ما تتمنناه لمصر موتورز ان يكون, هل منتدى سيارات مصري أم منتدى مصري للسيارات؟ أرجو التصويت بعد قراءة الموضوع

[dr_eslam_66]

المشاركة الأصلية كتبت بواسطة مشمش1 السلام عليكم لك كل التحيه دكتور اسلام السياسه لها منتدياتها والله المستعان

أشكرك يا أستاذ مشمش علي الرد واهتمامك بالموضوع فعلا انا اعصابي تعبت وبقيت شايل في نفسي من اعضاء محترمين انا ماكنتش بكنلهم غير كل اجترام ومودة صافية لاكن من ساعة ما بقي الناس تتلون شوية اخوان وشوية سلفيين وشوية فلول وشوية ليبراليين وووووو وكل طرف بقي يبص للتاني علي انه خاين ونسينا الفلول كمان اهو وبقي فيه مجموعة حازمون وفاتحون ياااااااااه كتير كدة والله والهم دا كله اكبر من اني المنتدي يستحمله ويظل محافظ علي صبغته الفنية.

المشاركة الأصلية كتبت بواسطة تامر ديزل موضوع مهم فعلا يا دكتور اسلام واسمحلي اشارك في الاستطلاع واقول اتمنى ان مصر موتورز يكون منتدى مصري للسيارات ولكن لو عاوز ان المنتدى يكون مقصور فقط على السيارات واخبارها وكل مايتعلق بيها فيه حلين ممكن نعملهم اسهل من حل البوليس السياسي الحل الاول : ان المهندس وائل يتفضل مشكورا ويعمل منتدى سياسي مصري متخصص بما له من خبرة طويلة بالمنتديات وتاسيسها ومقدرته على التنظيم ... مع امكانية المشاركة المادية للاعضاء في تحمل اعباء المنتدى الجديد نظرا للظروف المادية اللي بتمر بيها البلد وعلشان ما نتقلش على حضرتك يا باشمهندس الحل التاني : وهتكلم عن نفسي قولولي على منتدى سياسي مصري بشرط يكون فيه التنوع الفكري الموجود في النادي الثقافي والاجتماعي في مصر موتورز بما يضمه من اتجاهات ... ف الحالة دي تقتصر مشاركاتي في مصر موتورز على السيارات بس وبعد ما نحل حل من الاتنين اللي تبقوا تشوفوه يشارك بكلمة ف السياسة في المنتدى هنا ابقوا اعتقلوه وعاقبوه زي ماانتوا عايزين

سيدي الفاضل أ.تامر طبعا موضوع البوليس السياسي موضوع ساخر واتقبل اختلافك معايا وليه لأ ما خلاص الديموقراطية بقت شغلنا الساغل بس اسمحلي احب انوه علي نقطة واحدة انا كنت بشدد علي الاحترافية في الاداء ياعني حضرتك عضو وانا عضو انتا اسمك تامر وانا اسمي اسلام انا بحبك في الله وانتا بتساعدني في استفساراتي لوجه الله انا وانتا داخلين المنتدي نعرض ونتلقي معلومة من بعضينا ومن اعضاء أفاضل آخرين هل وجود علاقات شخصية هي سبب روح الود والإجتماع الي جمعت بينا دلوقتي لا طبعا (أبسلووووولتلي) انما هي طول فترة العضوية وكمان صفاء نية المساعدة وكل واحد وضميره وجود علاقة شخصية قد يفيد كما انه يمكن ان يضر بالروح الاحترافية للمجال ولاكن وجود صفحة سياسية بالنادي الثقافي دي كارثة علي العلاقات الاجتماعية بين الاعضاء. ارجو انك تكون فهمت وجهت نظري.
وياريت كمان تفهمني وجهة نظرك انتا في حبك او اصرارك علي دعم وجود صفحة سياسية بمنتد سيارات متخصص وايه التنوع الي حضرتك تقصده بالظبط والي مش موجود في شتي انحاء مواقع التواصل الإجتماعي (طنيطر مثلا) دا ياراجل التنوع دا بقي موجود داخل الاسرة الواحدة تحت سقف واحد ناقش الجماعة واخواتك في البيت مثلا وانقلي تجربتك

المشاركة الأصلية كتبت بواسطة bebonet الموضوع مهم جداً ولكن يجب ان نفهم اهميته من مختلف الزوايا ولانترك زاويه فارغه ورأى أن أى مكان فى العالم سواء كان منتدى او حتى مركز صيانه اول شىء يفكر فيه صاحب المنشاءه عمل اماكن انتظار للعملاء ويكون به مثلاً زمان مجلات سياسيه وفنيه واجتماعيه وفى الوقت الحاضر دش مركزى لمتابعة اخر الاحداث ومن متابعة الاحداث تبدأ التعليقات والتواصل والمشكله الحقيقيه ليست فى أختلافنا سياسياً أو إجتماعياً مشكلتنا أننا لم نتعلم كيف نختلف ونحن جالسين ولكن نقف لبعضنا البعض واتمنى على الله ان يؤلف قلوبنا ولكن الله جعل الاختلاف ولو شاء لجعلها أمة واحده فيجب علينا نحن كما فعل الاوربيين ان نجعل الخلاف لا يصل الى حد الخصام والتناحر ومن وجة نظرى المشكله ليست فى المنتدى المشكله ثقافتنا وعن نفسى استطعت حل المشكله بالنسبة لى من زمان ومن قبل الثوره إننى عندما اتحدث مع اى شخص فى موضوع أحاول على قدر المستطاع ان لا انظر إلى اى علامات تجعلنى اتحدث معه بطريقه مختلفه مثلاً احاول اتجاهل إذا كان يرتدى ملابس تجعلنى اجادل معه او يضع علامه على يده تحدد دينه وبالنسبه للمنتدى عندما ادخل على موضوع لاحد الاعضاء لا اعرف من كتبه ولكن اهتم اكثر بالعنوان ومن العنوان اقرر سادخل ام لا وحين اكتب رداً لا اكتبه لشخص كاتبه ولكن بعد وزن الكلام

اهلا وسهلا نورتني بردك و ودت الموضوع واثريته برأيك انا مش مختلف معاك خالص وبالعكس ابصم وامضي واختم علي كل كلمة انتا قولتها وكل الي حضرتك قولته فعلا دا عين الصواب.
نرجع بس خطوة لوري انا قولت اني قمة الاحتراف في الأداء هية التخصص التام 100٪ ودا ينطبق بردو علي مثال الاستراحة الي حضرتك عرضته ياعني انا لو رايح التوكيل افضل اني اديهم عربيتي من باب وعلي ما ادفع الفلوس واخرج من الباب التاني الاقي العربية جاهزة وما احتجشي اي استراحة ودا ممكن يحصل بالعمل الجاد والتصميم مش مستحيل اما من باب وجود استراحة فا دا شيئ هايل ويفضل ودا يرجع برضو بينا خطوة لوري مش هنلاقي منه اي مشاكل زمان قبل العلة ماتصيب المجتمع لاكن تعالي روح التوكيل وخش الاستراحة هتلاقيه مشغل قناة الفراعين ممكن تتنرفز او تموت من الضحك فا في كلا الحالتين التوكيل آذاك طيب وعلي ايه بقي اللهم لا ضرر ولا ضرار ياسيدي يبقي يجيب قناة قرآن مثلا او اغاني مش هقولك لا او يوفر العاب خفيفة او جرائد ومجلات موضة وازياء وغيره من الامور الخفيفة انما لا يجيب مجلة سياسية تكون الاهرام تقوم تقوله انتا راجل فلول او الاعلام الحكومي مغيبلك عقلك ولو جاب الجزيرة تقوله انتا الاعلام اليهودي بيأثر علي تفكيرك او او او او وغيره وغيره.
انا معاك مليون في المية اني المجتمع هوا الي عنده عله والاسباب كتيرة مش سبب واحد ولاكن انا اقصد هنا اننا نبعد عن الشر ونغنيله ونقفل الباب الي جاييلنا منه الريح علشان نريح ونستريح.
اذا كنا محتاجين نادي ثقافي اجتماعي يكون في اديق الحدود وفي مواضيع عامة لا تخلو من بسمة رقيقة وماننساش الهدف الاول من المنتدي وانشاؤه
احييك مرة تانية علي نظرتك الشاملة والي بحس انها واعية

المشاركة الأصلية كتبت بواسطة Explorer Subdomain مثلا Politic.masrmotors.com Masrmotors.com/politic متفق مع الباشمهندس تامر والموضوع ده مش هيتكلف كتير وياريت العضوية تكون بعد موافقة الأدمن ومش محتاجين استايل ولا شغل جامد arrivederci

[COLOR="rgb(72, 61, 139)"]اولا اهلا وسهلا بيك في الموضوع ونورتني،
معلش اعذرني انا يمكن في التكنولوجيا ماليش قوي بس اشرحلي انا قصدك ايه او انا هسهل عليك واقولك انا قصدي ايه
انا مش محجم عن الكلام في موضوع اجتماعي ولاكن انا لا اريد ان اتحدث عن موضوع سياسي
عايز ياعني تعمل منتدي جديد ماشي بس مايكونشي فيه ربط بين اليوزر نيم بتاعك هناك وهنا لاني مش عايزك تعرف خلفيتي السياسية ولا عايز اعرف خلفيك السياسية عايز اعرف اسمك واسلم عليك وتسلم عليا ونساعد بعض بالمعلومة ونرجع المية بقي لمواسيرهااااا لووووووول
تحياتي[/COLOR]

تحياتي الخاصة جدا للاستاذ وائل والله اخجلتم تواضعنا.
حضرتك بجد يوم عن يوم بتحرجني بادبك, شكرا لتغيير العنوان وشكرا لتقبل النقاش وشكرا علي حاجات كتير قوي فعلا.

[AbOnOrA]

طيب يا جماعة عملاً بمبداء الشفافية احنا فعلاً زى ما قولت كنا بنفكر فى ده وحجزنا عدة دومينات للغرض ده كان منها فرى مصر freemasr.com وبدانا فى تطويرة كموقع اخبارى ومنتدى لكن لسبب لا اعلمة اتهاجم اكتر من مرة وفى الاخر اتسرق

وحجزنا دومينات مصر واحدة Masr1.com و 1masr.com
وهما جاهزين للشغل فيهم فعلاً لكن زى ما قولت فضلت كيفيه التعامل مع الموضوعات الموجودة حالياً وطريقة الربط بين الموقعين ومدى تاثير ده على الموقع الام كل ديه مخاوف لسه مش محسومة

لكن اكيد حماسكم وتشجيعكم هيخلينا نحسبها تانى مع بعض

خلينى اقولكم فكرة (مصر واحدة ) ايه بالظبط

خلينا نعترف الاول ان مصر والعالم العربى يمكن عموماً مفتقد لوجود منتدى سياسى اجتماعى متخصص

كل المنتديات طبعاً تنشر مواضيع واراء سياسية لكن منتدى سياسى بالمعنى مفيش

وانا فى الفترة اللى فاتت عملت شبه بحث فى الموضوع ده على المواقع اللى بالفكرة ديه عالمياً وكونت تصور مبدئى ودراسة عملية عن ما يمكن تنفيذه وباقل الامكانيات ان شاء الله ومش محتاجين نثقلكم باعباء ابداً ان شاء الله بس الحكم على جدوى ده راجع ليكم وفعلاً احنا كإدارة صعب نحسمها تماماً

فخلينا نفكر مع بعض بشكل عملى ونشوف هنوصل لايه

[dr_eslam_66]

المشاركة الأصلية كتبت بواسطة AbOnOrA طيب يا جماعة عملاً بمبداء الشفافية احنا فعلاً زى ما قولت كنا بنفكر فى ده وحجزنا عدة دومينات للغرض ده كان منها فرى مصر freemasr.com وبدانا فى تطويرة كموقع اخبارى ومنتدى لكن لسبب لا اعلمة اتهاجم اكتر من مرة وفى الاخر اتسرق وحجزنا دومينات مصر واحدة Masr1.com و 1masr.com وهما جاهزين للشغل فيهم فعلاً لكن زى ما قولت فضلت كيفيه التعامل مع الموضوعات الموجودة حالياً وطريقة الربط بين الموقعين ومدى تاثير ده على الموقع الام كل ديه مخاوف لسه مش محسومة لكن اكيد حماسكم وتشجيعكم هيخلينا نحسبها تانى مع بعض خلينى اقولكم فكرة (مصر واحدة ) ايه بالظبط خلينا نعترف الاول ان مصر والعالم العربى يمكن عموماً مفتقد لوجود منتدى سياسى اجتماعى متخصص كل المنتديات طبعاً تنشر مواضيع واراء سياسية لكن منتدى سياسى بالمعنى مفيش وانا فى الفترة اللى فاتت عملت شبه بحث فى الموضوع ده على المواقع اللى بالفكرة ديه عالمياً وكونت تصور مبدئى ودراسة عملية عن ما يمكن تنفيذه وباقل الامكانيات ان شاء الله ومش محتاجين نثقلكم باعباء ابداً ان شاء الله بس الحكم على جدوى ده راجع ليكم وفعلاً احنا كإدارة صعب نحسمها تماماً فخلينا نفكر مع بعض بشكل عملى ونشوف هنوصل لايه

شيء جميل جدا الحمد لله بجد تفكير سليم وخطوات إيجابية ولازم تتعمل بالتوازي مع تطوير مصر موتورز هنا.
ياعني مثلا لو خلينا صفحة 25 يناير هنا هيا نواة الموقع الجديد وأرشيف للمواضيع الي عليها هيتبني الباقي أفتكر دي خطوة كويسة جدا ولاكن هتفضل فكرة اليوزر نفسه هل لينا حق الدخول على المنتدى الجديد بنفس اليوزر والباس أفتكر دا في صالح المنتدى الجديد ولاكن هنا في مصر موتورز كإنك يا أبو زيد ما غزيت.
الموضوع محتاج فنيات مش عندي ومش عارف أساعد فيها لاكن لو النية عندك حاليا إننا نلغي الشحن الموجود حاليا بين أعضاء مصر موتورز انا معاك قلبا وقالبا وأهم حاجة عندي إني قوانين المنتدى تتعدل وتبقى فيها نصوص صريحة بتنص على إني دا منتدى آه ديموقراطي ولاااكن للسيارات فلا يسمح بالتطرق أو التلميح من قريب أو بعيد عن طريق إسم أو توقيع او موضوع أو تعليق إلى ما يخالف صلب موضوع المنتدى.
أنا آسف فعلا وعارف إني كلامي مش هيعجب كتير من الأعضاء وساعات مابيعجبنيش ولاكن فعلا أنا مابتكلمشي إلا من منطلق إننا نعلى بمنتدانا فوق مستوى الخلاف والإنقسام المجتمعي الي داير دلوقتي في البلد.
: k_crying77[1]::1 2C025~123::red _face10::09C2 07~188::w6w20050411 22473461:01AD 96~139::fun_10 _9_134[1]::fun_10 _1_124[1]:

دا تصوري لحال المنتدى الغلبان بتاعنا دلوقتي.

[TiTo Sky]

موضوع مميز

وياريت يبقي فية تفاعل من الاعضاء

ويبقي فية كمان اعلي نسبة تصويت

تقبل مروري دكتور اسلام

تحياتي

[sehsss]

موضوع راااااائع.. أحييك