندر ؟؟؟؟؟؟

الحقيقة يا باشمهندس احمد التقسيمات اللى كتبتها دى مش مطلقة لان فيه ماكينات بتلف يمين وماكينات بتلف شمال وهى كالتالى.
4 يمين
1-3-4-2
شمال
1-2-4-3
6 يمين
1-5-3-6-2-4
شمال
1-4-2-6-3-5
8 يمين
1-3-2-5-8-6-7-4
شمال
1-4-7-6-8-5-2-3
وأى خدمة ياباشمهندس انا تحت امرك.

[ahmed_eng2001]

انا شاكر افضالك ...ربنا يباركلك

السؤال التانى ...
ازاى اعرف ارقام البساتم ؟؟؟ يعنى فين بستم رقم واحد و فين رقم 3 ؟؟
لما فكيت كرتيرة الزيت وجدت ارقام على كراسى البيلات .... بس ازاى اعرف الارقام من غير ما افك الكارتيرة ؟؟