الزتونة (1) معركة مجلس الشورى

[د.كمال]

المشاركة الأصلية كتبت بواسطة tonsy1979 خلاص يتغير الدستور فى الوقت الحالى ويتلغى مجلس الشورى منه

المشكله مينفعش يتغير الاعلان الدستورى حاليا لأن الشعب استفتى عليه ......وينص الاعلان الدستورى إن أعضاء مجلسى الشعب والشورى يجتمعوا ويشكلوا لجنه إعداد الدستور.....يعنى مينفعش يتعمل دستور من غيرهم الأن .....

[AbOnOrA]

الدستور والرئاسة مطالب عاجلة لاتحمل تاخير ومماطلة العسكرى

مش عايزين العسكرى يسلم دلوقتى ماشى بس كمان ميطولش اكتر واكتر وصدقونى اذا كان غالبية المصريين عايزين (يخلصو) من كل ده فاصحاب الرؤى الثورية (اشد حرصاً) على الانجاز
والشاهد ان التطويل فى المرحلة الانتقالية كان ومازال صنيعة المجلس العسكرى

لازم الدستور المعيب المرقع المهلهل الحالى يعاد كتابتة وبتوافق تام بين كل اطياف الشعب
ولازم نبداء من دلوقتى نركز فى اختيار الرئيس
والمجلس يقوم بدورة ومسمحش بتجاوزة فى قانون واحد
والمحاكمات تنجز والمحاكمات تنجز والمحاكمات تنجز

الاربع خطوات دول لازم نتحرك فيهم وبسرعة وهما بس ونقف ضد اى حد يلهينا عن استكمالهم

[AbOnOrA]

المشكله مينفعش يتغير الاعلان الدستورى حاليا لأن الشعب استفتى عليه

يا استاذ كمال الاستفتاء اليه كانت ضرورية لعدم وجود ممثلين للشعب (برلمان)

لكن دلوقتى عندنا برلمان ممكن يطرح عليه القانون ويقرة بشكل يحيل اى اختصاصات لمجلس الشورى تم تحديدها فى اى قانون فى اى حته لمجلس الشعب ولو بشكل مؤقت نظراً للظروف الحالية مش قضية هى ده بس لو فيه النيه

[M.TONSY]

من ويكيبيديا، الموسوعة الحرة
مصر

مجلس الشورى المصري هو أحد المجلسين النيابيين في مصر. ويعتبر الغرفة العليا للبرلمان المصري. تأسس نتيجة الاستفتاء الشعبي في 19 أبريل 1979 والذي وافق عليه الشعب، وقد اكتمل كيانه بالتعديل الذي أجري على الدستور وطرح للاستفتاء في 22 مايو 1980 والذي وافق أيضا عليه الشعب.

طيب ما الحكاية بسيطة خالص زى ماتأسس باستفتاء شعبى يتلغى باستفتاء شعبى الموضوع مش عويص يعنى مش هياخد غير يوم استفتاء واظن كلنا تقريبا مش عايزينه

[د.كمال]

هو الوقت الباقى من المرحله الانتقاليه يادوب الناس تلحق تنجز فيه دستور كويس والمهم يحصل توافق عليه وبناءا على الدستور هنعرف النظام الرئاسى القادم إيه ويفتح الترشيح ونشوف مين هيناسبنا من المرشحين ......وفى الاخر هيرحل العسكر فى 30 يونيه ونبدأ نشوف الحكومه الجديده هتتشكل إذاى ...