داخل على شراء فيرنا مستعملة من معرض و خايف يتضحك عليا

[@واحد من الناس@]

بص يا باشا مقصدش أحبطك بس انا واحد قريبى بايع فيرنا 2006 برضو ماشية 100ألف بس من سنتين وكانت كاملة مانيوال وجنوط وكاست كاملة كاملة يعنى فابريكا برة وجوة بالكامل 1500 سى سى وكانت عربية جامدة بمعنى الكلمة ب49 ألف ولازم دلوقتى سكون سعرها نزل

[مايكل ذكرى]

بص يا باشا العربيه ممتازة وقطع الغيار بتاعتها بقت فى التراب والسعر الى بتقول عليه كويس طلما حالت العريه كويسه والف مبروك مقدما : 010104~171:

[سيداحمد]

العزيز الغالىegy4arbبعد التحيه--اول نزول الفيفا الهندى 2008 ولو لاقيت الفيفا دى تبقى محظوظ وامك داعيه لك لانها عربيه ممتازه بكل المقاييس وهى تقفيل هندى بس موش صناعه كامله هندى فيها كل الكماليات اللى فى الفيرنا وصالونها اشيك من الفيرنا ولونه كريمى واخد نفس لون الكراسى والسقف والابواب موتورها 1500ccهوبتاع الاكسنت يعنى الموتور كله 1250ج مشيها ثابت وجميل جدا وشكلها من بره شيك اما عن استهلاك البنزين فحدث ولاحرج سبرتايه لولاقيتها خدها ولو ماعجبتكش انا هاخدها منك والكل يشهد على الكلام ده وربنا يوفقك لما فيه الخير لك ولنا جميعا وتقبل تحياتى

[egy4arb]

متشكر اوى لاهتمامكم يا رجالة

و انا اتكلمت تانى مع الراجل ب تاع المعرض و قالى 46 و قوللو خليها 45 المهم ق الى ربنا يسهل ساعة الكاش و كدا باذن الله

الفكرة بقى يا جماعة مش عارف اكشف فى بنزينة ولا مركز خدمة معتمد

و عايز حد يقولى الاجرائات السليمة اية لانى طلبت شهادة بيانات مع ا لمخالفات قالى بيانات لية دا رخصة سارية و نفس المرور بتاعى مدينة نصر و بصراحة الى بيقولى بيانات لية بقلق منووو هههههههه


ياريت تحسمو الموضوع دا

[heshamcar]

السلام عليكم و رحمة اللة و بركاتة
لو عايز مركز صيانة معتمد تكشف عندة في كارفان و دة بعد بنزينة غازتك اللي قبل سوق السيارات مباشرة بس هيبقي حراق شوية
و بالنسبة للبيانات حاول تفهم البايع ان البيانات دي مش عشان انت شاكك فية لكن عشان تثبت للشهر العقاري ان السيارة تصنيع مصري عشان لو حسبوهالك مستوردة و هما عملوها مع ناس كتير قبلك هيدفعوك ضعف المبلغ المقرر للمصري و بالتوفيق ان شاء الله