اية رائيكم فى هيونداى اكسل والاكسنت

[Ahmed AlGamal]

انا بقالي اكتر من شهر بدور على عربية مستعملة كويسة و كنت محتار نفس حيرتك و عمال ابحث في الموضوع ده
بس انا حيرتي في ان انا عايز عربية مؤقتة ( سنة مثلا) و كنت بحاول اوفر قدر الامكان

ففي الاول كنت منمر على الاكسل لان انا كنت حاطط 30 - 35 الف بس

حاليا مش لاقي غير اكسنت روحت عامل نفس السؤال اللي انت عامله ده و سالت ناس كتير برة المنتدى و ناس اعرفها و كانت الاجابة : الاكسنت احسن من الاكسل في كل حاجة ( متانة و حداثة و تكنولوجيا و ثبات) بس الاكسل اوسع

نيجي بقى لحالتك انت بتقول معاك 45 طب ايه اللي يزنق في الاكسيل و لا ايه اللي يزنقك في اكسنت قديمة

انت ممكن تجيب اكسنت 2006 ولا يمكن كمان احدث

و ممكن تجيب فيرنا ولو ان بيقولو اتزانها وحش و فراملها وحشة

و ممكن تجيب لانوس الفينات برضه

ايه اللي يركبك اكسل موديل 96 ولا 95 .... و طالما الفرق ده انت مش محتاجه في التزامات تانية يبقى متسترخصش لان العربية كل ما تمنها اقل هتطلع عنيك اكتر و تبقى عضو منتدب عند الميكانيكية ..... و ما تستعجلش

[ahany]

المشاركة الأصلية كتبت بواسطة kokomomo بالظبط كدة طب حضرتك ترشحلى اية انا معايا لحد 45

اكسنت موديل من 2000 الى 2005

[goudai]

المشاركة الأصلية كتبت بواسطة kokomomo بالظبط كدة طب حضرتك ترشحلى اية انا معايا لحد 45

انا رايى لانوس ثم اكسنت ثم فيرنا
لانوس اشيك واوسع واكثر ثبات
اكسنت قطع غيارها رخيصة جدا والفيرنا برده كويسة
لكن لانوس سيارة عائلية مريحة فى السفر
وتقبل تحياتى

[kokomomo]

انا متشكر جدا على رددتكم دى يعنى اشيل الاكسيل من حسباتى يبقى فاضل لانوس واكسنت متشكرا جدا ليكم يا رجالة

[goudai]

المشاركة الأصلية كتبت بواسطة kokomomo انا متشكر جدا على رددتكم دى يعنى اشيل الاكسيل من حسباتى يبقى فاضل لانوس واكسنت متشكرا جدا ليكم يا رجالة

وعلشان نقرب المسافات اكتر انا رايى ان العربيتين حلوين جدا لكن فرق الاكسنت عن لانوس ان الثانية قطع غيارها اغلى حاجة بسيطة من الاكسنت لكن (راى شخصى ) انا شايف ان لو الماديات معاك مظبوطة خليك فى لانوس لانها اوسع واشيك من الاكسنت