كنت حتسرق النهاردة

[احمد الشناوى1981]

الحمد لله انها عدت على خير و الف سلامه عليك
بس اوعى تنسى صاحب العربيه الاكسنت هو فعلا ملوش ذنب و اكيد هيقدر الموقف الى انت كنت فيه

المشاركة الأصلية كتبت بواسطة frontera09 هو اية اللى حصل فى البلد انا خلاص اتخنقت لسة من شوية كنت قاعد على القهوة مع جماعة صحابى فى سموحة وراكن فى الشارع اللى موازى للقطر اللى فى اخرة نقطة المرور دة وبعد لما ركبت العربية ودورت لاقيت اتنين معرفش طلعولى منين وراحو راكبين ومعاهم مطاوى واحد منهم بيقولى اطلع بالموبيل والمحفظة عشان متتعورش مش عارف اوصفلكم شعورى ساعتها كان عامل ازاى المهم كان فى شباب واقف الناحية التانية بس مش عارف انادى حد ولا اعمل حاجة روحت جايب اول ولابس فى عربية اكسنت قدامى عشان الناس تتلم على الصوت لاقيت اصحابنا دول طيران من العربية الحمد الله بس للاسف هربو ودخلو ناحية القطر ومعرفناش نمسكهم انا مش عارف بس هو اية اللى بيحصل دة الناس اية اللى حصلها بس الحمد لله ان ربنا سترها معايا الناس اللى من اسكندرية تخلى بالها من الشارع دة والشارع بتاع مدرسة الريادة كان حصلى موقف هناك مشابهة من كذا سنة منا اصلى موعود بالحاجات دى

الحمد لله على سلامتك
ربنا يسترها على الجميع ان شاء الله

[Mo7amed Elnimr]

الحمد لله على كل شئ
الاكسنت محصلهاش حاجة وصاحبها كان على القهوة وجة لما الناس اتلمت والحمد لله انا عدت

[Mo7amed Elnimr]

المشاركة الأصلية كتبت بواسطة AboNoRa يا جماعة ده موقف حياة او موت والحمد لله ان ربنا الهمة بتصرف يبعد عنه ولاد الحرام دول ويمكن كان تصرفه ده يساعد فى ان الناس تتلم فعلاً ونخلص من اتنين حرامية اكيد هيكررو التجربة مع تانى وتالت وبعدين مين قال انهم كانو ممكن ياخدو اللى معاه ويمشو مش يمكن كانو يضربوه بالمطوة ضربة يعجزوة حته بيها علشان ميجريش وراهم قدر الله وماشاء فعل والحمد لله انك بخير وتسلم على التحذير ومفيش شك ان الاكسنت لو كانت اتضررت من الخبطة اصول تروح ولو تانى يوم تسأل على صاحبها وتعرض عليه مقابل التلفيات

شكرا يا استاذ وائل والله انا ساعتها مكنتش عارف انا عملت كدة ازاى
كنت حاسس كأنى بحلم والحمد لله صاحب الاكسنت كان موجود ومعندهوش تلفيات
وعربيتى كلبسات الشبكة بس فكت

[خالداعزالناس]

حمدا ..... لله على سلامتك

يارب يعدى الايام دى على خير ........ وننعم جميعا ..... بالخير ....