استشاره مهمه جداااااااا.ارجو الافاده

[dr.darsh]

المشاركة الأصلية كتبت بواسطة dr_zarry2010 انا خبرتى فى العربيات بسيطه جدا يعنى ما اعرفش يعنى ايه الموتور بتاع العربيه 1600 سى سى ويعنى ايه العربيه 80 حصان وده بياثر على كفاءة العربيه حاجه تانيه البيكانتو بسمع انها عربيه كويسه ومناسبه لو حد عنده معلومات عنها او جربها ياريت يفيدنى

1600 سي سي.......معناها ان سعة المحرك 1600 سنتيمتر مكعب
وطبعا سعة المحرك هي أهم عوامل تحديد قدرة المحرك ولكنها ليست العامل الوحيد

أما 80 حصان فده قوة المحرك وهو أهم عوامل تقييم محرك العربية يعني كل ما يزيد كل ما نقدر نقول ان المحرك أقوى

بص يا دكتور نصيحة لوجه الله لو ناوي تشتري لازم تاخد حد معاك قريبك أو صديقك ويكون عنده خبرة جيدة في مجال البسيارات ويفضل أنه يكون اشترى عربية جديدة أو أكتر علشان تقدر تستفاد من خبراته في المقارنة بين اي عربيات انت تختارها

[حازم شاهين]

يا دكتور كل عربية من العربيات فيها ميزة
و كل عربية مع الإستعمال بتحتاج صيانة
إنما مفيش عربية كلها عيوب من أول ما تشتريها
و مفيش عربية هتقعد تشتغل على طول من غير ما تحتاج صيانة أى كان نوغعا
لو أنت بتشترى عربية لأول مرة فى حياتك .. نصيحتى ليك اتبع النقاط التالية
1- اشترى العربية المعروفة اللى كل الناس ماشية بيها (المنتشرة أكتر و بكده تضمن إن هتلاقى صيانة و قطع غيار بسهولة )
2- اشترى العربية اللى من بلد محترمة فى صناعة العربيات (كده بتضمن إن المشاكل تبقى أقل)
3- اشترى العربية اللى لو حبيت تبيعها تتباع بسهولة (كده تضمن تخلص منها بسهولة لو معجبتكش)
4- فى حالة تساوى الأسعار إختار السيارة اللى محركها أكبر
5- فى حالة تساوى السيارات إختار اللى شكلها عاجبك أكتر (حبك للسيارة هيزيد لو عاجبك شكلهاو هنبقى مرتاح نفسيا)

هقولك على تجربتى فى شراء السيارات
العربيات اللى ركبتها هى كما يلى
بيجو
جولف
هوندا سيفيك
و بعدين حبيت يكون عندى عربية تانية لإستخدامات تانية
فجيبت كيا ريو استعمال
و بعدين اسبرانزا زيرو

المهم تلاحظ إنى دايما كانت العربية اللى عندى عربية ليها سمعة كويسة و منتشرة و من بلد محترم و سهل بيعها

لغاية ما بقى قلبى جامد شوية فاشتريت الكورى و بعدين الصينى
لكن لما جيبت الكورى كان هو أحسن الكورى و لما جيبت الصينى كان هو أكتر صينى منتشر فى مصر و تلاحظ إن إعتمادى على الموديلات المعروفة القديمة قل لما كنت بختار عربية رقم اتنين لأن السعر فى الحالة دى هو اللى كان مهم بالنسبة ليا أكتر من باقى العوامل التانية و الحمد لله كل العربيات دى استخدمتها و بهدلتها و معملتش معايا أى دقات نقص
حتى الصينى شغالة سفر على ودنه و مفيش مشاكل و الحمد لله

[dr_zarry2010]

والله يا حازم مش عارف اشكرك ازاى
كنت محتاج اعرف راى واحد عنده خبره فى العربيات والحمد لله انك شفت الموضوع عشان استفيد بخبرتك
بس كنت محتاج اعرف رايك فى البيكانتو من حيث العفشه بتاعتها لو كنت اتعاملت معاها او حد تعرفه اشتراها
ناس بتقول كويسه وناس تقول وحشه
ولو محتار بينها وبين ا i10 يبقى ايه الاحسن فيهم مع انهم زى بعض فى الامكانيات

[فادى]

المشاركة الأصلية كتبت بواسطة dr_zarry2010 انا خبرتى فى العربيات بسيطه جدا يعنى ما اعرفش يعنى ايه الموتور بتاع العربيه 1600 سى سى ويعنى ايه العربيه 80 حصان وده بياثر على كفاءة العربيه

ال1600 سى سى و ال1300 سى سى معناها : 1600 سنتيمتر مكعب, و ده قياس حجم المحرك,
كل ما كان اكبر كلما كان افضل, بيديك قوة أكبر و تسارع أعلى و تجاوب أفضل, لكن فى المقابل استهلاك بنزين أعلى.
80 حصان هى قوة المحرك القصوى, و كل ما كانت اكبر بتديك تسارع عام أفضل و سرعة قصوى أكبر, لكن فيه عوامل اخرى بتحكم السرعة غير القوة الحصانية.

[فادى]

المشاركة الأصلية كتبت بواسطة esam_comm نصيحه اخويه ابتعد عن الباليو سياره ضيقه جدا وقطع غيارها علي فكره مش منتشره اوي والسيينا اه شكلها حلو بس بتسخن ومش بياعه وسوقها بيبقي واقف الفيات بخلاف القديم كله قطع غياره غاليه ومافيش اعتماديه بصراحه ممكن يكون ده رايي ومنتظر رايكم

انا من ساعة ما اتعلمت السواقة و انا سايق عربيات فيات,
و سقت غيرها يابانى و كورى و فرنساوى,
و أقدر اقولك انو الفيات أكثرهم متعة فى القيادة, و موتوراتها ليها شعور تانى فى القيادة و مهما كانت صغيرة و قديمة لكن دايما متجاوبة و ممتعة و تشعرك أنك أفضل سائق فى العالم.
و انا معايا الشاهين بقالها اهيه 70 الف تقريبا و كلها فيات معرفش الكابوت بيتفتح منين و لا عمرها قلت معايا!
معرفش انت متحامل عليها ليه؟