|
#11
24-05-2012, 07:47 PM
|
|||
|
|||
رد: رأيك في رفع الدعم عن البنزين.......موضوع للنقاش
الحل سهل بسيط , الغاء البنزين 80 المضاف اليه الرصاص لأضراراه على البيئة وصحة الانسان , والغاء الدعم عن 92 و95 وتوجيه كل الدعم لبنزين 90 بسعر معقول ...الموضوع هيساهم كمان في استقرار سوق المستعمل لان السيارات اللي بتعمل على 80 سوقها هيشد واللي دافع دم قلبه في عربية حديثة هيخسر فيها كتير لما ييجي يبيعها ,
وبعدين يرفع الجمارك نهائيا على السيارات الموفرة للبنزين (فئة 1200 وما ادنى ) , ونركب سيارات اقتصادية باسعار معقولة وفي حاجة كمان , اننا نغير ثقافتنا في استخدام السيارات , يعني مثلا في 2 جيران بيروحوا الجامعة كل يوم الصبح كل واحد بعربيته , المفروض يغيروا , ويقسموا الاسبوع عليهم يوم ويوم , ده اسمه Carpooling وده بيستخدموه الغربيين لتوفير النفقات على البنزين والصيانة وكدا .... 
|
|
#12
24-05-2012, 07:52 PM
|
|||
|
|||
رد: رأيك في رفع الدعم عن البنزين.......موضوع للنقاش
رفع البنزين سيؤثر سلبا علي الاسعار بطريقه رهيبه انت بتقول معظم بلاد الدنيا طب شوف دخل الفر هناك كم والخدمات اللي بياخدها من الدوله شكلها ايه كمان الناس اللي بتقول الناس اللي حتحط بنزين 95 يقدروا يتحملوا..ده كلام خاطئ تمام لان نص مصر راكبين بالتقسيط كمان في ناس بتجيب العربيه توصل اولادها وزوجتها الشغل والمدارس عشان يترحموا من المواصلات ويوفروا فكده بندبحهم اخيرا سعر البنزين 95 في السعوديه (( اللي المصريين بيقولوا عليهم بدو)) بنص ريال اي 75 قرش وسعر الميه اللتر 1 ريال يعني عندهم البنزين ارخص من الميه في حين ان مرتباتهم عشرات الاضعاف من مرتباتنا والعربيات عندهم ببلاش
|
|
#13
24-05-2012, 07:53 PM
|
||||
|
||||
|
رد: رأيك في رفع الدعم عن البنزين.......موضوع للنقاش
ماينفعش الدعم يتشال منعلى 90 وال80 حرام حرااااام ازاى يعنى ده احنا هنا فى مصر نص البنزين طاير فى الهوا عشان الزحمة يعنى العربيات بتسهلك ضعف الأستهلاك فى اى بلد تانية وُ بعدين هو كل اللى ركب عربية بقى غنى غنا فاحش انا واحد من الناس بركب عربية عشان المواصلات غير الأدمية عندنا فى مصر يحسنوا شبكة المواصلات وبعدين يشجعوا الناس تركن عربيتها وتروح بأتوبيسات وبعدين حتى يوم ما يرفعوا الدعم يشيلوا كله كده طب بالتدريج يعنى والله الواحد خلاص اتخنق من البلد دى وعاوز يهج وزى ما قال سعد زغلول مفيش فايدة
|
|
#14
24-05-2012, 08:26 PM
|
||||
|
||||
|
رد: رأيك في رفع الدعم عن البنزين.......موضوع للنقاش
أنا كمان مع رفع الدعم قصاد إلغاء الجمارك بس بشرط.. إن رفع الدعم ييجي بطريقة تدريجية ويبدأ بالبنزين 95 و 92 والناس اللي بتبص للسعودية في البنزين لازم تعرف إن السعودية أكبر منتج للبترول في العالم، وكون إن البنزين أرخص من الميه ده لإن البنزين فعلا متوفر أكتر من المية هناك تخيل كده إن : العربية الـ1600 سي سي اللي بتشتريها بـ120 ألف حتشتريها بعد كده بـ 75 ألف جنيه والعربية الـ2000 سي سي اللي بتشتريها بـ 300 ألف حتشتريها بـ 100 ألف بس اللي عايز عربية كبيرة بتستهلك بنزين كتير يدفع، واللي مش عايز يدفع يشتري عربية موفرة، والموضوع ده حيخلي العربيات الحديثة تنتشر وبالذات السيارات الهجينة زي التويوتا بريوس لازم نغير طريقة تفكيرنا في الأمور
__________________
Ahmed Al-Bora'ie Trust me, I'm an engineer من مواضيعي المميزة عربية تقيلة ولا خفيفة؟؟؟ طبعا الخفيفة أحسن عربية على شاسيه ولا على علب؟؟؟ اتعرف على طرق بناء السيارات قواعد اختيار زيت الموتور.. إزاي تعرف الزيت المناسب؟؟؟ عايز تشتري عربية ومحتار؟؟؟؟ تعالى أقوللك إزاي تختار الفرق بين تكييف السيارات القديمة والحديثة والمنزل 30 نصيحة للتوفير في الوقود عايز تزود كفاءة التكييف؟؟؟ ثرموستات الكوعة.... المفترى عليه
|
|
#15
24-05-2012, 08:43 PM
|
|||
|
|||
|
رد: رأيك في رفع الدعم عن البنزين.......موضوع للنقاش
اعتقد ان لو موسى او شفيق نجحوا لن يلغوا الدعم واى مرشح اخر نجح سوف يلغى الدعم لزيادة الاوضاع سوء والله اعلم
__________________
كمال معروف  ان الله لا يغير ما بقوم حتى يغيروا ما بانفسهم 
|
 |
|
|
