تخفيض قيمة المخالفات بقيمة 50%.

[dr_eslam_66]

المشاركة الأصلية كتبت بواسطة 3bd0 ايوا يا عم مين قدك بسم الله ما شاء الله يزودو الرواتب الضعف مرة واحدة للشعب كلو من كام شهر، ودلوقتي بيشيلو نص مخالفات السنة كلها ربنا يزيدهم من نعيمه، يستاهلو والله بس انتا مقولتش يعني استفدت قد ايه من الحوار ده؟ كان عليك كام مخالفة مدفعتهاش السنة اللي فاتت ؟ ومتحاولش تنكر دي الإمارات اكتر بلد في العالم فيها كاميرات

للأسف يا باشا معظم مخالفاتي باركنج وسالك ودول علشان يخصوا البلدية وإدارة السالك مالهمشي دعوة بقرارات الحكومة فا مانزلوش.
لاكن الحمد لله أنا مش هنكر برضوا ياراااجل إحنى كنا فين وبقينا فين دا أنا كان عليا حواي 4000 درهم مخالفات (المصري مصري لو راح فين) أنا إستفدت بحوالي 1000 درهم تخفيض على مخالفات الرادار بس.
وتخيل إني رخصتي خلصانة من إسبوع وماجددتش لمجرد إني كنت مكسل والحمد لله إني ماجددتش لأني كان هيضيع عليا الخصم.
أنا بعد كدة هحوش المخالفات كلها كل سنة لحد مانشوف يمكن يكرروها تاني.:pod_of _gold:

[nktis]

عقبلنا في مصر ومش عايزين خصم النص....اي نسبه لان فيه تلاكيك عشان حاجه عاديه وتصعق بعد كدا من فلوس المخالفات اللي عليك.....................
ربنا يصلح حال البلد.................... .

[diaahsn]

عقبالنا فى مصر الواحد مش عارف راسة من رجلية

[3bd0]

المشاركة الأصلية كتبت بواسطة dr_eslam_66 للأسف يا باشا معظم مخالفاتي باركنج وسالك ودول علشان يخصوا البلدية وإدارة السالك مالهمشي دعوة بقرارات الحكومة فا مانزلوش. لاكن الحمد لله أنا مش هنكر برضوا ياراااجل إحنى كنا فين وبقينا فين دا أنا كان عليا حواي 4000 درهم مخالفات (المصري مصري لو راح فين) أنا إستفدت بحوالي 1000 درهم تخفيض على مخالفات الرادار بس. وتخيل إني رخصتي خلصانة من إسبوع وماجددتش لمجرد إني كنت مكسل والحمد لله إني ماجددتش لأني كان هيضيع عليا الخصم. أنا بعد كدة هحوش المخالفات كلها كل سنة لحد مانشوف يمكن يكرروها تاني.:pod_of _gold:

هههههههههههههههه حظك نحس
معلش، بس بردو 1000 درهم مش قليل بردو، ينفعوك وقت زنقة
وبالنسبة لحتة ان المصري مصري لو راح فين احب اقولك اني مش بس عليا مخالفات، انا المرور رافع عليا قضية في المحكمة وليا واحد صاحبي ماشاء الله ضارب الرقم القياسي في عدد الحوادث ميعديش شهر من غير ما يخبط حد، المرور حفظه خلاص

احنا عندنا الملك بيعمل الحركات دي في فواتير المياه والكهربا، عشان كده عمرنا ما ندفعها إلا قبل ما يقطعوها بيوم

[الكشفى]

:GR OWIN~12: